Zeremi 37:10 - A SƐB-SÕW

¹⁰ Alɛ saa na ɩ mɛ̃ nyɩ zɛb'a tʋ̃ɔ́ a Babɩlɔn tẽw zɛbr-nɩbɛ za na zɛbr'ɩ nyɩ a, ɛ́ tɩ cɛ nɩbɛ blã nyɩ na baw nɩ a nyɩ pime a, bɛ na ìr'a àr a bɛ pɛnɛ-sɛwr pʋɔ, ɛ́ bɛ na wa n bɛ za wa nyɩw a tẽ-kpɛ̃ɛ ŋa bɛr.”»

Zeremi 37:10 Referans Kwoze

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Zeremi 50:45

Nyɩ bɛr wõ a lɛ a Sore na tɩɛrɩ a Edɔm tẽw ƴãw a, a lɛ ʋ na cɔbrɩ a Teman tẽw nɩbɛ ƴãw a. A bɛ tɛr à ŋá ɩ, bɛ na vu bɛ na nɩ fãw mɛ̃ dʋn a, a dʋn bili tɛɛ za mɩ̀, a bɛ tɛr à ŋá ɩ. A bɛl ƴãw a, ʋ na sãw nɩ a zàw bɛr.

Ɩzayi 30:17

Dɔ̃ sob been yõ na fuw nɩ a nyɩ nɩbɛ túr. Dɔ̃ dem anũu na fuw nyɩ na, nyɩ zɔ nyɩ za ɛ́ tɩ cɛ ɩ mɛ̃ bãwfʋ na be tã-kpɛ̃ɛ nyʋɔrɩ́ a, mɛ̃ dɩrapo na bà tãle zu a.

Zeremi 51:4

A bɛlɩ dem bɛ na ƴãw a bàalʋ a, na gã gã nɩ tẽw a Babɩlɔn tẽw pʋɔ, ɛ́ a bɛlɩ dem bɛ na kʋ a zɛbr zie a pàw a tẽ-bɛrɛ sɛ́ɛ.

Zeremi 49:20

Nyɩ bɛr wõ a lɛ a Sore na tɩɛrɩ a Edɔm tẽw ƴãw a, a lɛ ʋ na cɔbrɩ a Teman tẽw nɩbɛ ƴãw a. A bɛ tɛr à ŋá ɩ, bɛ na vu bɛ na nɩ fãw mɛ̃ dʋn a, a dʋn bili tɛɛ za mɩ̀, a bɛ tɛr à ŋá ɩ. A bɛl ƴãw a, ʋ na sãw nɩ a zàw bɛr.

Zeremi 37:8

A Babɩlɔn tẽw dem na lɛb'a wa wa zɛb'ɩ a tẽ-kpɛ̃ɛ ŋa, bɛ na de ʋ na ɛ́ nyɩw ʋ bɛr.

Ɩzayi 14:19

Ɛcɛ a fʋ̃ʋ a, bɛ lɔb fʋ na bɛr zãá nɩ a fʋ ũùfʋ zie, mɛ̃ bi-cur-bɛra na ɩrɛ kɔkɔrʋ a, mɛ̃ kũu bɛ na nɛb'ɩ gbɛ́ɛ a. Nɩbɛ bɛ na kʋ a nɛbɛ pàw fʋ, Nɩbɛ a zɛbr-sɔ-kpɛ̃ɛ na kʋ a. Bɛ bin bɛ nɩ a kʋsɛbɛ na pɩɛrɩ pàw a bɔw-zulu pɛr a zu.

Ɩzayi 13:15

Bɛlɩ dem za bɛ na na nyɛ̃ a, bɛ na baw bɛ na nɩ pime, ɛ́ bɛlɩ dem za bɛ na na nyɔw a, zɛbr-sɔ-kpɛ̃ɛ n'ʋ bɛ na kʋ n bɛ.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 37:11

A lɛn daar a Babɩlɔn tẽw zɛbr-nɩbɛ na tɩ taw zãá nɩ a Zerizalɛm blã, a Faarawɔ̃ zɛbr-nɩbɛ zũú a,

A Lãw-mʋɔlɛ 1:15

A Sore jɛ n a soja-gãdaar za na tɩ be a ɩ̃ zie a bɛr. Ʋ ɓã n zɛbr-nɩbɛ taa a ɩ̃ ƴãw, k'ʋʋ tʋ̃ɔ́ nɩ a ɩ̃ pɔ́lɛ́ za pelẽpelẽ. Ʋ nɛb'ɩ mɛ̃ nɩ gbɛ́ɛ, a mãa, a Zuda tẽw Sɩyɔ̃, mɛ̃ divɛ̃ tɩ-wɔmɛ a nɛbrʋ zie a.