Zeremi 46:19 - A SƐB-SÕW

¹⁹ Eziptɩ tẽw dem i, nyɩ cɔbrɩ a nyɩ tuor a tẽ-yũo cenu ƴãw. A Mɛmfisɩ tẽ-kpɛ̃ɛ na lɩɛb'ɩ zie na kpɛ faa yaga a. Ʋ na sãw nɩ ʋ za, nɩr za kʋ̃ lɛb kpɩɛr ʋ ɛ.

Zeremi 46:19 Referans Kwoze

Ɩzayi 20:4

A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a!

Zeremi 48:18

Divon tẽw nɩbɛ ɛ, nyɩ siw a nyɩ da-kɔw-yúor zu, nyɩ zɩ̃ a sagɛ pʋɔ. Bʋ̃ʋ n'ʋ vɛ̃, a sob nɛ na sãwnɛ a Mowab tẽw a, waar'ɩ a nyɩ ƴãw. Ʋ darɛ nɩ a nyɩ zɛbr-yir-kpɛn lɔbr.

Ezekɩɛl 30:13

À ŋá n'a a mãa Sore Naaŋmɩn yere: Ɩ̃ na sãw nɩ a Mɛmfisɩ tẽw ŋmɩn-bɛlɛbɛlɛ nɩ a dasuli za bɛr. Nɩr za kʋ̃ cãà be dɩrɛ naalʋ a Eziptɩ tẽw zu ɛ, ɩ̃ɩ na ɩ n dɛ̃bɩ̃ɛ lo a tẽw za pʋɔ.

Zeremi 44:1

A Sore tɩ ƴɛ̀r'ɩ a Zeremi zie. A ƴɛ̀rʋ tɩ càar'ɩ a Zuda nɩbɛ za na tɩ kpɩɛr a Eziptɩ tẽw, a Migɩdɔl, a Dafine, a Mɛmfisɩ tẽ-bɛrɛ pʋɔ, nɩ a Patʋrɔsɩ vuo pʋɔ a. A Zeremi tɩ yel bɛ na:

Sofoni 2:5

Baw-bio dem n'ɩ nyɩ, nyɩɩm na yi a Kafɩtɔɔr wa a, nyɩɩm na kpɩɛr a kʋ̃ɔ-kpɛ̃ɛ nʋɔr a! A Sore ƴɛ̀rɛ nɩ ƴɛ̀rʋ ŋa cáarɛ nɩ nyɩ: «Kanãa, Filisɩtɛ̃ mɩnɛ tẽw i, ɩ̃ na sãw fʋ na bɛr, fʋ kʋ̃ cãà tɛr nɩbɛ ɩ.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 26:9

Fʋ sʋ̃ɔm'a ƴɛ̀rɛ a Sore yúor ƴãw yel à ŋá: «Bɛ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a Silo tẽw dem a! Bɛ na ŋmɛr'ɩ a Zerizalɛm tẽw bɛr, ʋ kʋ̃ cãà tɛr nɩr ɛ!» A bɛlɩ dem za na tɩ be a Ŋmɩn-yir-kpɛ̃ɛ pʋɔ a tɩ gbõ n taa a Zeremi ƴãw.

Ɩzayi 19:13

A Tanisɩ tẽw nɩ-bɛrɛ lɩɛb'ɩ dãbole, a Mɛmfisɩ nɩ-bɛrɛ bɛ̀lɛ nɩ bɛ tʋɔra. Bɛ ɩ na a Eziptɩ tẽw bɔrɛ, bɛl na ɩ a tẽ-ŋma-kʋ̀rɩ nɩ-bɛrɛ a.

Zeremi 46:14

«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!

Ezekɩɛl 29:11

Nɩr kãw za, dʋ̃w kãw za, kʋ̃ lɛb tɔl a be ɩ, ɛ́ a Eziptɩ tẽw na gã nɩ yome lɩz'a ayi ɛ́ nɩr bɛ kpɛ ʋ pʋɔ ɩ.

Ezekɩɛl 29:12

Ɩ̃ na ɩ n a Eziptɩ tẽw ʋ ɩ a wɛja-kpalɛ na kpal zuo a wɛja-kpalɩ za a. A ʋ tẽ-bɛrɛ na ɩ n a tẽ-bɛrɛ na sãw zuo a tẽ-bɛrɛ za a. Yome lɩz'a ayi ƴãw a, ɩ̃ na fɛr'ɩ a Eziptɩ tẽw dem bɛ yaarɩ a nɩ-bʋʋr-yoru sɔgɔ, a tẽ-yoru pʋɔ.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.