Zeremi 44:26 - A SƐB-SÕW

²⁶ Ɛcɛ nyɩɩm za, Zuda tẽw dem na kpɩɛr a Eziptɩ tẽw a, nyɩ bɛr wõ vla a lɛ ɩ̃ na yere kʋ̀rɛ nyɩ a! A mãa Sore, ɩ̃ pɔrɛ nɩ nɩ a ɩ̃ yúor na ɩ kpɛ̃ɛ a: A Eziptɩ tẽw za pʋɔ a, Zuda tẽw nɩr kãw za kʋ̃ mɩ́ lɛb por a ɩ̃ yúor, ʋlɛ wa bɔbr k'ʋʋ kõ nʋɔr a lɛn daar a ɩ. Nɩr za kʋ̃ mɩ́ lɛb yel à ŋá ɩ: “Ɩ̃ pɔ n a Sore na vʋʋrɛ a yúor ƴãw...”

Zeremi 44:26 Referans Kwoze

Ebre 6:13

A lɛn daar a Naaŋmɩn na tɩ ƴãw a ʋ nʋɔr kʋ̀ a Abraham a, a ʋl mɩŋa n'ʋ ʋ tɩ pɔ n, ʋ na bɛ tɩ nyɛ̃ nɩr ʋ ɩ kpɛ̃ɛ zuo ʋ, ʋ na pɔ n a.

Ezekɩɛl 20:39

À ŋá n'a a mãa Sore Naaŋmɩn yere kʋ̀rɛ nyɩ, Ɩsɩrayɛl nɩbɛ ɛ: A nyɩ kãw za na tʋ̃ɔ́ na cen tɩ maalɛ a ʋ ŋmɩn-bɛlɛbɛlɛ! Ɛcɛ a pùorí a, a na ɩ n fɛrʋ kɛ́ nyɩ sàwr mɛ̃. Nyɩ kʋ̃ lɛb ɩrɛ a ɩ̃ yo-sõw laar, kʋ̀rɛ nɩ bʋ̃-kʋ̀rɩ a nyɩ ŋmɩn-bɛlɛbɛlɛ ɩ.

Sɛb-sõw yielu 50:16

Ɛcɛ Naaŋmɩn yere nɩ à ŋá kʋ̀rɛ a nɩ-faa: — Bʋnʋ ƴãw n'a fʋ dɩ tuo suole a ɩ̃ nɛ-ƴãwnɩ, ɛ́ ƴãw a ɩ̃ wõ-taa a fʋ nʋɔrɩ́,

Yele-za-pɛr-tib 22:16

yel ʋ: «À ŋá n'a a Sore yere: Fʋ na ɩ à à ŋá, bɛ sɩb mɛ̃ a fʋ bidɛb-been a, mãa bɛ wa ɩ a Naaŋmɩn a n'a, alɛ bɛ ɩ lɛ, ɩ̃ pɔrɛ na

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Ebre 3:18

Ɛ́ ã-mɩnɛ zie n'a a Naaŋmɩn tɩ pɔ kɛ́ bɛ kʋ̃ ta a ʋ pɩ̃ɛnʋ zie, a bɛ ɩ a bɛ-wonbɛ bɛ ŋa zie n'a!

Amɔsɩ 8:7

A Sore pɔ n nɩ a tẽw ʋl a Ɩsɩrayɛl na nyʋʋr'ɩ a, yel à ŋá: «Ɩ̃ bɛ be za na yiiri a bɛ ɩ-faar been kãw za bɛr ɛ!

Amɔsɩ 6:10

A yir nɩr ʋl na na wobr a kũuni yire nɩ k'ʋʋ tɩ nyɩw bɛr a, na sowri a sob nɛ nãà be a dĩó a: «Nɩr za bɛ cãà be ɩ?» Ʋ na sɔw na: «Nɩr bɛ cãà be ɩ!» Ɛ́ yel ƴãw pʋɔ: «Ɩ gbili! A Sore yúor bʋɔlʋ daar bɛ n'a ɩ.»

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 22:5

Ɛcɛ nyɩmɛ bɛ wa bɛrɛ wone a ƴɛ̀rʋ á ŋá a, à ŋá n'a a mãa, a Sore, yere: ɩ̃ pɔrɛ nɩ nɩ a mãa mɩŋa, a yir ŋa na lo na lɩɛbɩ kʋsɛbɛ na gbõ taa a.»

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Ɩzayi 62:8

A Sore pɔ n nɩ a ʋ kpɛnʋ na ɩ kpɛ̃ɛ a, yel: «Ɩ̃ bɛ be za na lɛb bɛr a fʋ dɔ̃ dem bɛ dɩ a fʋ ble ɩ. A fʋ divɛ̃ ƴãw fʋ na bàl fʋ tʋɔra a, a sãanbɛ kʋ̃ lɛb nyũ a ɩ.

Sɛb-sõw yielu 89:34

Ɛcɛ ɩ̃ na cãà na tɛr a ɩ̃ nɔ̃wfʋ a bɛ zie, a ɩ̃ na ŋmɛ̃ ɩ̃ ŋmɛ̃a a bɛ ɩrɛ ziri ɛ.

Sɔr-nɛ́ɛ 14:28

Nyɩ cen tɩ yel à ŋá kʋ̀ bɛ: “A mãa Sore, ɩ̃ taa bɛ wa be, ɩ̃ pɔ na k'ɩ̃ɩ na ɩ nyɩ na mɛ̃ a lɛ ɩ̃ na wõ nyɩ ƴɛ̀r a:

Zeremi 24:8

«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a.

Zeremi 44:24

A Zeremi tɩ lɛb'a yel a nɩbɛ za nɩ a pɔwbɛ za zie à ŋá: «Nyɩ bɛr wõ a Sore ƴɛ̀rʋ, a nyɩɩm Zuda tẽw nɩbɛ za na be a Eziptɩ tẽw pʋɔ a.

Zeremi 49:13

Mãa mɩŋa n'ʋ ɩ̃ pɔrɛ nɩ, a fʋ tẽ-kpɛ̃ɛ, Bɔsɩra, na lɩɛb'ɩ zi-faa faa, deboru. Bɛlɛ wa ŋmɩɛr ƴãwn, bɩɩ bɛlɛ wa bɔbr kɛ́ bɛ ƴãw nɩr vĩ a, ʋlɛ n'ʋ bɛ na mɩ́ de man nɩ. A tẽ-bɛrɛ za na lɩɛb'ɩ deboru gã kʋralɛ.» À à ŋá n'a a Sore yel.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

Zeremi 44:11

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na lɩɛb'ɩ a nyɩ ƴãw, k'ɩ̃ɩ maalɩ nyɩ faa, ɩ̃ɩ na kʋ n a Zuda tẽw nɩbɛ za pàw pɛr.

Zeremi 44:14

A Zuda tẽw nɩbɛ bɛl na cɛ, ɛ́ zɔ wa kpɩɛr a naayir a Eziptɩ tẽw ka a, nɩr kʋ̃ tʋ̃ɔ́ zɔ a bɛ pʋɔ ɩ, nɩr bɛ cɩ̃ɛnɛ ɩ, nɩr bɛ lɛb waar a Zuda tẽw bɛ na bɔbr kɛ́ bɛ lɛb wa kpɩɛr a ɩ. Bɛ bɛ lɛbr waar ɛ, alɛ bɛ ɩ nɩbɛ blãlɛ tɛwr nãà wa cɩ̃ɛ a ɩ.”»

Zeremi 51:14

A Sore, a kpɛnʋ-za-sob, pɔ n nɩ a ʋl mɩŋa à ŋá: «Sɩza, ɩ̃ na paalɩ fʋ na nɩ nɩbɛ mɛ̃ sãsoge a, ɛ́ bɛ na ŋmɛ n a zɛb-tʋ̃ɔ́fʋ cɛlsɩ a fʋ ƴãw.»