Zeremi 34:14 - A SƐB-SÕW

¹⁴ Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Zeremi 34:14 Referans Kwoze

Wulu-ayi-sob 15:12

A nyɩ yɛbr nɩ a nyɩ yeepuuli na ɩ ebre a pʋɔ a, dɛb bɩɩ pɔw wa kʋɔrɩ ʋ tʋɔra kʋ̀ nyɩ, ɛ́ tõ a nyɩ tome mɛ̃ gbãgbaa yome ayʋɔb a, a yome ayopõi sob a, nyɩ na bɛr ʋ na ʋ so ʋ tʋɔra.

1 Na-mɩnɛ 9:22

A Salomɔ̃ bɛ tɩ ír Ɩsɩrayɛl nɩr kãw za ƴãw a pɔ̃tɔrɩ tome pʋɔ ɩ: bɛ nɩ̃ɛ na tɩ ɩ zɛbr-nɩbɛ, a ʋ tõ-tonbɛ, a ʋ zɛbr-nɩbɛ nɩ-bɛrɛ, a ʋ wie kaarbɛ, a ʋ zɛbr-torkori nɩ-bɛrɛ nɩ a ʋ wi-zɔmnbɛ nɩ-bɛrɛ.

Ʋrɔm 7:24

'Woi, zu-bio sob i! Ãa n'ʋ na faa mɛ̃ bɛr a ƴã-gan ŋa ƴãw, a ƴã-gan ŋa na wɩɛr'ɩ mɛ̃ a kũu pʋɔ a?

Amɔsɩ 8:6

Tɩ na dà n a nɩ-kɔmɛ nɩ libie blã, tɩ na de nɩ nafawr-ɓɛwlɩkɛl pɛ-been tɛw nɩ a nã́w sob. Tɩ na mɩ́ kʋɔr'a tɩ lãw nɩ a ka-sɩmɛ tɛɛ za.»

Amɔsɩ 2:6

À ŋá n'a a Sore yere: «A Ɩsɩrayɛl nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ kʋɔr'ɩ a nɩ-mɩŋa, libir ƴãw, ɛ́ kʋɔrɩ a nã́w sob nafawr-ɓɛwlɩkɛl ƴãw.

Ezekɩɛl 20:8

Ɛcɛ a nyɩ sãàkʋm-kore tɩ ìr'ɩ a ɩ̃ ƴãw, ɛ́ bɛ tɩ bɔbr kɛ́ bɛ bɛr wõ m ɛ. Kãw za bɛ tɩ bɛr a ŋmɩn-faar faar jɩ́rʋ ɛ, ɛ́ kãw za bɛ tɩ jɛ a Eziptɩ tẽw dem tɩbɛ bɛr ɛ. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a Eziptɩ tẽw tɔr za pʋɔ.

Ezekɩɛl 20:4

Fʋ̃ʋ na ɩ nɩsaal tɛwr a, cɔbrɩ fʋ tʋɔra dɩ n bɛ ƴɛ̀rʋ, ta bʋ́nɛ ɩ. Lɛb sɩ̃w a bɛ sãàkʋm-kore ɩ-ɩrɩ na bɛ maal'ɩ wob a, a bɛ zie.

Zeremi 32:30

A mãa, a Sore, ɩ̃ yere na: a Ɩsɩrayɛl nɩbɛ za nɩ a Zuda tẽw dem a, a bɛ pɔ̀lʋ̀ daar za n'a bɛ ɩ a ʋlɩ bom nɛ na bɛ pɛlɩ a ɩ̃ pʋɔ a. Sɩza, a ɩ̃ suur tɛwr'a a Ɩsɩrayɛl nɩbɛ ɩ ʋ ìr nɩ a bɛ ɩ-ɩrɩ.

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

2 Bibie za yel-manɩ 28:10

Lɛb waar, a Zerizalɛm nɩ a Zuda dɛbr nɩ pɔwbɛ bɛ ŋa a, nyɩ tɩ́ɛrɛ na kɛ́ nyɩ ɩ bɛ lɩɛbɩ a nyɩ gbãgbaar. Nyɩmɛ wa ɩ à à ŋá a, a nyɩɩm tɛɛ za kʋ̃ ɩ sãwna dem a Sore nyɩ Naaŋmɩn niŋé ɩ?

1 Na-mɩnɛ 21:25

Bɛ bɛ dãw nyɛ̃ nɩr ʋ tu a ʋ pʋ-tɩɛrʋ maalʋ pùor, ɩ a lɛ na bɛ nʋmɛ a Sore zie mɛ̃ a Akab a ɩ. Bʋ̃ʋ n'ʋ vɛ̃, a ʋ pɔw Zezabɛl tɩ darɛ ʋ na ƴãwn.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Levitɩ mɩnɛ 25:10

À ŋá n'a nyɩ na wul k'aa yome lɩz'a ayi nɩ pie sob ɩ n yũon-sõw, ɛ́ nyɩ na hier'a yel k'aa tẽw nɩbɛ za lɛb'a so bɛ tʋɔra. Ʋ na ɩ n Pʋ-pɩɛlʋ yũon a nyɩ zie. A nyɩ kãw za na tʋ̃ɔ́ na mɩ́ lɛb so a ʋ ziir, ɛ́ lɛb kpɛ a ʋ sãà yir.

Wulu-ayi-sob 15:1

Alɛ mɩ́ wa cen maalɩ yome ayopõi a, nyɩ na mɩ́ lɛb'a bɛr a nyɩ samɛ dem za a bɛ samɛ.

Wulu-ayi-sob 15:9

Ɛcɛ nyɩ gù vla taa wa tɛrɛ tɩɛr-faar yere à ŋá ɩ: «A yome ayopõi sob kʋ̃ yaa kɛ́ ta ɩ, a samɛ lɛb-bɛrʋ yũon.» Nyɩ taa wa kpɛ mimi-kõw a nyɩ yɛb-nã́w sob zie a al ƴãw, ɛ́ bɛ kʋ̀ ʋ bom za ɩ. Alɛ bɛ ɩ lɛ, ʋ nãà mab'a bʋɔlɩ a Sore ƴãw nyɩ, nyɩ ɩ sãwna dem.

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”