Zeremi 44:14 - A SƐB-SÕW

¹⁴ A Zuda tẽw nɩbɛ bɛl na cɛ, ɛ́ zɔ wa kpɩɛr a naayir a Eziptɩ tẽw ka a, nɩr kʋ̃ tʋ̃ɔ́ zɔ a bɛ pʋɔ ɩ, nɩr bɛ cɩ̃ɛnɛ ɩ, nɩr bɛ lɛb waar a Zuda tẽw bɛ na bɔbr kɛ́ bɛ lɛb wa kpɩɛr a ɩ. Bɛ bɛ lɛbr waar ɛ, alɛ bɛ ɩ nɩbɛ blãlɛ tɛwr nãà wa cɩ̃ɛ a ɩ.”»

Zeremi 44:14 Referans Kwoze

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.

Zeremi 42:17

A bɛlɩ dem za nãà wa lo a sɔ́r kɛ́ bɛ cen a Eziptɩ tɩ kpɛ naayir a, bɛ na kpi n a zɛbr, a kɔ̃ nɩ a jɛ̀lmɛ̃ bàalʋ kũu. A bɛ kãw za kʋ̃ cɩ̃ɛ a faa ɩ̃ na na ɩ ʋ lo a bɛ zu a pʋɔ ɩ.”»

Ɩzayi 10:20

A ʋlɩ bibir nɛ a, a Ɩsɩrayɛl nɩbɛ na cɛ a, a Zakɔb nɩbɛ bɛl na cɩ̃ɛ a, kʋ̃ cãà bɔbr tɩɛrɛ a sob nɛ na ŋmɩɛr bɛ a zie ɩ. A Sore, a Ɩsɩrayɛl Naaŋmɩn na ɩ sõw a n'ʋ, bɛ na sɩrɩ de, ʋ ɩ a bɛ tɩɛrɛ.

Ɩzayi 4:2

A ʋlɩ bibir nɛ a, a ʋlɩ bom nɛ a Sore na na ɩ ʋ bul a, na ɩ n a ƴãwfʋ nɩ a yúor-vɩɛlʋ-danʋ. Ɛ́ a ʋlɩ bom nɛ a tẽw na na tɩr a, ɩ a Ɩsɩrayɛl nɩbɛ na cɛ a nyʋ̀ʋ́r nɩ a bɛ yúor.

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Ʋrɔm 2:3

Fʋ̃ʋ na bãwnɛ a fʋ taabɛ yel-faar ɛ́ mɩ̀ tɛr a alɩ yel-faar nɛ a, fʋ tɩɛrɛ kɛ́ fʋ na tʋ̃ɔ́ na nɩɩrɩ a Naaŋmɩn dɔwrʋ bɛr bɩɩ?

Matie 23:33

Wɩɩr nɩ dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ nɩɩrɩ a tẽ-faa dɔwrʋ bɛr?

Zeremi 42:22

A na ɩ lɛ a, nyɩ bãwnɩ a kɛ́ nyɩ na kpi n zɛbr, kɔ̃ nɩ jɛ̀lmɛ̃ bàalʋ kũu a tẽw ʋl pʋɔ nyɩ na bɔbr kɛ́ nyɩ cen tɩ kpɛ naayir a!»

Zeremi 22:10

Zuda tẽw dem i, nyɩ ta kone a sob nɛ na kpi a ɩ, a nãà Zozɩasɩ, nyɩ ta kone ʋ ɛ. Nyɩ nɩ̃ɛ kone a sob nɛ na cere a, a nãà Salum. Bʋ̃ʋ n'ʋ vɛ̃, ʋ kʋ̃ lɛb wa ɩ, ʋ kʋ̃ lɛb nyɛ̃ a ʋ tẽ-dɔwra ɩ.

Ezekɩɛl 6:8

Ɛcɛ ɩ̃ na bɛr'ɩ nyɩ mɩnɛ bɛ cãà vʋʋrɛ a zɛbr pùorí, ɛ́ a bɛ ŋa na cɩ̃ɛ a na yaar'ɩ a tẽ-sãanbɛ pʋɔ.

Zeremi 44:26

Ɛcɛ nyɩɩm za, Zuda tẽw dem na kpɩɛr a Eziptɩ tẽw a, nyɩ bɛr wõ vla a lɛ ɩ̃ na yere kʋ̀rɛ nyɩ a! A mãa Sore, ɩ̃ pɔrɛ nɩ nɩ a ɩ̃ yúor na ɩ kpɛ̃ɛ a: A Eziptɩ tẽw za pʋɔ a, Zuda tẽw nɩr kãw za kʋ̃ mɩ́ lɛb por a ɩ̃ yúor, ʋlɛ wa bɔbr k'ʋʋ kõ nʋɔr a lɛn daar a ɩ. Nɩr za kʋ̃ mɩ́ lɛb yel à ŋá ɩ: “Ɩ̃ pɔ n a Sore na vʋʋrɛ a yúor ƴãw...”

Ezekɩɛl 20:38

Ɩ̃ na diw nɩ a bɛl na gaarɩ ɛ́ bɛ sàw a ɩ̃ nʋɔr a, a nyɩ pʋɔ. Ɩ̃ na ɩ na bɛ yi a ten al bɛ na kpɩɛr a, ɛcɛ bɛ kʋ̃ cen a Ɩsɩrayɛl tẽw pʋɔ ɩ. Lɛ n'a nyɩ na bãw kɛ́ mãa n'ɩ a Sore.