Zeremi 33:7 - A SƐB-SÕW

⁷ Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Zeremi 33:7 Referans Kwoze

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Ɩzayi 1:26

Ɩ̃ na ɩ n a fʋ ƴɛ̀r-dɩrbɛ bɛ lɛb ŋmɛ̃ mɛ̃ a dãwdãw a, ɛ́ a fʋ yã-wulbɛ ɩ mɛ̃ a koro za a. Ɛ́ a pùorí a, bɛ na tʋ̃ɔ́ na bʋɔlɛ fʋ “Mɩnʋ Tẽ-kpɛ̃ɛ” nɩ “Tẽ-kpɛ̃ɛ na bɛ lɛb pùor a”.»

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 42:10

“Nyɩmɛ wa sàw na cãà kpɩɛr a tẽw ŋa pʋɔ a, ɩ̃ na lɛb'a mɛ nyɩ, ɩ̃ kʋ̃ lɛb sãw nyɩ bɛr towtow ɛ. Ɩ̃ na sɛl nyɩ na, ɛ́ kʋ̃ lɛb vʋ̃ɔ nyɩ bɛr towtow ɛ. A faa ɩ̃ na maalɩ nyɩ a na ɩ mɛ̃ nɩ kpɩɛrʋ.

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zeremi 31:28

Wa tɩ tɔ ka a, ɩ̃ tɩ àr'ɩ a bɛ ƴãw k'ɩ̃ɩ vɔ̃ bɛr, k'ɩ̃ɩ ŋmɛ lɔb, k'ɩ̃ɩ da lɔb, k'ɩ̃ɩ sãw bɛr, k'ɩ̃ɩ ɩ a kpɛ. Ɛcɛ ƴɛrɛŋa a, ɩ̃ na lɩɛb'a cɔw bɛ, k'ɩ̃ɩ lɛb mɛ ɛ́ lɛb sɛl, a Sore n'ʋ yere.

Zeremi 30:20

Bɛ na lɛb'a ɩ mɛ̃ a dãwdãw a, bɛ na lɛb'a ɓanɛ taa a ɩ̃ niŋé, ɩ̃ɩ na dɔwr'ɩ a bɛlɩ dem za na dɔwrɛ bɛ a.»

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Zeremi 24:6

Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Sɛb-sõw yielu 126:4

Sore e, ɩ a tɩ nɩbɛ na ɩ a gbãgbaar a, bɛ lɛb wa, mɛ̃ a Negɛɛvʋ tẽ-kõw fʋɔlɩ kʋ̃ɔ a.

Sɛb-sõw yielu 85:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.

Sɛb-sõw yielu 14:7

Ãa n'ʋ na be a Sɩyɔ̃ ɛ́ kʋ̀ a Ɩsɩrayɛl a faafʋ? A Sore wa lɛb maalɩ a ʋ nɩbɛ yele ƴãw a, a Zakɔb bʋʋrɛ na cɩlɛ na, nʋ̃ɔ̀ na ɩrɛ nɩ a Ɩsɩrayɛl.

Zakari 1:17

Al pùorí a malkɩ tɩ yel'a k'ɩ̃ɩ lɛb hieri yel à ŋá: «Bʋ̃-vɩɛlɩ na lɛb'a paalɩ a ɩ̃ tẽ-bɛrɛ, a Sore Kpɛnʋ-za-sob n'ʋ yere, ɩ̃ na lɛb'a kaa ír a Zerizalɛm, ɩ̃ na lɛb'a mɔwlɩ a Sɩyɔ̃.»

Sofoni 3:20

A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 2:15

A bibie al ʋ na zɔ tu a Báàl mɩnɛ pùor a, ɩ̃ na ɩ na ʋ ya a za. Ʋ mɩ́ tɩ maal'ɩ bàwr kʋ̀ a. Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ zɔrɛ tuur'ɩ a ʋ sɛnbɛ, ɛ́ mɩ́ tɩ yiiri mɛ̃ bɛr, a Sore n'ʋ yere.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Sɛb-sõw yielu 126:1

Zerizalɛm dob daar yielu. A lɛn daar a Sore na tɩ tɛr a gbãgbaar lɛb wa n a Sɩyɔ̃ tẽw a, a tɩ ɩ na mɛ̃ zánʋ n'a tɩ zanɛ a.

Zeremi 31:38

A Sore yere na: «Bɛ kʋ̃ yaa kɛ́ lɛb mɛ a Zerizalɛm tẽ-kpɛ̃ɛ a ɩ̃ ƴãw ɛ. Bɛ na yi n ʋ nɩ a Hananeyɛl yir-cõcowla ƴãw tɩ sãá nɩ a Gõgon dɩ̃dɔr ƴãw.

Zeremi 50:4

A Sore yere na: a lɛn daar a, a Ɩsɩrayɛl nɩbɛ nɩ a Zuda nɩbɛ na lãw na waar, bɛ na kone na cere nɩ, bɔbr'ɩ mɛ̃, a mãa, bɛ Naaŋmɩn.

A Lãw-mʋɔlɛ 4:22

Sɩyɔ̃ tẽ-kpɛ̃ɛ ɛ, a fʋ dɔwrʋ pãa baar'a. Bɛ bɛ lɛb diwr fʋ cere nɩ zie ɩ. Ɛcɛ a fʋ̃ʋ Edɔm, a Sore na dɔwrɩ fʋ nɩ a fʋ sãwna zũú, ʋ na ɩ n a fʋ yel-bebe a yi cãamɩ́.

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

Ɩzayi 52:8

Bɛr wõ a nɩbɛ fʋ na ƴãw bɛ piwre a zie a: bɛ lãw na lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, bɛ nyɛ̃ nɩ nɩ bɛ mimie a Sore na lɛbr waar a Sɩyɔ̃ tẽw a.