Zeremi 32:10 - A SƐB-SÕW

¹⁰ Ɩ̃ tɩ maal'ɩ a púo dab sɛbr a ɩ ayi. Ɩ̃ tɩ pàw nɩ a kãw dãsɩɛ dem niŋé, ɛ́ ƴãw a ɩ̃ ŋmaarʋ-bʋ̃-ƴãwna bãwfʋ, ɛ́ ker a libie bʋ̃-kera zu.

Zeremi 32:10 Referans Kwoze

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Zeremi 32:12

kʋ̀ a za ayi Barukɩ na ɩ Neriya bidɛb nɩ Maaseya yãw a. A ɩ̃ yɛb Hanameyɛl nɩ a dãsɩɛ dem bɛl na tɩ ƴãw a bɛ ŋmaarʋ-bʋ̃-ƴãwna bãwfʋ a púo dab sɛbɛ zu a, tɩ be n be, lãwnɩ a Zuda tẽw nɩbɛ bɛl za na tɩ be a soja-zi-gùre davʋra pʋɔ a.

Zeremi 32:25

Sɩza, a Zerizalɛm n'ɩ ŋan na lo a Babɩlɔn tẽw dem nuru pʋɔ a. Ɛcɛ, Sore Naaŋmɩn i, bʋ̃ʋ n'ʋ so fʋ yel mɛ̃ k'ɩ̃ɩ dà a púo ŋa ɛ́ ya a libie dãsɩɛ dem niŋé?»

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

A Zɔb sɛbɛ 14:17

Fʋ nãá ŋmãa nɩ váar pàw a ɩ̃ ɩ-faar, fʋ nãá de nɩ a ɩ̃ sãwna bɛr a baarɩ.

Wulu-ayi-sob 32:34

Nyɛ̃ a ʋlɩ bom nɛ a mãa Sore na sɔwlɩ cɔbrɩ a, a ʋlɩ bom nɛ ɩ̃ na bin gùre nɩ bɛ a.

Yel-wula 9:4

Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a.

Yel-wula 7:2

Ɩ̃ɩ tɩ nyɛ̃ nɩ malkɩ yũo, ʋ yi a mʋ̃tɔ̃w puru zie dúor waar, ɛ́ tɛr a Naaŋmɩn na vʋʋrɛ a bãwfʋ bʋ̃-ƴãwna. Ʋ tɩ cɩɩr'ɩ kpɛ̃w za yel a malkɩ anaar bɛl bɛ na tɩ kʋ̀ fãw a tẽw nɩ a kʋ̃ɔ-kpɛ̃ɛ sãwfʋ ƴãw a:

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

2 Korɛ̃tɩ 1:22

ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Ɩzayi 30:8

A Sore tɩ yel'ɩ a Ɩzayi: «Ƴɛrɛŋa a, sɛb a yele á ŋá ƴãw dà-pawle zu a Zerizalɛm tẽw dem niŋé. Mɩ̀ sɛb a ƴãw sɛbɛ pʋɔ. A na ɩ n dãsɩɛ bom a nɩdaar ƴãw.»

A Yielu za pʋɔ yiel-vla vla 8:6

Dɔwlɩ mɛ̃ a fʋ socir zu mɛ̃ ŋmaarʋ-bʋ̃-ƴãwna a, mɛ̃ ŋmaarʋ-bʋ̃-ƴãwna a fʋ kpãkpãw zu a. Bʋ̃ʋ n'ʋ vɛ̃, a nɔ̃wfʋ kpɛmɛ na mɛ̃ a kũu a, a nɔ̃wfʋ-nyuur bɛ tɛr tʋ̃ɔ́fʋ mɛ̃ a kpɩmɛ tẽw a ɩ, ʋ ɩ n vũu-zɛl na dɩrɛ a, ʋ mɩ́ siw na mɛ̃ a saa a.

Zozue 18:9

A nɩbɛ bɛl tɩ cen na tɩ cɔlɩ a tẽw za. Bɛ tɩ manɩ nɩ a lɛ a ziir ayopõi bɛ na põ a tẽw a na ɩ a ƴãw sɛbɛ zu, lãwnɩ a tẽ-bɛrɛ. Al pùorí bɛ lɛb cen a Zozue zie a laɩ pʋɔ a Silo.

Matie 27:66

Bɛ tɩ cen na tɩ cɔbrɩ a yaa gub, kpàr a yaa nʋɔr kʋsɩɛr ɛ́ ƴãw nɩbɛ gù.

Yele-za-pɛr-tib 23:16

A Abraham nɩ a Efron tɩ wõ n taa. Ʋ tɩ sɔr'ɩ a libie nʋɔr a Efron na yel a ʋ tẽ-bi-taabɛ wõ a kʋ̀ ʋ: a tɩ ɩ n salm-pla libie kɔbr anaar (400) mɛ̃ a lɛ a na tɛwr a dàa pʋɔ a.

Yele-za-pɛr-tib 23:20

À à ŋá n'a a Abraham tɩ páw a púo nɩ a tãw bɔw a Hititɩ mɩnɛ zie, k'ʋʋ tʋ̃ɔ́ mɩ́ ũù a ʋ kũuni.

Urutɩ 4:1

A Bowaazʋ tɩ do na tɩ zɩ̃ a ƴɛ̀rʋ-dɩb zie a tẽw dɩ̃dɔr nʋɔr, ɛ́ wa nyɛ̃ a sob nɛ na tɛr sɔ́r a bɩ́ɛrʋ ƴãw a, a ʋl ƴɛ̀rʋ ʋ na tɩ ƴɛ̀r a, ʋ tɔlɛ. A Bowaazʋ tɩ yel ʋ na: «Bón i! Alɛ ka! Wa zɩ̃ ka!» Ʋ tɩ tɛw na àr ɛ́ taw ta zɩ̃.