Zeremi 44:5 - A SƐB-SÕW

⁵ Ɛcɛ nyɩ bɛ bɛr wõ ɩ, nyɩ bɛ cɛlɩ be ɩ. Nyɩ bɛ bɛr a faa nyɩ na tɩ maalɛ a ɩ, ɛ́ nɩ̃ɛ cãà cow maalɛ bagɛ kʋ̀rɛ ŋmɩn-yoru.

Zeremi 44:5 Referans Kwoze

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 11:8

Ɛcɛ bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tu n a bɛ pʋ-tɩɛr-faar. Lɛ n'a ɩ̃ tɩ ɩ a wõ-taa ƴɛ̀r-bie ɩ̃ na tɩ ƴãw nʋɔr kɛ́ bɛ tuur, ɛ́ bɛ bɛ tu a, a lo a bɛ zu.»

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Ɩzayi 48:18

Fʋ̃ʋ tɩ ɩ mɛ̃ fʋ cɛlɩ nɩ a ɩ̃ nɛ-ƴãwnɩ zie a, a fʋ ƴã-ɓaarʋ nãà ɩ na mɛ̃ man a, ɛ́ a fʋ mɩnʋ ɩ mɛ̃ a kʋ̃ɔ-kpɛ̃ɛ kʋ̃ɔ-mie a!

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 43:4

À ŋá n'a a Karea bidɛb, Yohanan, a zɛbr-nɩbɛ nɩ-bɛrɛ bɛ mɩnɛ, nɩ a nɩbɛ na tɩ bɩɛlɛ bɛ a, tɩ zawrɩ na bɛr wõ a lɛ a Sore na yel a, ɛ́ tɩ zawrɩ na kpɩɛr a Zuda tẽw pʋɔ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.