Zeremi 44:6 - A SƐB-SÕW

⁶ Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 44:6 Referans Kwoze

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 21:5

A mãa mɩŋa n'ʋ na zɛb'ɩ nyɩ nɩ a ɩ̃ su-tʋlʋ kpãkpã nɩ a ɩ̃ su-faa faa. Ɩ̃ na wul nyɩ nɩ a ɩ̃ fãw nɩ a ɩ̃ kpɛnʋ.

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Ezekɩɛl 24:8

Mãa a, ɩ̃ bɛr'ɩ a zɩ̃ɩ a kʋsɛ-kpálɛ zu, be a na kʋ̃ tʋ̃ɔ́ sɔwlɩ a, k'aa ɩ a ɩ̃ su-tʋlʋ kpãkpã ìr, ɛ́ ɩ ɩ̃ yaa a san.

Ezekɩɛl 20:33

Ɩ̃ pɔ n nɩ a ɩ̃ nyɔ-vʋʋrʋ, a mãa Sore Naaŋmɩn n'ʋ yere, fãw n'a ɩ̃ na ɩ n, ɩ̃ na bɛr'ɩ a ɩ̃ su-tʋlʋ kpãkpã ʋ ìr, ɛ́ lɛ n'a ɩ̃ na dɩ naalʋ a nyɩ zu.

Ezekɩɛl 6:12

A bɛl na zãá a na kpi n a jɛ̀lmɛ̃ bàalʋ kũu, a bɛl na pɩɛl'a na kpi n a zɛbr zie, ɛ́ a bɛl na cɛ bɛ piw a na kpi n kɔ̃. Ɩ̃ na bɛr'ɩ a ɩ̃ suur ʋ ìr a bɛ zu.

Ezekɩɛl 5:13

Ɩ̃ na bɛr'ɩ a ɩ̃ su-tʋlʋ ʋ ìr, ɩ̃ na bɛr ʋ na ʋ ìr tɩ ɓɩɩlɩ, ɩ̃ɩ na yáa nɩ a san a nyɩ zu. Lɛ n'a nyɩ na sàw de k'aa mãa Sore n'ʋ tɩ ƴɛ̀r a nyɩ zie, ɩ̃ na bɛ cãà tʋ́ɔr a nyɩ na-bɛ-tu-m'a ƴãw.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 7:17

Fʋ bɛ nyɛ̃ a lɛ za bɛ na ɩrɛ a Zuda tẽ-bɛrɛ pʋɔ nɩ a Zerizalɛm tẽw sɛ́ɛ pʋɔ a ɩ?

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

A Lãw-mʋɔlɛ 1:13

Ʋ ɩ na vũu yi a saa-zu siw kpɛ a ɩ̃ ƴã-ganɩ́. Ʋ ƴãw nɩ bɛra a ɩ̃ gbɛ́ɛ pile, ɛ́ ɩ ɩ̃ 'law tɩ lo n kpaar. Ʋ ɩ na ɩ̃ ɩ ɩ̃ yõ daadaa, a ɩ m bàalʋ bibie za.

Ezekɩɛl 20:34

Ɩ̃ na ɩ na nyɩ yi a nɩ-bʋʋrɛ nɩ a ten sɔgɔ, a be nyɩ na tɩ yaarɩ be a. À à ŋá ƴãw a, ɩ̃ na wul nyɩ nɩ a ɩ̃ fãw za nɩ a ɩ̃ gãdaalʋ za, ɩ̃ɩ na nyɛ̃ nɩ nyɩ nɩ suur faa faa.

Zakari 1:2

A Sore tɩ ƴãw na k'ʋʋ yel a Ɩsɩrayɛl nɩbɛ: «A mãa Sore, ɩ̃ nyɛ̃ nɩ nɩ a nyɩ sãàkʋm-kore suur tɩ pi kɔkɛɛ. Ɛcɛ nyɩ lɛb wa a ɩ̃ zie, a mãa Sore Kpɛnʋ-za-sob, ɩ̃ɩ na lɛb'a wa a nyɩ zie, mãa n'ʋ yere.

Zakari 7:14

Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»

Zeremi 8:3

A bɛlɩ dem za nãà wa cɛ vʋʋrɛ a nɩ-bʋʋr-faa nɩbɛ bɛ ŋa pʋɔ, ɛ́ be a ziir al za pʋɔ ɩ̃ nãà wa diw bɛ zɔ yaarɩ be a, bɛ na bɔbr'ɩ a kũu zuo a nyɔ-vʋʋrʋ. A Sore, a kpɛnʋ-za-sob, ʋlɛ n'ʋ yel.

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

A Lãw-mʋɔlɛ 5:18

Bʋ̃ʋ n'ʋ vɛ̃, a Sɩyɔ̃ tãw lɩɛb'ɩ wɛja-kpalɛ, ʋ lɩɛb'ɩ tʋrbaar kpɛb zie.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»