Zeremi 33:22 - A SƐB-SÕW

²² Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Zeremi 33:22 Referans Kwoze

Yele-za-pɛr-tib 22:17

k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ.

Ebre 11:12

À à ŋá n'a nɩ-been yõ na tɩ kpi ʋ za baar'a, tɩ dɔw nɩbɛ bɛ yãwmɛ mɛ̃ a salom zu ŋmar-bie a, bɛ bɛ tɛr nʋɔr ɛ, mɛ̃ a kʋ̃ɔ-kpɛ̃ɛ nʋɔr biire a.

Yele-za-pɛr-tib 15:5

Ʋ tɩ tɛr'ɩ a Abram yi n yẽw tɩ yel ʋ: «Jɩ́r a salom kaa, ɛ́ sɔ́r a ŋmar-bie bãw a nʋɔr fʋ̃ʋ wa tʋ̃ɔ́ a.» Al pùorí ʋ yel ʋ: «À ŋá n'a a fʋ bʋʋrɛ nãà yãwmɛ sɛw.»

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Ɩzayi 66:21

Ɩ̃ mɔ̃ mɩ̀ na kaa na ír bàwr-maalbɛ nɩ levitɩ mɩnɛ a nɩ-bʋʋrɛ bɛ ŋa pʋɔ. A Sore n'ʋ yel.»

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

Sɛb-sõw yielu 89:29

Ɩ̃ na nɔnɛ ʋ nɩ kʋralɛ, ɩ̃ na tu n a ɩ̃ wõ-taa ɩ̃ na maal'ɩ ʋ a pùor vla.

Sɛb-sõw yielu 22:30

A tẽw nũ-kpɛn dem za na dɩ na ɛ́ gbĩ dume gũu tɩ tɔ tẽw a ʋ niŋé. Bɛlɩ dem za na lɛb lɩɛbɛ uuru a, na gbĩ n dume gũu tɩ tɔ tẽw a ʋ niŋé — a bɛlɩ dem na kpiir a.

Yele-za-pɛr-tib 28:14

A fʋ bʋʋrɛ na yãwmɛ na mɛ̃ a tẽsɔw tanɛ a. A nyɩ tẽsɔw na yɛ̀lɩ na cen a mʋ̃tɔ̃w-kpɛb-lowr nɩ a saa-pɛrɩ́, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr. Fʋ̃ʋ nɩ a fʋ bʋʋrɛ ƴãw n'a ɩ̃ na maalɩ a tẽw zu nɩ-bʋʋrɛ za.

Yele-za-pɛr-tib 13:16

Ɩ̃ na ɩ n a fʋ bʋʋrɛ bɛ yɛ̀r bɛ tɩ tɛr sɔ́rʋ nɩr za zie ɩ, mɛ̃ a lɛ nɩr na kʋ̃ tʋ̃ɔ́ sɔ́r a tẽsɔw tanɛ a.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 33:18

Lɛ mɩ̀ n'a a bàwr-maalbɛ na mɩ́ yi a Levi dɔwlʋ pʋɔ a ƴãw: bɛ na mɩ́ be n be kʋralɛ maalɛ a nyɩw-a-za-bagɛ, ɩrɛ a de-kʋ̀b bome zʋ̀ʋ́r dúor waar a ɩ̃ zie, ɛ́ maalɛ a lãw-taa bagɛ bibie za.»

Zeremi 33:23

A Sore tɩ lɛb'a ƴɛ̀r a Zeremi zie à ŋá:

Ezekɩɛl 37:10

Ɩ̃ tɩ ƴɛ̀r'ɩ a ƴɛ̀rʋ á ŋá a Sore yúor ƴãw, mɛ̃ a lɛ ʋ na tɩ ƴãw a nʋɔr kʋ̀ m a. Lɛ n'a a Vʋʋrʋ tɩ kpɛ a kũuni pʋɔ a lɛb vʋʋrɛ. A tɩ àr'ɩ saaƴẽwn, ɩ zɛbr-nɩbɛ na bɛ dɩ vuo a.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.