Zeremi 32:32 - A SƐB-SÕW

³² A Ɩsɩrayɛl nɩbɛ nɩ a Zuda tẽw dem maal'ɩ faa yaga, ƴãw a ɩ̃ suur ìr. Bɛ maal'ɩ faa, a bɛl, a bɛ na-mɩnɛ, a bɛ nɩ-bɛrɛ, a bɛ bàwr-maalbɛ, a bɛ naaŋmɩn-ƴɛ̀r-manbɛ, a Zerizalɛm nɩbɛ nɩ a Zuda tẽw nɩbɛ na cɛ a.

Zeremi 32:32 Referans Kwoze

Zeremi 2:26

Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Ezekɩɛl 22:6

A fʋ pʋɔ a, Zerizalɛm i, a Ɩsɩrayɛl nɩ-bɛrɛ pʋɔ a, ŋa za mɩ́ de nɩ a ʋ fãw kʋrɛ nɩ a ʋ taabɛ.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 44:21

«A bagɛ a nyɩɩm, a nyɩ sãà mɩnɛ, a nyɩ na-mɩnɛ, a nyɩ tõ-tõ-bi-bɛrɛ nɩ a tẽw nɩbɛ za na tɩ maalɛ a Zuda tẽw pʋɔ nɩ a Zerizalɛm tẽw sɛ́ɛ pʋɔ a, a Sore cãà na bãwnɩ a, ʋ bɛ yiiri a yele ɩ.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Zeremi 7:17

Fʋ bɛ nyɛ̃ a lɛ za bɛ na ɩrɛ a Zuda tẽ-bɛrɛ pʋɔ nɩ a Zerizalɛm tẽw sɛ́ɛ pʋɔ a ɩ?