Zeremi 44:12 - A SƐB-SÕW

¹² Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 44:12 Referans Kwoze

Zeremi 42:22

A na ɩ lɛ a, nyɩ bãwnɩ a kɛ́ nyɩ na kpi n zɛbr, kɔ̃ nɩ jɛ̀lmɛ̃ bàalʋ kũu a tẽw ʋl pʋɔ nyɩ na bɔbr kɛ́ nyɩ cen tɩ kpɛ naayir a!»

Ɩzayi 65:15

A bɛlɩ dem ɩ̃ na kaa ír a, na mɩ́ de nɩ a nyɩ yúor, ɛ́ a ɩ ŋmɛ-ƴãw tɛwr ƴãw, bɛ mɩ́ yel: “A Sore Naaŋmɩn, ʋ ɩ fʋ kpi mɛ̃ bón bɩɩ bón a!” Ɛcɛ a ɩ̃ tõ-tõ-biir ƴãw a, yo-yũo n'ʋ bɛ na mɩ́ de.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Zeremi 29:22

A Nɩbɛ bɛl za bɛ na diw a Zuda tẽw cen nɩ a Babɩlɔn a na mɩ́ tɛr'ɩ a nɩbɛ bɛ ŋa ayi yée pore a ŋmɛ-ƴãw pʋɔ mɛ̃ à ŋá a: “A Sore, ʋ ɩ fʋ mɛ̃ a lɛ a Babɩlɔn tẽw nãà na tɩ ɩ a Sedesɩasɩ nɩ a Akab, ƴãw bɛ sɛ̃ bɛ vũumí a!”

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Sɔr-nɛ́ɛ 5:27

Ʋlɛ wa nyũ a, yel ŋa n'ʋ na ɩ: ʋlɛ wa sɩrɩ sãw a ʋ yúor, zu a ʋ sɩr a, a kʋ̃ɔ na waar'ɩ a ŋmɛ-ƴãw a na kpɛ n a ʋ púorí ɩ ʋ kpel púor ɛ́ a ʋ pʋɔ ɩ pʋ-ãan. Lɛ n'a a ʋ tẽ-bi-taabɛ wa ŋmɩɛr ƴãwn a, a ʋ yúor'ʋ bɛ na mɩ́ por.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 42:1

Lɛ n'a a zɛbr-nɩbɛ nɩ-bɛrɛ za, baa zuo a za, a Karea bidɛb, Yohanan, nɩ a Hosaya bidɛb, Azarɩa, nɩ a bɛlɩ dem za na tɩ be be a, a pʋrmɛ nɩ a bɛrɛ, tɩ taw pɩɛlɩ

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Zeremi 43:11

Ʋlɛ wa ta a, ʋ na zɛb'a tʋ̃ɔ́ a Eziptɩ tẽw. Ʋ na kʋ n a bɛlɩ dem a na fɛr kɛ́ bɛ kpi a, a bɛlɩ dem a na fɛr kɛ́ bɛ diw cen nɩ a, ʋ na diw bɛ na cen nɩ, a bɛlɩ dem a na fɛr kɛ́ bɛ kpi a zɛbr-sɔ-kpɛ̃ɛ kũu a, ʋ na kʋ bɛ na nɩ a zɛbr-sɔ-kpɛ̃ɛ.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.