Zeremi 32:5 - A SƐB-SÕW

⁵ A Sore yere na: bɛ na tɛr'ɩ a Sedesɩasɩ cen nɩ a Babɩlɔn, ʋ tɩ be a be ɛ́ gù ɩ̃ wa kaa a ʋ zie. A Sore n'ʋ yel. Nyɩmɛ saa na cãà zɛbr'ɩ a Babɩlɔn tẽw dem a, ɛ́ nyɩ kʋ̃ tʋ̃ɔ́ towtow ɛ.»

Zeremi 32:5 Referans Kwoze

Ezekɩɛl 17:15

Ɛcɛ a na-paala ìr'ɩ a Babɩlɔn tẽw nãà zu. Ʋ tõ n nɩbɛ bɛ cen Eziptɩ tẽw kɛ́ bɛ tɩ zɛlɩ wie nɩ sojarɩ yaga. A sob nɛ na ɩ à à ŋá a, ʋ na tʋ̃ɔ́ na a? Ʋ na tʋ̃ɔ́ na cɩ̃ɛ ɛ? Ʋ̃ʋ'hʋ̃, ʋ kʋ̃ tʋ̃ɔ́ cɩ̃ɛ ɩ, ʋ na sãw a wõ-taa bɛr a zũú!

Zeremi 39:7

Al pùorí, ʋ ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn tẽw.

Zeremi 27:22

“Bɛ na wob'ɩ a bome á ŋá za cen nɩ a Babɩlɔn. A na be n a be ɛ́ gù a ʋlɩ bibir ɩ̃ nãà wa kaa a zie, ƴãw bɛ lɛb wa n a a ka a.”» A Sore n'ʋ yel.

Ezekɩɛl 12:13

A mãa Sore, ɩ̃ na ƴãw ʋ nɩ bɛra, nyɔw ʋ. Ɩ̃ na tɛr ʋ na cen nɩ a Babɩlɔn tẽw, ɛcɛ ʋ kʋ̃ nyɛ̃ a tẽ-kpɛ̃ɛ ŋa ɩ. A be n'a ʋ na tɩ kpi.

Zeremi 37:10

Alɛ saa na ɩ mɛ̃ nyɩ zɛb'a tʋ̃ɔ́ a Babɩlɔn tẽw zɛbr-nɩbɛ za na zɛbr'ɩ nyɩ a, ɛ́ tɩ cɛ nɩbɛ blã nyɩ na baw nɩ a nyɩ pime a, bɛ na ìr'a àr a bɛ pɛnɛ-sɛwr pʋɔ, ɛ́ bɛ na wa n bɛ za wa nyɩw a tẽ-kpɛ̃ɛ ŋa bɛr.”»

Zeremi 2:37

Fʋ mɩ̀ na yi n a tẽw ŋa pʋɔ tuo nuru zũú, bʋ̃ʋ n'ʋ vɛ̃, a mãa Sore a, ɩ̃ bɛ nɔnɛ a tɩɛfʋ ŋa bʋʋrɛ fʋ na bɔbr a ɩ. À ŋá bɛ n'a a yele na ɩ vla a fʋ zie ɩ.»

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

2 Bibie za yel-manɩ 24:20

Lɛ n'a a Naaŋmɩn Vʋʋrʋ tɩ siw a Yehoyada bidɛb, Zekarɩa, na tɩ ɩ bàwr-maalɛ a zu. A Zekarɩa tɩ ìr'a àr a nɩbɛ niŋé, ɛ́ yel bɛ à ŋá: «Nyɩ bɛrɛ wone lɛ a Naaŋmɩn na yere a: “Bʋ̃ʋ n'ʋ so nyɩ zawrɛ a ɩ̃ nɛ-ƴãwnɩ? Nyɩmɛ nɛbɛ lore! Nyɩ na faa zawrɩ mɛ̃ bɛr a, ɩ̃ mɩ̀ na zawrɩ nyɩ na bɛr!”»

2 Bibie za yel-manɩ 13:12

Ƴɛrɛŋa a, a Naaŋmɩn mɩŋa n'ʋ de tɩ niwn. A ʋ bàwr-maalbɛ be n ka cɔbrɩ gù a wɩ́ɛ pɛblʋ kɛ́ bɛ lɔb a zɛbr cɛl a nyɩ ƴãw. A na ɩ à ŋá a, Ɩsɩrayɛl nɩbɛ ɛ, nyɩ ta ŋmãa nɩ a Sore, a nyɩ sãà mɩnɛ Naaŋmɩn, a zɛbr ɛ, nyɩ kʋ̃ zɛb tʋ̃ɔ́ ɩ.»

Sɔr-nɛ́ɛ 14:41

A Moyiir tɩ sowri bɛ na: «Bʋ̃ʋ n'ʋ nyɩ ɩrɛ? Nyɩ gãwnɛ nɩ a Sore nʋɔr, nyɩ kʋ̃ tʋ̃ɔ́ ɩ!

Zeremi 32:6

A Zeremi manʋ ʋ na manɩ a n'ɩ ŋa: «A Sore ƴɛ̀r'ɩ a ʋ ƴɛ̀rʋ kʋ̀ m yel:

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 39:5

Ɛcɛ a Babɩlɔn tẽw zɛbr-nɩbɛ tɩ ta na tu bɛ. Bɛ tɩ páw nɩ a Sedesɩasɩ a Zeriko tɩ̃talɩ́. A sojarɩ tɩ nyɔw ʋ na, ɛ́ tɛr ʋ cen nɩ Irivɩla na be a Hamatɩ tẽw pʋɔ a, tɩ kʋ̀ a Babɩlɔn tẽw nãà Nabikodonozɔɔr, ʋ dɩ n ʋ ƴɛ̀rʋ.

A Lãw-mʋɔlɛ 1:14

Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

Ezekɩɛl 12:12

A sob nɛ na dɩrɛ naalʋ a nyɩ zu a na tuo nɩ a ʋ tuor a ʋ bawŋman zu tɩ̃ɩsɔw. Ʋ na yi na ɛ́ bɛr a tẽ-kpɛ̃ɛ. Bɛ na puo nɩ vʋɔr a dacin pʋɔ, ʋʋ na yi n a be. Ʋ na pàw nɩ a ʋ niwn ɛ́ kʋ̃ nyɛ̃ a be ʋ na cere a ɩ.

Zeremi 39:4

A Zuda tẽw nãà, Sedesɩasɩ, nɩ a ʋ zɛbr-nɩbɛ na dɛ wa nyɛ̃ bɛ a, bɛ zɔ na. A zie na wa sɔb a, bɛ tu n a nãà zaadɛ̃ pʋɔ nɩ a dɩ̃dɔr na be a dacĩ-bɛrɛ ayi cara pʋɔ a, yi a tẽw pʋɔ. Al pùorí bɛ de a sɔ́r na cere a Zurdɛ̃ fʋɔlá a.