Zeremi 44:13 - A SƐB-SÕW

¹³ Ɩ̃ na wa n a bɛl na kpɩɛr a Eziptɩ tẽw a ƴãw, mɛ̃ a lɛ ɩ̃ na tɩ wa a Zerizalɛm tẽw dem ƴãw nɩ a zɛbr, nɩ a kɔ̃ nɩ a jɛ̀lmɛ̃ bàalʋ a.

Zeremi 44:13 Referans Kwoze

Zeremi 43:11

Ʋlɛ wa ta a, ʋ na zɛb'a tʋ̃ɔ́ a Eziptɩ tẽw. Ʋ na kʋ n a bɛlɩ dem a na fɛr kɛ́ bɛ kpi a, a bɛlɩ dem a na fɛr kɛ́ bɛ diw cen nɩ a, ʋ na diw bɛ na cen nɩ, a bɛlɩ dem a na fɛr kɛ́ bɛ kpi a zɛbr-sɔ-kpɛ̃ɛ kũu a, ʋ na kʋ bɛ na nɩ a zɛbr-sɔ-kpɛ̃ɛ.

Zeremi 11:22

Nyɛ̃ a lɛ a Sore, a kpɛnʋ-za-sob, na yere a: «Ɩ̃ na dɔwr'ɩ a nɩbɛ bɛ ŋa faa faa: a bɛ pɔlbili na kpi n a zɛbr zie, ɛ́ kɔ̃ kʋ a bɛ bidɛbr nɩ a bɛ pɔwyaar.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 24:10

Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Zeremi 21:9

Nɩr za wa cãà be a tẽ-kpɛ̃ɛ ŋa pʋɔ a, ʋ na kpi n a zɛbr, a kɔ̃ bɩɩ a jɛ̀lmɛ̃ bàalʋ kũu. Ɛcɛ sob nɛ wa yi de ʋ tʋɔra kʋ̀ a Babɩlɔn tẽw dem na piw nyɩ a, ʋ na vʋʋrɛ na, ʋʋ na nyɛ̃ na k'ʋʋ tɛr'ɩ zu-nʋ̃ɔ̀, ʋ na páw a ʋ nyɔ-vʋʋrʋ a.

Zeremi 42:16

a zɛbr dɛ̃bɩ̃ɛ nyɩ na zɔrɛ a na páw nyɩ nɩ a be, a Eziptɩ tẽw. A kɔ̃ na ƴãwnɛ nyɩ tɩɛrʋ a, na diw na bɩɛrɩ nyɩ tɩ sãá a be, ɛ́ a be n'a nyɩ na tɩ kpi.

Zeremi 42:17

A bɛlɩ dem za nãà wa lo a sɔ́r kɛ́ bɛ cen a Eziptɩ tɩ kpɛ naayir a, bɛ na kpi n a zɛbr, a kɔ̃ nɩ a jɛ̀lmɛ̃ bàalʋ kũu. A bɛ kãw za kʋ̃ cɩ̃ɛ a faa ɩ̃ na na ɩ ʋ lo a bɛ zu a pʋɔ ɩ.”»

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 42:15

A lɛ pʋɔ, a nyɩɩm Zuda nɩbɛ na cɛ vʋʋrɛ a, nyɩ bɛr wõ a Sore ƴɛ̀rʋ! À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nyɩmɛ wa sɩrɩ yel kɛ́ nyɩ na cen nɩ a Eziptɩ tẽw a, nyɩmɛ wa cen tɩ kpɛ a naayir a be a,

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.