Zeremi 4:18 - A SƐB-SÕW

¹⁸ Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 4:18 Referans Kwoze

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Sɛb-sõw yielu 107:17

Bɛ mɩnɛ tɩ ɩ n a ɩ-faar tɩ gem'ɩ, bɛ tɩ lɛb'a ŋmɛlɩ ɩrɛ a kpɩɛr a bɛ tʋɔra nɩ a bɛ sãwna.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Zʋkpaɩ 1:31

A na ɩ à ŋá a, nyɩ na tuo nɩ a sãwna a nyɩ ɩb na wa n a, a lɛ nyɩ na tɩɛrɩ kɛ́ nyɩ ɩ a na gel nyɩ nɩ pʋɔ.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Zeremi 26:19

A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 5:19

A nɩbɛ wa sowre: “Bʋ̃ʋ n'ʋ so a Sore tɩ Naaŋmɩn ƴãw tɩ a dɔwrʋ á ŋá za?” A fʋ̃ʋ Zeremi, fʋ na sɔw na: “Nyɩ zawrɩ ʋ na bɛr ɛ́ maalɛ ŋmɩn-sãanbɛ a nyɩ mɩŋa tẽw pʋɔ. Lɛ n'a nyɩ mɩ̀ na tõ nɩ-sãanbɛ tome, tẽw na bɛ ɩ a nyɩ tẽw a pʋɔ”.

Zʋkpaɩ 5:22

A nɩ-faa ɩ-faar tɛɛ za bɛra n'ʋ na nyɔw ʋ, ɛ́ a ʋ yel-bier mie lɩr ʋ tɛr.

Zeremi 5:25

A nyɩ sãwna dam'ɩ à á ŋá za nyaw taa, a nyɩ yel-bebe n'a piw nyɩ nyɩ bɛ páw a yel-vɩɛlɩ á ŋá ɩ.

Ezekɩɛl 39:24

Ɩ̃ ŋmɛlɩ nɩ a kpaar cɔw bɛ, ɛ́ ɩ bɛ tu n a bɛ ɩ-faar nɩ a bɛ sãwna.

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

A Lãw-mʋɔlɛ 3:15

A Sore ɩ na k'ɩ̃ wõ to-lawlaw, ʋ kʋ̀ mɛ̃ nɩ lɔw ɩ̃ nyũ.