Zeremi 33:26 - A SƐB-SÕW

²⁶ A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zeremi 33:26 Referans Kwoze

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

A naaŋmɩn-ƴèr-manɛ Oze sɛbɛ 1:7

Ɛcɛ a Zuda yir nɩbɛ a, ɩ̃ na nɔnɛ bɛ na. A mãa Sore bɛ Naaŋmɩn, ɩ̃ na faa bɛ na, ɛ́ a bɛ faafʋ ƴãw a, ɩ̃ kʋ̃ tɛr tam nɩ zɛbr-sɔ-kpɛ̃ɛ yel-ɩra ɩ, ɩ̃ kʋ̃ tɛr zɛbr nɩ wie nɩ wi-zɔmnbɛ yel-ɩra ɩ.»

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Ʋrɔm 11:32

Bʋ̃ʋ n'ʋ vɛ̃, Naaŋmɩn pàw nɩ a nɩsaalbɛ za a nʋɔr-zawrʋ gaso pʋɔ, k'ʋʋ tʋ̃ɔ́ wul bɛ za a ʋ su-ɓaarʋ.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Ɛsɩdɩrasɩ 2:70

A bàwr-maalbɛ, a levitɩ mɩnɛ nɩ a Ɩsɩrayɛl nɩbɛ bɛ mɩnɛ na ɩ yiel-yielbɛ, dɩ̃dɔ-gùrbɛ nɩ a Ŋmɩn-yir-kpɛ̃ɛ tõ-tõ-biir a, bɛ tɩ zɩ̃ n a tẽ-bɛrɛ al bɛ na kʋ̀ bɛ a pʋɔ. A Ɩsɩrayɛl nɩbɛ bɛl na cɛ a tɩ zɩ̃ n a bɛ tẽ-yiri pʋɔ.

Ɛsɩdɩrasɩ 2:1

A Zifʋ bɛl a Babɩlɔn tẽw nãà, Nabikodonozɔɔr, na tɩ diw cen nɩ a Babɩlɔn a, nɩ-yaga a bɛ pʋɔ tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽw pʋɔ.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 33:24

«Fʋ bɛ wõ a lɛ a nɩbɛ na yere a ɩ? Bɛ na yere k'ɩ̃ɩ zawr'ɩ a Ɩsɩrayɛl nɩ a Zuda bɛr, a yie ayi á ŋá ɩ̃ na tɩ kaa ír a. Bɛ na ƴɛ̀rɛ à à ŋá a, bɛ jewre nɩ a ɩ̃ nɩbɛ. Bɛl zie a, bɛ bɛ cãà ɩ nɩ-bʋʋrɛ mɩ̀ ɛ.

Sɛb-sõw yielu 126:1

Zerizalɛm dob daar yielu. A lɛn daar a Sore na tɩ tɛr a gbãgbaar lɛb wa n a Sɩyɔ̃ tẽw a, a tɩ ɩ na mɛ̃ zánʋ n'a tɩ zanɛ a.

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.