Zeremi 44:10 - A SƐB-SÕW

¹⁰ Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»

Zeremi 44:10 Referans Kwoze

Zʋkpaɩ 28:14

Zu-nʋ̃ɔ̀ sob'ɩ a nɩr nɛ na zɔrɛ a faa maalʋ dɛ̃bɩ̃ɛ kʋralɛ a, ɛcɛ zu-kpɛ̃w sob na bãw nɩ kpɩɛrʋ.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

1 Pɩɛr 5:6

A na ɩ à ŋá a, nyɩ siwri nyɩ tʋɔra a Naaŋmɩn kpɛnʋ-za-sob zie, ʋ tʋ̃ɔ́ zɛw nyɩ a daar ʋl ʋ na ƴãw a nãà wa ta a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Ʋrɔm 11:20

Sɩza n'a, bɛ cɛ a na ŋma bɛr, a na bɛ sàw de a ƴãw, ɛ́ fʋ̃ʋ a, a fʋ sàw-deb zũú n'a fʋ lɩɛr'a. Ɛcɛ taa wa ɩrɛ pɔ̀l-ɩb ɛ, nɩ̃ɛ vɛ̃ kɛ́ zɔrɛ a Naaŋmɩn.

Luka 23:40

A ʋ tɔ sob tɩ sɔw ʋ na, ɛ́ nyɔw ʋ gɔnɛ yere nɩ: «Fʋ dɛ bɛ zɔrɛ a Naaŋmɩn bɩɩ? Fʋ̃ʋ mɩ̀ na be a tuo-been nɛ pʋɔ a?

Matie 27:54

A sojarɩ kʋba nɩ-kpɛ̃ɛ nɩ a sojarɩ bɛl na tɩ gù a Yeezu a na wa nyɛ̃ a tẽsɔw kɔbr damnʋ nɩ a yele á ŋá a, dɛ̃bɩ̃ɛ tɛr bɛ nɩ yaga ɛ̀ bɛ yere: «Sɩza n'a, a sob ŋa tɩ ɩ n Naaŋmɩn Bie.»

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Zeremi 36:24

A nãà nɩ a ʋ tõ-tõ-bi-bɛrɛ za tɩ wõ n a ƴɛ̀rʋ á ŋá za vla. Ɛcɛ a bɛ tɩ ɩ bɛ dɛ̃bɩ̃ɛ ɩ, ɛ́ bɛ bɛ tɩ wul pʋ-sãwna kãw za ɩ.

Zeremi 10:7

Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Zʋkpaɩ 16:6

Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.

Zʋkpaɩ 14:16

A yã-bãwnɛ zɔrɛ nɩ a faa ɛ́ mɩ́ nɩɩrɛ ʋ. Ɛcɛ a dãbol sob mɩ́ manɛ kɛ́ bom bɛ damnɛ ʋ ɛ, ɛ́ nyɛrɛ suur.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Sɛb-sõw yielu 34:18

A nɩ-mɩn mɩ́ kõ na, a Sore wõ a, ɛ́ mɩ́ faa bɛ bɛr a bɛ kpɩɛrʋ za pʋɔ.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 33:12

A ʋ kpɩɛrʋ pʋɔ a, a Manase tɩ lɔb'ɩ nuru zɛlɩ nɩ a Sore ʋ Naaŋmɩn: ʋ tɩ sàw nɩ a ʋ sãwna a ʋ sãà mɩnɛ Naaŋmɩn niŋé,

2 Bibie za yel-manɩ 32:26

Ɛcɛ a Ezekɩasɩ nɩ a Zerizalɛm nɩbɛ tɩ sàw nɩ a bɛ sãwna, a Sore suur ɩ-ɩrɩ bɛ lo a bɛ zu a Ezekɩasɩ naalʋ-dɩb daar ɛ.

2 Na-mɩnɛ 22:19

A dam'ɩ a fʋ socir, fʋ siwri nɩ fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú. Bʋ̃ʋ n'ʋ vɛ̃, ɩ̃ yel'a k'aa tẽ-kpɛ̃ɛ ŋa na lɩɛb'ɩ wɛja-kpalɛ, nɩ zie bɛ na ŋmɛ ƴãw a. Fʋ taw nɩ a fʋ kparɩ cɩɛrɩ ɛ́ kõ a ɩ̃ niŋé. A na ɩ à ŋá a, a mãa mɩ̀ a, ɩ̃ wõ n a fʋ ƴɛ̀rʋ, mãa n'ʋ yere.

1 Na-mɩnɛ 21:29

«Fʋ nyɛ̃ nɩ a lɛ a Akab na siwri ʋ tʋɔra a ɩ̃ niŋé sɛw a? Ʋ na siwri ʋ tʋɔra à à ŋá a ɩ̃ niŋé a, ɩ̃ bɛ ɩrɛ a faa páwr a ʋ yir, a ʋ cãafʋ daar ɛ. A ʋ bidɛb daar'a ɩ̃ na ɩ a faa páw a ʋ yir.»

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 9:30

Ɛcɛ ɩ̃ bãwnɩ a na, fʋ̃ʋ nɩ a fʋ tõ-tõ-bi-bɛrɛ cãà bɛ zɔrɛ a Sore Naaŋmɩn ɛ.»

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

Sɛb-sõw yielu 78:10

Bɛ bɛ tɩ sàw a Naaŋmɩn wõ-taa ɩ, bɛ tɩ zawr'ɩ a wulu deb.

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 26:4

A lɛ pʋɔ a, fʋ na yel'a: À ŋá n'a a Sore yere: “Nyɩ bɛrɛ wone a ɩ̃ ƴɛ̀rʋ. Nyɩ tuur a wulu ɩ̃ na kʋ̀ nyɩ a.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 44:23

Nyɩ na maalɩ bagɛ kʋ̀ ŋmɩn-yoru a, nyɩ na maalɩ yel-bier sãw a Sore a, alɛ n'a so a kpɩɛrʋ á ŋá ta nyɩ. Nyɩ bɛ bɛr wõ ʋ ɛ, bɛ tu a ʋ wulu ɛ, a ʋ nɛ-ƴãwnɩ nɩ a ʋ kpãàfʋ ɛ. A nɩbɛ za na tʋ̃ɔ́ na cãà nyɛ̃ a, a dɩ̃a.»

Ɩzayi 42:24

— Ãa n'ʋ bɛr a Ɩsɩrayɛl, a Zakɔb nɩbɛ kʋ̀ a bɛlɩ dem na fa a bɛ bome a za a, a bɛlɩ dem na za bɛ a? A Sore tɩ na ɩ sãw a bɛ n'ʋ ɛ? A ʋ nɩ-bʋʋrɛ bɛ sàw tu a ʋ sɔ́r ɛ, bɛ bɛ sàw bɛr wõ a ʋ wulu ɛ.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.