Zeremi 44:16 - A SƐB-SÕW

¹⁶ «Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 44:16 Referans Kwoze

Luka 19:27

Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»

Luka 19:14

Ɛcɛ a ʋ tẽw dem bɛ tɩ nɔnɛ ʋ ɛ, ɛ́ tɩ tõ nɩbɛ a ʋ pùorí kɛ́ bɛ tɩ yel a na-kpɛ̃ɛ: “Tɩ bɛ bɔbr k'ʋʋ dɩrɛ naalʋ a tɩ zu ɛ.”

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 11:8

Ɛcɛ bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tu n a bɛ pʋ-tɩɛr-faar. Lɛ n'a ɩ̃ tɩ ɩ a wõ-taa ƴɛ̀r-bie ɩ̃ na tɩ ƴãw nʋɔr kɛ́ bɛ tuur, ɛ́ bɛ bɛ tu a, a lo a bɛ zu.»

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zeremi 8:6

Ɩ̃ bɛr'a wõ a lɛ bɛ na yere a vla vla: a lɛ za bɛ na yere a bɛ tɛr pɛr ɛ. A bɛ kãw za bɛ bɛr a ʋ ɩ-faar ɛ, ɛ́ bɛ sowre ʋ tʋɔra: “Bʋ̃ʋ n'ɩ à ŋá ɩ̃ na ɩ a?” Ŋa za mɩ́ lɛb'a nyɔw a zɔba, mɛ̃ wur na garɛ zɛbr zie a.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Sɛb-sõw yielu 2:3

Bɛ yere na: «Nyɩ ɩ tɩ ŋma a gbãgba-mie bɛ na 'lẽ nɩ tɩ a bɛr, tɩ ta sàw bɛ cãà dɩrɛ naalʋ tɩ zu ɛ!»

Eziptɩ tẽw yib 5:2

A Faarawɔ̃ tɩ sɔw na: «Ãa n'ɩ a Sore ŋa, ɩ̃ na sàw a ʋ nʋɔr bɛr a Ɩsɩrayɛl nɩbɛ bɛ cen? Ɩ̃ bɛ bãw a Sore ŋa ɩ, ɛ́ kʋ̃ bɛr a Ɩsɩrayɛl nɩbɛ bɛ cen ɛ!»

1 Samɩɛl 8:19

Ɛcɛ a Ɩsɩrayɛl nɩbɛ bɛ tɩ bɛr wõ a Samɩɛl ƴɛ̀rʋ ɛ, ɛ́ yel: «A bɛ ɩ yel ɛ! Tɩ mɩ̀ na tɛr'ɩ nãà!

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 42:13

A Zeremi tɩ cow na yel: «Kapaw, nyɩ na zawr'a na bɛr wõ a Sore nyɩ Naaŋmɩn ƴɛ̀rʋ ɛ́ yel: “Aɩ, tɩ bɛ bere a ka ɩ.

Zeremi 43:2

Lɛ n'a Hosaya bidɛb, Azarɩa, Karea bidɛb, Yohanan nɩ a nɩbɛ bɛl za na ɩrɛ pɔ̀lʋ a, tɩ yel a Zeremi: «Zir-ŋmarɛ nɛ b! A Sore tɩ Naaŋmɩn bɛ tõ fʋ a tɩ zie, kɛ́ fʋ wa yel tɩ à ŋá ɩ: “Nyɩ taa wa cere a Eziptɩ tẽw tɩ kpɩɛr naayir ɛ.”

Zeremi 44:24

A Zeremi tɩ lɛb'a yel a nɩbɛ za nɩ a pɔwbɛ za zie à ŋá: «Nyɩ bɛr wõ a Sore ƴɛ̀rʋ, a nyɩɩm Zuda tẽw nɩbɛ za na be a Eziptɩ tẽw pʋɔ a.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zeremi 44:25

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩɩm nɩ a nyɩ pɔwbɛ a, nyɩ yel'a: “Tɩ yel'a kɛ́ tɩ na nyɩw nɩ tɩ-suur-zɔ̃-na-nyùur-vla-vla-a kʋ̀ a salom pɔw-nãà, de nɩ divɛ̃ kʋ̀ ʋ. Ɛ́ tɩ bɔbr'a kɛ́ tɩ tu a lɛ tɩ na yel a.” Ãa, nyɩ tu a, nyɩ ɩ a lɛ nyɩ na yel a!