Zeremi 34:10 - A SƐB-SÕW

¹⁰ Lɛ n'a a tẽw nɩ-bɛrɛ nɩ a nɩbɛ za na tɩ maalɩ a wõ-taa ŋa a, tɩ sàw kɛ́ bɛ bɛr a gbãgbaar, a dɛbr nɩ a pɔwbɛ, bɛ so bɛ tʋɔra, ɛ́ ta lɛb cãà ɩ bɛ tone mɛ̃ gbãgbaar a ɩ. Ŋa za tɩ sàw nɩ a wõ-taa ŋa, ɛ́ lɛb bɛr a ʋ gbãgbaar bɛ so bɛ tʋɔra.

Zeremi 34:10 Referans Kwoze

Zeremi 26:16

A lɛ n'a a tẽw tõ-tõ-bi-bɛrɛ nɩ a nɩbɛ za tɩ yel a bàwr-maalbɛ nɩ a naaŋmɩn-ƴɛ̀r-manbɛ: «A nɩr ŋa bɛ sɛwnɩ kũu ɛ, bʋ̃ʋ n'ʋ vɛ̃, a Sore tɩ Naaŋmɩn yúor ƴãw n'a ʋ sɩrɩ ƴɛ̀r a tɩ zie.»

Zeremi 26:10

A Zuda tẽw tõ-tõ-bi-bɛrɛ na wa wõ a yele a, bɛ yi n a nãà yir do a Ŋmɩn-yir-kpɛ̃ɛ́ tɩ zɩ̃ a ƴɛ̀rʋ-dɩb ƴãw, a Ŋmɩn-yir-kpɛ̃ɛ dɩ̃dɔ-Paala ƴãw.

Markɩ 6:20

Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Zeremi 36:12

Ʋ tɩ siw nɩ a nãà yir, tɩ ta a sɛ-sɛbrɛ tome dĩo pʋɔ. A tõ-tõ-bi-bɛrɛ za tɩ tɛr'ɩ kpaarʋ. A bɛlɩ dem za na tɩ be a be a, tɩ n'ɩ bɛ ŋa: a sɛ-sɛbrɛ Elisama, nɩ Semayahu bidɛb Delayahu, nɩ Akɩbɔɔr bidɛb Ɛlnatan, nɩ Safan bidɛb Gemarɩahu, nɩ Hananɩahu bidɛb Sedesɩasɩ, nɩ a tõ-tõ-bi-bɛrɛ bɛ mɩnɛ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Zeremi 34:11

Ɛcɛ, a pùorí, bɛ tɩ lɩɛb'ɩ a bɛ tɩɛrʋ, lɛb de a dɛbr nɩ a pɔwbɛ bɛ na tɩ bɛr bɛ so bɛ tʋɔra a, ɛ́ tɩ fɛr bɛ ƴãw bɛ lɛb lɩɛbɩ a gbãgbaar.

Eziptɩ tẽw yib 21:2

Nyɩmɛ wa dà gbãgbaa ʋ ɩ Ebre nɩr a, ʋ na tõ n yome ayʋɔb. A yome ayopõi sob a, ʋ na tʋ̃ɔ́ na yi so ʋ tʋɔra cere, ɛ́ bɛ tɛr nɩr za san ɛ.

Levitɩ mɩnɛ 25:10

À ŋá n'a nyɩ na wul k'aa yome lɩz'a ayi nɩ pie sob ɩ n yũon-sõw, ɛ́ nyɩ na hier'a yel k'aa tẽw nɩbɛ za lɛb'a so bɛ tʋɔra. Ʋ na ɩ n Pʋ-pɩɛlʋ yũon a nyɩ zie. A nyɩ kãw za na tʋ̃ɔ́ na mɩ́ lɛb so a ʋ ziir, ɛ́ lɛb kpɛ a ʋ sãà yir.