Zeremi 44:22 - A SƐB-SÕW

²² A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Zeremi 44:22 Referans Kwoze

Zeremi 25:18

Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.

Malasɩ 2:17

«Nyɩ bàlɛ nɩ a Sore nɩ a nyɩ ƴɛ̀rʋ. Ɛcɛ nyɩ sowre na: “Nyɩn lowr'a tɩ bàlɛ ʋ?” Nyɩ na mɩ́ yere: “Yel-fa-maalɛ za ɩ n nɩ-vla a Sore zie, a nɩ-bɛ-ŋa-taabɛ yele n'a ʋ nɔnɛ.” Bɩɩ nyɩ na mɩ́ yere: “Nyɩnɛ n'a a Naaŋmɩn na mɩ́ dɩ a ƴɛ̀rʋ nɩ mɩnʋ a be?”»

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 25:38

A gbẽw yi n a ʋ tuw pʋɔ. A bɛ tẽw lɩɛb'ɩ wɛja-kpalɛ, a zɛbr na zɛbr bɛ bãw nɩbaalʋ a ƴãw, nɩ a Sore su-tʋlʋ kpãkpã zũú.

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Ɩzayi 43:24

Fʋ bɛ ír a fʋ libir dà n va-nyùure a ɩ̃ ƴãw ɛ, fʋ bɛ tɩw mɛ̃ nɩ a fʋ bàwr-maal-dʋn nɛn-kãánɩ ɛ. A fʋ sãwna ƴãw a, fʋ̃ʋ n'ʋ nɩ̃ɛ ɩ ɩ̃ ɩ gbãgbaa, fʋ̃ʋ n'ʋ nɩ̃ɛ bàl mɛ̃ nɩ a fʋ yel-bebe.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

Amɔsɩ 2:13

A na ɩ à ŋá a, mãa n'ɩ ŋan waar k'ɩ̃ɩ wa ƴɛ́r nyɩ ŋmɛr bin mɛ̃ lɛ torko na paalɩ ble a na mɩ́ ƴɛ́r bom ŋmɛr a.

Ezekɩɛl 5:13

Ɩ̃ na bɛr'ɩ a ɩ̃ su-tʋlʋ ʋ ìr, ɩ̃ na bɛr ʋ na ʋ ìr tɩ ɓɩɩlɩ, ɩ̃ɩ na yáa nɩ a san a nyɩ zu. Lɛ n'a nyɩ na sàw de k'aa mãa Sore n'ʋ tɩ ƴɛ̀r a nyɩ zie, ɩ̃ na bɛ cãà tʋ́ɔr a nyɩ na-bɛ-tu-m'a ƴãw.

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 44:2

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nyɩ nyɛ̃ nɩ a kpɩɛrʋ al za ɩ̃ na ɩ a páw a Zerizalɛm nɩ a Zuda tẽ-bɛrɛ a. A dɩ̃a a, a lɩɛb'ɩ deboru, nɩr bɛ lɛb cãà kpɩɛr a pʋɔ ɩ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Yele-za-pɛr-tib 19:13

Bʋ̃ʋ n'ʋ vɛ̃, tɩ na sãw nɩ a tẽw bɛr. A Sore wõ n a kon-yaga bɛ na kone ƴãwn a tẽw ŋa nɩbɛ a, alɛ so ʋ yel kɛ́ tɩ wa sãw ʋ bɛr.»

Yele-za-pɛr-tib 6:3

Lɛ n'a a Sore tɩ tɩɛr ʋ pʋɔ: «A nyɔ-vʋʋrʋ pɩɛlʋ ɩ̃ na ƴãw a nɩsaalbɛ a, ɩ̃ kʋ̃ tʋ̃ɔ́ bɛr ʋ a bɛ pʋɔ kʋralɛ ɩ, bʋ̃ʋ n'ʋ vɛ̃, bʋ̃-kpiiri nɛbɛ. Dɩ̃a na ta a, bɛ na mɩ́ vʋʋr'ɩ yome lɩz'a ayʋɔb (120).»

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 23:2

À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 48:9

Nyɩ kʋ̀ pɩgɛ a Mowab, bʋ̃ʋ n'ʋ vɛ̃, ʋ bɔbr'a k'ʋʋ ƴaw cen! A ʋ tẽ-bɛrɛ lɩɛb'ɩ ziir na sãw gã a, a bɛ cãà tɛr a nɩbɛ ɩ.

Ezekɩɛl 39:23

A nɩ-bʋʋr-yoru na bãw na k'aa Ɩsɩrayɛl nɩbɛ sãwna zũú n'a bɛ cen a diw-cenu zie, bɛ na bɛ tu a mãa Sore pùor a ƴãw. Alɛ n'a so ɩ̃ ŋmɛlɩ kpaar cɔw bɛ. Ɩ̃ bɛr bɛ na kʋ̀ a bɛ dɔ̃ dem kɛ́ bɛ kʋ bɛ a zɛbr zie.

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

Zeremi 5:9

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa faa faa ɛ? A bɛ fɛr k'ɩ̃ɩ yáa a san a nɩ-bʋʋr-ŋa-tɔ zie ɩ?