Zeremi 33:24 - A SƐB-SÕW

²⁴ «Fʋ bɛ wõ a lɛ a nɩbɛ na yere a ɩ? Bɛ na yere k'ɩ̃ɩ zawr'ɩ a Ɩsɩrayɛl nɩ a Zuda bɛr, a yie ayi á ŋá ɩ̃ na tɩ kaa ír a. Bɛ na ƴɛ̀rɛ à à ŋá a, bɛ jewre nɩ a ɩ̃ nɩbɛ. Bɛl zie a, bɛ bɛ cãà ɩ nɩ-bʋʋrɛ mɩ̀ ɛ.

Zeremi 33:24 Referans Kwoze

Sɛb-sõw yielu 83:4

Bɛ bʋ̀rɛ nɩ taa a fʋ nɩ-bʋʋrɛ ƴãw, bɛ sɔwlɛ na wone taa a fʋ nɩbɛ fʋ na gùre a ƴãw.

Ezekɩɛl 37:22

Ɩ̃ na ɩ na nyɩ ɩ nɩ-bʋʋr-been a Ɩsɩrayɛl tan zu. Nyɩ za na tɛr'ɩ na-been. Nyɩ kʋ̃ cãà ɩ ten ayi ɛ, ɛ́ kʋ̃ lɛb bʋ́r ɩ naalʋ-ten ayi ɛ.

Ezekɩɛl 36:2

a mãa Sore Naaŋmɩn: A nyɩ dɔ̃ dem la na ɛ́ yel: “Ha haa! A Ɩsɩrayɛl tẽw tã-kore ɩ n a tɩ sób ƴɛrɛŋa!”

Ezekɩɛl 26:2

«A fʋ̃ʋ nɩsaal bie, bɛrɛ wone! A bɛlɩ dem na kpɩɛr a Tɩ́ɩ̀r tẽw a ɩrɛ nɩ a Zerizalɛm laar. Bɛ yere na: “Ha, háa! Bɛ sãw ʋ na bɛr, a tẽ-kpɛ̃ɛ ʋl pʋɔ a nɩ-bʋʋrɛ za na tɩ tuur tɔlɛ a! Tɩɩm n'a cɛ na kpɛ a naalʋ. Bʋ̃ʋ n'ʋ vɛ̃, a Zerizalɛm ɩ n debuo!”

Ezekɩɛl 25:3

Yel kʋ̀ bɛ kɛ́ bɛ bɛrɛ wone a ƴɛ̀rʋ á ŋá a mãa Sore Naaŋmɩn na ƴɛ̀rɛ kʋ̀rɛ bɛ a: A lɛ a nɩbɛ na tɩ ɩ a ɩ̃ zi-sõw la a, a lɛ bɛ na tɩ sãw a Ɩsɩrayɛl tẽw bɛr a, a lɛ a bɛl na kpɩɛr a Zuda tẽw a na tɩ cen a diw-cenu zie a, nyɩ tɩ la n vla vla.

A Lãw-mʋɔlɛ 4:15

Bɛlɛ wa waar a, a nɩbɛ mɩ́ cɩɩrɛ na: «Nyɩ taw zãá! Bɛ ɩ n nɩ-dɛgɛ! Nyɩ taw zãá! Nyɩ taw zãá! Nyɩ taa tʋɔr bɛ ɩ!» Bɛ zɔrɛ na ɛ́ bɛ bãw ʋlɩ zie nɛ bɛ na na cen a ɩ. Ɛcɛ a nɩ-bʋʋr-yoru yere na: «Bɛ kʋ̃ tʋ̃ɔ́ be a tɩ zie ka ɩ.»

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»

Sɛb-sõw yielu 94:14

Bʋ̃ʋ n'ʋ vɛ̃, a Sore bɛ bɛrɛ a ʋ nɩ-bʋʋrɛ ɩ, ʋ bɛ zawrɛ a nɩbɛ ʋ na so a bɛrɛ ɩ.

Sɛb-sõw yielu 71:11

Bɛ yere na: «Naaŋmɩn zawr'ʋ na bɛr, nyɩ diw nyɔw ʋ, nɩr bɛ ka be na faa ʋ ɛ.»

Ɩzayi 7:17

A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»

Ɩzayi 11:13

Lɛ n'a a Efarayim kʋ̃ cãà nyuur'ɩ a Zuda ɩ. Bɛ na kʋ n a Zuda dɔ̃ dem pàw pɛr, ɛ́ a Zuda kʋ̃ cãà tɛr'ɩ a Ɩsɩrayɛl dɔ̃ ɩ.

Zeremi 3:7

Ɩ̃ tɩ tɩɛr'ɩ ɩ̃ pʋɔ à ŋá: “À á ŋá za pùorí a, ʋ na lɛb'a wa a ɩ̃ zie.” Ɛcɛ a ʋ yɛb, a Zuda na bɛ tu a Sore a, nyɛ̃ a na.

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Zeremi 33:23

A Sore tɩ lɛb'a ƴɛ̀r a Zeremi zie à ŋá:

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Ezekɩɛl 36:20

A ten al za pʋɔ bɛ na cen a, a nɩbɛ ɩ n a ɩ̃ yo-sõw la a bɛl ƴãw. Bʋ̃ʋ n'ʋ vɛ̃, bɛ tɩ yere na: “A Sore nɩ-bʋʋrɛ tɩ nɛbɛ, a ʋ tẽw n'ʋ bɛ yi kɛ́ bɛr.”

Ezekɩɛl 37:11

A Sore tɩ lɛb'a yel mɛ̃: «Nɩsaal bie e, a kɔbɛ á ŋá a, a Ɩsɩrayɛl yir dem za nɛbɛ. Bɛl mɩŋa mɩ́ yere na: “A tɩ kɔbɛ ko na pɛlɩ, a tɩ tɩɛrʋ wɛ na, tɩ kpi na.”

Sɛb-sõw yielu 83:5

Bɛ yere na: «Nyɩ wa tɩ ɩ bɛ ta cãà ɩ nɩbɛ a nɩ-bʋʋrɛ pʋɔ ɩ, bɛ ta cãà pore a Ɩsɩrayɛl yúor ɛ!»

Zeremi 31:36

A na ɩ lɛ a, à ŋá n'a a Sore yere: «Mãa wa sàw bibir kãw k'aa tẽ-daa nɛ́ɛ á ŋá bɛ cãà pʋɔ a, ɩ̃ mɩ̀ na sàw nɩ a lɛn daar k'aa Ɩsɩrayɛl nɩbɛ bɛ cãà ɩ nɩ-bʋʋrɛ a ɩ̃ niŋé ɩ.»