Zeremi 40:5 - A SƐB-SÕW

⁵ A Zeremi na bɛ tɩ lɛbr cere a, a Nebuzaradan tɩ yel'a ƴãw pʋɔ: «Lɛb cen a Ahikam bidɛb, Gedalɩasɩ na ɩ Safan yãw a zie. A Babɩlɔn tẽw nãà ƴãw na ʋ ɩ a na-kpɛ̃ɛ-lɩɛrɛ, a Zuda tẽ-bɛrɛ ƴãw. Cen tɩ kpɩɛr a ʋ zie a fʋ nɩbɛ pʋɔ, bɩɩ cen zie nɛ za fʋ bɔbr kɛ́ fʋ cen a.» Al pùorí, a soja-zi-gùrbɛ nɩ-kpɛ̃ɛ tɩ kʋ̀ n bʋ̃-dɩrɩ a Zeremi a sɔ́r loba ƴãw. Ʋ tɩ kʋ̀ ʋ nɩ bʋ̃-kʋ̀ra, ɛ́ bɛr ʋ k'ʋ cen.

Zeremi 40:5 Referans Kwoze

Zeremi 39:14

tɩ tõ na kɛ́ bɛ tɩ tɛr a Zeremi a soja-zi-gùrbɛ davʋra pʋɔ, wa n wa kʋ̀ Ahikam bidɛb, Gedalɩasɩ na ɩ Safan yãw a. A Gedalɩasɩ tɩ kʋ̀ n sɔ́r a Zeremi, ʋ lɛb kul a ʋ yir. À ŋá n'a a Zeremi tɩ kpɩɛr a nɩbɛ sɔgɔ.

Zeremi 41:2

wa bere, a Yisɩmayɛl nɩ a nɩbɛ pie bɛl na bɩɛl'ʋ a, lãw ìr, gɔr gɔr a Gedalɩasɩ nɩ zɛbr-sɔ-bɛrɛ kʋ. À ŋá n'a bɛ tɩ kʋ a nɩr nɛ a Babɩlɔn tẽw nãà na tɩ kaa ír ƴãw ʋ kaarɛ a Zuda tẽw a.

Ebre 13:6

Lɛ so tɩ na tʋ̃ɔ́ bɛr tɩɛrʋ ɛ́ yel: «A Sore n'ɩ a ɩ̃ sõwne, ɩ̃ kʋ̃ zɔrɛ bom za dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?»

Nɩ-toni 28:10

Bɛ tɩ wul'ɩ ƴãwfʋ bɛ tɛr vuo ɩ, a tɩ zie. Ɛ́ tɩ na wa yi lɛb kpɩɛr a gbor a, bɛ kʋ̀ tɩ nɩ bom za a tɩ sɔ́r ƴãw.

Nɩ-toni 27:43

Ɛcɛ a sojarɩ kʋba (100) nɩ-kpɛ̃ɛ na tɩ bɔbr k'ʋʋ faa a Pol a, tɩ piw bɛ nɩ sɔ́r a lɛ ƴãw. Ʋ tɩ yel'ɩ a bɛlɩ dem na bãw a duwfʋ a, kɛ́ bɛ de niwn lo a kʋ̃ɔmɩ́ duwri ta a tẽw,

Nɩ-toni 27:3

A bio daarɩ́, tɩ tɩ ta n Sɩdɔ̃ siw. A Ziliyisɩ tɩ maal'a tɛr a Pol nɩ nɩsaalʋ, ʋ tɩ kʋ̀ ʋ nɩ sɔ́r k'ʋʋ cen tɩ puori a ʋ bárɩ, bɛ tʋ̃ɔ́ kaa a ʋ zie.

Zeremi 40:4

Ɛcɛ, ƴɛrɛŋa a, a dɩ̃a tɔr za a, ɩ̃ na ír'ɩ a fʋ bamɛ bɛr fʋ. Fʋ̃ʋ wa bɔbr kɛ́ fʋ tu m cen a Babɩlɔn a, fʋ̃ʋ wa, ɩ̃ɩ na tɩ kaarɛ nɩ a fʋ zie. Ɛcɛ fʋ̃ʋ bɛ wa bɔbr a, ta wa ɩ. A tẽw za be n a fʋ niŋé, cen zie nɛ za na pɛlɩ a fʋ pʋɔ ɛ́ fʋ bɔbr a cenu a.»

Zeremi 26:24

Ɛcɛ Safan bidɛb, Ahikam, tɩ piw nɩ a Zeremi tɛr. A ʋl zũú a, a Zeremi bɛ tɩ lo a tẽw nɩbɛ na tɩ bɔbr a ʋ kʋb a nuru pʋɔ ɩ.

Zeremi 15:11

Ɛcɛ a Sore tɩ yel'a: «Ɩ̃ pɔ na, ɩ̃ na faa fʋ nɩ a fʋ nʋ̃ɔ̀ ƴãw. Ɩ̃ pɔ na, ɩ̃ na ɩ na a dɔ̃ sob lɔb nuru zɛlɩ nɩ fʋ a kpɩɛrʋ nɩ a pʋl-vʋ̃ɔ daar.

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Zʋkpaɩ 16:7

A Sore wa nɔnɛ nɩr ɩb a, ʋ mɩ́ ɩ na a sob nɛ nɩ a ʋ dɔ̃ dem tɛɛ za lɛb kpɛ taa.

A Zɔb sɛbɛ 22:29

Sɩza, a Naaŋmɩn mɩ́ ɩ n a pɔ̀lʋ dem tɩɛrʋ a sãw, ɛcɛ, ʋ mɩ́ ɩ n a bɛlɩ dem na siwre bɛ tʋɔra a yele maalɩ.

Neemi 1:11

Sore e, ɩ̃ zɛlɛ fʋ nɩ yãayãa, cɛlɛ be, bɛr wõ a ɩ̃ puoru, mɩ̀ bɛr wõ a fʋ tõ-tõ-biir na nɔnɛ a fʋ ƴãwfʋ a puoru. Ɩ a yele tu vla a ɩ̃ zie, ɛ́ sàw a nãà pʋɔ pɛlɩ a ɩ̃ ƴãw.» Ɩ̃ tɩ ɩ n a nãà dã-pʋrɛ a lɛn daar.

Ɛsɩdɩrasɩ 7:27

Lɛ n'a a Ɛsɩdɩrasɩ tɩ yel: «A Sore, a tɩ sãàkʋm-kore Naaŋmɩn, ʋ tɛr'ɩ puoru. Ʋlɛ n'ʋ kʋ̀ a Zerizalɛm Ŋmɩn-yir-kpɛ̃ɛ ƴãwfʋ tɩɛrʋ a nãà.

2 Bibie za yel-manɩ 34:20

Al pùorí, ʋ tɩ ƴãw na bɛ bʋɔlɩ Hɩlkɩahu nɩ Safan bidɛb, Ahikam, nɩ Mɩka bidɛb Avidon, nɩ a sɛ-sɛbrɛ Safan nɩ a ʋ tõ-tõ-bi-nɩ-kpɛ̃ɛ Asaya, ʋ wa yel bɛ à ŋá:

2 Na-mɩnɛ 22:14

A lɛ n'a a bàwr-maal-kara Hɩlkɩahu, a Ahikam, a Akɩbɔɔr, a Safan nɩ a Asaya tɩ cen a pɔw-naaŋmɩn-ƴɛ̀r-manɛ Hulida na tɩ kpɩɛr a Zerizalɛm Lowr-Paala pʋɔ a zie. A ʋ sɩr Salum, na ɩ Tikɩwa bidɛb, ɛ́ ɩ Harasɩ yãw a, tɩ n'ɩ a Ŋmɩn-yir-kpɛ̃ɛ kpar-son kaarɛ. A nɩbɛ bɛ ŋa tɩ manɩ nɩ a yel kʋ̀ a pɔw-naaŋmɩn-ƴɛ̀r-manɛ.

2 Na-mɩnɛ 22:12

Al pùorí, ʋ ƴãw bɛ bʋɔlɩ a bàwr-maal-kara Hɩlkɩahu, nɩ Safan bidɛb Ahikam, nɩ Mikaya bidɛb Akɩbɔɔr, nɩ a sɛ-sɛbrɛ Safan de nɩ Asaya na ɩ a ʋ tõ-tõ-bi-kpɛ̃ɛ kãw a, ʋ wa yel bɛ à ŋá:

Zeremi 41:1

Zɩ̃ k'aa ʋlɩ yũon nɛ, a cuwr ayopõi sob a, a Netanɩa bidɛb, Yisɩmayɛl, na ɩ Elisama yãw, ɛ́ yi a Zuda tẽw nãà yir a, ɛ́ ɩ a nãà yir nɩr kãw nɩ a nãà yir tõ-tõ-bi-kpɛ̃ɛ kãw a, tɩ tɛr'ɩ nɩbɛ pie wa n a Gedalɩasɩ zie a Misɩpa. Bɛ tɩ lãw na dɩrɛ,

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.