Zeremi 46:10 - A SƐB-SÕW

¹⁰ Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Zeremi 46:10 Referans Kwoze

Wulu-ayi-sob 32:42

A ɩ̃ pime na ɩ n a bɛ zɩ̃ɩ tɛwr, a ɩ̃ zɛbr-sɔ-kpɛ̃ɛ na baarɩ bɛ nɩ bɛ za. A dɔ̃ dem zɛbr nɩr kãw za bɛ cɩ̃ɛnɛ ɩ, bɛ ƴãw bɛ nɩ bàalʋ, bɩɩ bɛ nyɔw bɛ na a, bɛ za na kpi na.”

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zeremi 46:2

Ƴɛ̀rʋ na càarɩ a Eziptɩ tẽw nɩ a Eziptɩ tẽw nãà, Faarawɔ̃ Neko, zɛbr-nɩbɛ a. A Eziptɩ tẽw nãà tɩ be n a Efaratɩ man nʋɔr a Karkemisɩ, a lɛn daar a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ ʋ a. A tɩ ɩ n a Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb, yome anaar sob.

Zeremi 46:6

A sob nɛ na zɔrɛ zuo bɛ za a kʋ̃ tʋ̃ɔ́ zɔ cɩ̃ɛ ɩ, a soja-gãdaar pʋɔ gãdaa kʋ̃ tʋ̃ɔ́ faa ʋ tʋɔra ɩ. A saa-pɛrɩ́-gʋba-lowr be a, a Efaratɩ man nʋɔr, bɛ dẽdere na lore.

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Zowɛl 2:1

Nyɩ pɛblɩ wɩ́ɛ a Sɩyɔ̃ tẽw, nyɩ lɔb cɛl a Naaŋmɩn tã-sõw zu. A tẽw dem za, bɛ màwr, a Sore bibir tarɛ na, ʋ pɩɛl'a.

Zeremi 51:6

Nyɩ yi záa a Babɩlɔn tẽw pʋɔ, ŋa mɩ́ zɔ faa ʋ tʋɔra! Alɛ bɛ ɩ lɛ, nyɩ na kpi n a lɛn daar ʋlɛ wa yarɛ a ʋ ɩ-faar san a. Bʋ̃ʋ n'ʋ vɛ̃, a Sore san-yaafʋ daar'ʋ ta. Ʋ na ya ʋ na mɛ̃ a lɛ a na sɛw taa nɩ ʋ a.

Zeremi 50:15

Nyɩ lɔb a zɛbr cɛlsɩ jil koli nɩ ʋ, ʋ zɛw nɩ a nuru wul k'ʋʋ bɛ cãà zɛbr ɛ. A ʋ yir-cõcowli ŋmɛr'a, a ʋ dacine lo na. A Sore n'ʋ yarɛ a san, a lɛ pʋɔ a, nyɩ yáa a san a Babɩlɔn zu. Nyɩ ɩ ʋ mɛ̃ a lɛ ʋ na tɩ ɩ a ʋ taabɛ a.

Ɩzayi 63:4

Ɩ̃ tɩ tɛr'ɩ a san-yaafʋ tɩɛrʋ, a ɩ̃ nɩ-bʋʋrɛ ya-deb yũon tɩ vɩɛ na.

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

2 Na-mɩnɛ 24:7

A Eziptɩ tẽw nãà ʋl a, ʋ bɛ tɩ cãà yire a ʋ tẽw pʋɔ nɩ a ʋ zɛbr-nɩbɛ ɩ. Bʋ̃ʋ n'ʋ vɛ̃, a Babɩlɔn tẽw nãà tɩ faa nɩ a ziir al za ʋ na tɩ dãw so a, a Eziptɩ saa-pɛrɩ́-gʋba-lowr tʋr-bɔw tɩ tɔ a Babɩlɔn man Efaratɩ.

Ɩzayi 61:2

Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

A Zɔb sɛbɛ 24:1

Bʋ̃ʋ n'ʋ so a Kpɛnʋ-za-sob bɛ ƴãw bibie k'ʋʋ mɩ́ dɩ n a nɩbɛ a ƴɛ̀rʋ? A bɛl na tu ʋ a nãá mɩ́ nyɛ̃ ʋ na ʋ dɩrɛ a ƴɛ̀rʋ.

Ɩzayi 31:8

A Asiiri tẽw na lo na, ɛ́ a bɛ ɩ zɛbr-sɔ-kpɛ̃ɛ na ɩ nɩsaalbɛ dem a n'ʋ gɔr ʋ lɔb ɛ. A zɛbr-sɔ-kpɛ̃ɛ na na sãw ʋ bɛr a, bɛ ɩ nɩsaal zɛbr-sɔ-kpɛ̃ɛ ɩ. A Asiiri tẽw dem na zɔ n a ʋ niŋé, ɛ́ bɛ ƴãw a ʋ zɛbr-nɩ-pɔlɛ tone pɔ̃tɔrɩ tome.

Zeremi 12:12

A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Zeremi 46:14

«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!

Zeremi 50:18

A lɛ pʋɔ a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Ɩ̃ na ìr'ɩ a Babɩlɔn tẽw nɩ a ʋ nãà ƴãw, mɛ̃ a lɛ ɩ̃ na tɩ ìr a Asiiri tẽw nãà ƴãw a.»

Ezekɩɛl 21:28

A bɛlɩ dem na kpɩɛr a Zerizalɛm a tɩɛr'a k'aa ɩb a gbã-bir na wul bɛ a, a bɛ tɛr pɛr ɛ. Bʋ̃ʋ n'ʋ vɛ̃, pɔb pɔ na yel kɛ́ bɛ na gù bɛ na. A Babɩlɔn tẽw nãà lɛb'a kpaalɛ bɛ kɛ́ bɛ bɛ tu a nʋɔr bɛ na ƴãw a ɩ. Ʋʋ yere na kʋ̀rɛ bɛ k'ʋʋ na ɩ na bɛ ɩ gaso nɩbɛ.

Zakari 6:6

A zɛbr-torko a wur-sɛbl na tawr a, tɩ cen nɩ a saa-pɛrɩ́-gʋba-lowr tẽw lowr, a wur-pɛlɛ tɩ cen nɩ a mʋ̃tɔ̃w-kpɛb-lowr tẽw lowr, ɛ́ a wie na ɓalɩ zɩɛ wʋlʋlʋ a, cen a saa-pɛrí-dʋrʋ-lowr tẽw lowr.

Ɩzayi 2:12

A Sore, a kpɛnʋ-za-sob, tɛr'ɩ bibir ʋ na na ìr bom za na ɩrɛ pɔ̀lʋ a ƴãw, bom za na zɛwr ʋ tʋɔra ɛ́ tɩɛrɛ k'ʋʋ zuo nɩ za a ƴãw k'ʋʋ siwri ʋ.