Zeremi 32:35 - A SƐB-SÕW

³⁵ Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 32:35 Referans Kwoze

Zeremi 7:31

A Bɛn-Hinom fʋɔla pʋɔ a, bɛ maal'ɩ zi-tuo a Tafɛtɩ, kɛ́ bɛ mɩ́ nyɩw a bɛ bidɛbr nɩ a bɛ pɔwyaar maal'ɩ bagɛ. Ɛcɛ, ɩ̃ bɛ tɩ yel à ŋá towtow ɛ, ɩ̃ bɛ dãw tɛr a tɩɛrʋ ɛ.»

Levitɩ mɩnɛ 18:21

«Fʋ kʋ̃ de a fʋ bie kãw tɩr bɛ nyɩw a ŋmɩn Molɛkɩ ƴãwfʋ ƴãw ɛ, a ɩ̃ yúor'ʋ fʋ na sãw a lɛ. Mãa n'ɩ a Sore, a nyɩ Naaŋmɩn.»

2 Bibie za yel-manɩ 33:6

Ʋ tɩ nyɩw nɩ a ʋ bidɛbr maal'ɩ bàwr a Bɛn-Hinom fʋɔla pʋɔ, ʋ tɩ tu n tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr'a ɩrɛ a lɛ na bɛ vɩɛl a Sore zie a, a Sore suur tɩ ìr.

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

1 Na-mɩnɛ 16:19

À á ŋá za tɩ ɩ na, a Zimiri na tɩ ɩ a lɛ na bɛ vɩɛl a Sore zie, maalɩ yel-bier a ƴãw, nɩ ʋ na tɩ cɔwrɩ a Zerobowam ɩb na bɛ vɩɛl a, a Zerobowam na tɩ ƴãw a Ɩsɩrayɛl nɩbɛ maalɩ yel-bier a.

Ezekɩɛl 23:37

Pɔw-pɩ̃ɔ-yel-maalbɛ nɩ pɔw-nɩ-kʋrbɛ nɛbɛ. Bɛ maal'ɩ pɩ̃ɔ-yele, bɛ na puori a bɛ ŋmɩn-bɛlɛbɛlɛ a. Bɛ kʋ na, bɛ na maal'ɩ a bibiir bɛ na tɩ dɔw kʋ̀ m a bàwr a.

Ɩzayi 57:5

Nyɩ mɩ́ ɩ na a ƴãw cɩrɛ nyɩ a nyɩ maalʋ-ziir tɩɩr pɛr, tɩ-zimpiri za pile. Nyɩ mɩ́ maal'ɩ nɩ bibiir bàwr a fʋɔlɩ pʋɔ, a pìe bɔwrɩ pʋɔ.

2 Bibie za yel-manɩ 33:9

Ɛcɛ a Manase tɩ bɛlɩ nɩ a Zerizalɛm nɩ a Zuda nɩbɛ ƴãw bɛ ɩrɛ ɩ-faar zuo a nɩbɛ bɛl na tɩ dãw kpɩɛr a tẽw a, a bɛl a Sore na tɩ kʋ pàw pɛr ɛ́ kʋ̀ a zie a ʋ nɩ-bʋʋrɛ a.

2 Na-mɩnɛ 23:15

A Zozɩasɩ mɩ̀ tɩ ƴãw na bɛ ŋmɛr a Betɛl bàwr-maal-kuur nɩ a maalʋ-zie bɛr, a al a Nevatɩ bidɛb, Zerobowam, na tɩ mɛ, ƴãw a Ɩsɩrayɛl nɩbɛ maalɩ a yel-bier a. Ʋ tɩ nyɩw nɩ a maalʋ-zie bɛr, ŋmɛr a bàwr-maal-kuur bɛr, lɔb a dà-bara ƴãw vũumí, ɛ́ ɩ a za lɩɛbɩ tãpɛlʋ.

2 Na-mɩnɛ 21:11

«A Zuda tẽw nãà, Manase, na ɩ a ɩ-faar á ŋá za na bɛ maal'ɩ wob a, ʋ na ɩ a ɩb a kpɛ faa zuo a lɛ a Amoritɩ mɩnɛ na tɩ dãw ɩ a, ʋ na tɛr a ʋ tɩbɛ ƴãw a Zuda nɩbɛ maalɩ a yel-bier a,

1 Na-mɩnɛ 21:22

Ɩ̃ na ɩ n a fʋ yir, mɛ̃ a lɛ ɩ̃ na ɩ a Nevatɩ bidɛb Zerobowam yir a, nɩ a lɛ ɩ̃ na ɩ a Ahiya bidɛb Baesa yir a. Bʋ̃ʋ n'ʋ vɛ̃, fʋ sãw nɩ a ɩ̃ suur, ɛ́ ƴãw a Ɩsɩrayɛl nɩbɛ maalɩ yel-bier.”

1 Na-mɩnɛ 15:30

À á ŋá za tɩ ɩ na, a Zerobowam na tɩ maalɩ a yel-bier ƴãw a Ɩsɩrayɛl nɩbɛ mɩ̀ maalɩ a ƴãw, a tɩ ɩ na a Sore, a Ɩsɩrayɛl Naaŋmɩn, suur ìr yaga za.

1 Na-mɩnɛ 15:26

Ʋ tɩ ɩ n a lɛ na bɛ vɩɛl a, a Sore zie. Ʋ tɩ cɔwr'ɩ a ʋ sãà ɩb na bɛ vɩɛl a, a ʋ sãà na tɩ ƴãw a Ɩsɩrayɛl nɩbɛ maalɩ a yel-bier a, ɛ́ mɩ̀ maalɩ a alɩ yel-bebe nɛ tɛɛ za ʋ na maalɩ a.

1 Na-mɩnɛ 14:16

A Sore na jɛ bɛ na bɛr, a Zerobowam na maalɩ a yel-bier, ɛ́ ƴãw a Ɩsɩrayɛl nɩbɛ mɩ̀ maalɩ a ƴãw.»

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

Wulu-ayi-sob 24:4

a lɛn daar a, a ʋ sɩr-dãw-niwn sob, na tɩ zawr'ʋ bɛr a bɛ tɛr sɔ́r na lɛb de ʋ k'ʋ ɩ a ʋ pɔw ɛ. Bʋ̃ʋ n'ʋ vɛ̃, a pɔw lɩɛb'ɩ dɛwr sob a ʋ zie. A na ɩ n ɩb na bɛ maal'ɩ wob a, a Sore zie. Nyɩ kʋ̃ ɩ a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a, ʋ tɛr yel-bier nɩ a ɩ-ɩrɩ á ŋá taabɛ ɩ.

Wulu-ayi-sob 18:10

Bɛ ta nyɛ̃ nɩr a nyɩ pʋɔ, ʋ nyɩw a ʋ bidɛb bɩɩ a ʋ pɔwyaa maal'ɩ bàwr ɛ, nɩr ʋ tone a tɩtɩwlʋ tome ɩ, ʋ sowre bàwr-bʋwrɛ ɩ, ʋ mɩ́ kanɩ a salom zu bãw yel ɛ, ʋ bãwnɛ nɩdaar yele ɩ, ʋ ɩrɛ sɔ-ɩb ɛ,

Eziptɩ tẽw yib 32:21

Al pùorí, ʋ sowri a Aarɔ̃: «Bʋ̃ʋ n'ʋ a nɩbɛ bɛ ŋa ɩ b fʋ taw bɛ ƴãw a sãwna-kpɛ̃ɛ ŋa pʋɔ?»

Nɩ-toni 7:43

Nyɩ tuo nɩ ŋmɩn Molɔkɩ pɛn-sɛw nɩ a nyɩ ŋmar-bi-ŋmɩn Erefan dasule. A tɩbɛ á ŋá n'a nyɩ maalɩ gbine dume puore. Lɛ so, ɩ̃ na ír nyɩ nɩ a nyɩ tẽw pʋɔ cen nɩ tɩ zuo nɩ Babɩlɔn bɛr.”

Wulu-ayi-sob 12:31

Nyɩmɛ wa puore a Sore nyɩ Naaŋmɩn a, nyɩ taa cɔwrɛ bɛ ɩ. Bʋ̃ʋ n'ʋ vɛ̃, a alɩ bome nɛ na kpɛ faa bɛ maal'ɩ wob a Sore zie a, bɛ maalɛ a nɩ a bɛ ŋmɩmɛ ƴãw, mɩ́ tɛr tɩ nyɩw a bɛ bidɛbr nɩ a bɛ pɔwyaar maal'ɩ bàwr kʋ̀ a bɛ ŋmɩmɛ.

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

Zeremi 7:30

A Sore yere na: «Sɩza, a Zuda tẽw nɩbɛ ɩ n a ʋlɩ bom nɛ na bɛ vɩɛl a, a ɩ̃ zie. Bɛ bin nɩ a bɛ tɩb-faar faar a yir ŋa ɩ̃ na so a pʋɔ, dɛw ʋ bɛr.

Zeremi 19:2

Tu a Kʋseli dɩ̃dɔr ƴãw yi cen a Hinom fʋɔla pʋɔ. A be a, fʋ na tɩ hier'ɩ a ʋlɩ bom nɛ ɩ̃ na na yel kʋ̀ b a.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

2 Na-mɩnɛ 21:4

Ʋ tɩ mɛ n bàwr-maal-kube a Zerizalɛm Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ ƴɛ̀r à ŋá a: «Ka n'a ɩ̃ na mɩ́ wul k'ɩ̃ɩ be na.»

2 Bibie za yel-manɩ 36:14

Lɛ mɩ̀ n'a a bàwr-maal-nɩ-bɛrɛ za nɩ a nɩbɛ nɩ-bɛrɛ za mɩ̀ tɩ zawrɩ a Naaŋmɩn bɛr, ɛ́ tu a nɩ-bʋʋr-yoru ɩ-faar na bɛ maal'ɩ wob a, dɛw nɩ a Sore yir-kpɛ̃ɛ ʋ na tɩ ɩ ʋ ɩ sõw a Zerizalɛm a.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.