Fʋ na lo na siw pile za, a fʋ kɔkɔr ɩ mɛ̃ a tẽsɔw pʋ̃ɔmɩ n'a ʋ yire a. Ʋ na yire nɩ a tanɛ pʋɔ bɛ bɛ maal wone ʋ ɛ. A na ɩ na mɛ̃ a tẽsɔw pʋɔ n'a ʋ yire mɛ̃ nyãakpɩ̃ɩn kɔkɔr na waalɛ yire a tanɛ pʋɔ a.
A mãa Mise a, ɩ̃ na kone na ŋmɩɛr'ɩ cɛlsɩ, ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol. Ɩ̃ na ùore na mɛ̃ a gbõgbo-cili a. Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.
Fʋ ƴãw na a fʋ nɩbɛ fʋ na tõ a, bɛ tʋ m, a mãa Sore. Fʋ yel'a: “A mãa, Senakerib a, ɩ̃ do n tan saa-zu za nɩ a ɩ̃ zɛbr-torko-yaga, do tɩ ta a Libã tãw nyʋɔrɩ́, k'ɩ̃ɩ tɩ cɛ a ʋ sɛɛdɩr tɩ-vɩɛlɩ zie, nɩ a ʋ sɩpɩrɛ tɩ-kɛrɩ zie. Ɩ̃ do na tɩ ta a ʋ nyɔ-ɓɩɩla nɩ a ʋ tuw-zũgulu.
A lɛr na pɔrɛ nɩ a sob nɛ na cɩɛr'ɩ ʋ a zie bɩɩ? A sɔ-nyɩmɛ na zɛwr'ɩ ʋ tʋɔra a sob nɛ na ɩrɛ ʋ damnɛ a zie bɩɩ? Mɛ̃ a dakpuli-ŋmãa n'ʋ ɩ a sob nɛ na zɛw ʋ a ʋ damnɛ a, bɩɩ mɛ̃ a dabɔl'ʋ zɛw a sob nɛ na bɛ ɩ dàa bom a!
A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.