Zeremi 31:21 - A SƐB-SÕW

²¹ Ƴãw kʋsɛbɛ tu n a fʋ sɔ́r, ƴãw ƴãw bãwfʋ. Cɛlɛ a sɔ́r fʋ na de a zie, a sɔ́r fʋ na tu a, ɛ́ lɛb wa, ɩ̃ nɩ-nɔna za Ɩsɩrayɛl i, lɛb wa a tẽ-bɛrɛ fʋ na so a pʋɔ.

Zeremi 31:21 Referans Kwoze

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Ɩzayi 62:10

Zerizalɛm tẽw dem i, nyɩ yi, nyɩ yi a tẽ-kpɛ̃ɛ pʋɔ fɔ̃w! Nyɩ puo a sɔ́r kʋ̀ a ɩ̃ nɩ-bʋʋrɛ. Nyɩ paalɩ a bɔwrɩ, nyɩ ír a kʋsɛbɛ bɛr, nyɩ bà bãwfʋ ʋ zɛw a nɩ-bʋʋrɛ ƴãw.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

A naaŋmɩn-ƴɛ̀r-manɛ Aaze sɛbɛ 1:5

Ƴɛrɛŋa a, a mãa Sore, a Kpɛnʋ-za-sob, ɩ̃ yere na kɛ́ nyɩ tɩɛrɩ nyɛ̃ a lɛ a na ŋmɛ̃ nyɩ a.

Ezekɩɛl 40:4

Ʋ tɩ yel mɛ̃ na: «A fʋ̃ʋ nɩsaal bie, yuo a fʋ mimie nɩ a fʋ tobe vla. Tɛr maal-ɩb yaga a al za ɩ̃ na na ɩ fʋ nyɛ̃ a ƴãw. Bʋ̃ʋ n'ʋ vɛ̃, a al nyɛ́b ƴãw n'a bɛ tɛr fʋ wa n a ka. Al pùorí, fʋ na tɩ man nɩ a al za fʋ na nyɛ̃ a kʋ̀ a Ɩsɩrayɛl nɩbɛ.»

Zeremi 51:50

Nyɩɩm ʋ na bɛ páw kʋ a, nyɩ ìr lo a sɔ́r! Nyɩ ta be a ka ɩ. Nyɩ be a zi-zãána be, ɛ́ tɩɛrɛ a Sore, nyɩ tɛr a Zerizalɛm tɩɛrʋ.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Ɩzayi 57:14

A Sore yel a: «Nyɩ maalɩ a sɔ́r, nyɩ ɩ fɔ̃w, nyɩ puo a sɔ́r, nyɩ ír a bome na piw a ɩ̃ nɩ-bʋʋrɛ sɔ́r a bɛr.»

Sɛb-sõw yielu 84:5

Zu-nʋ̃ɔ̀ dem'ɩ a bɛlɩ dem na kpɩɛr a fʋ yir a, bɛ na tʋ̃ɔ́ na danɛ fʋ kʋralɛ! Tɛw-àrʋ

Zakari 10:9

Ɩ̃ ɩ na bɛ yaarɩ be a nɩ-bʋʋr-yoru pʋɔ, mɛ̃ bʋ̃-bʋʋrɛ bɛ na yaarɩ a, ɛcɛ bɛ na tɛr'ɩ a ɩ̃ tɩɛrʋ, a tẽ-zãánɩ pʋɔ. Bɛ na kpɩɛr'ɩ a be nɩ a bɛ bibiir, al pùorí bɛ na lɛb'a wa.

Zeremi 51:6

Nyɩ yi záa a Babɩlɔn tẽw pʋɔ, ŋa mɩ́ zɔ faa ʋ tʋɔra! Alɛ bɛ ɩ lɛ, nyɩ na kpi n a lɛn daar ʋlɛ wa yarɛ a ʋ ɩ-faar san a. Bʋ̃ʋ n'ʋ vɛ̃, a Sore san-yaafʋ daar'ʋ ta. Ʋ na ya ʋ na mɛ̃ a lɛ a na sɛw taa nɩ ʋ a.

Zʋkpaɩ 24:32

Ɩ̃ tɩ tɩɛr'ɩ a yel ŋa ɩ̃ na nyɛ̃ a, ɛ́ wulu ŋa n'ʋ ɩ̃ tɩ nyɛ̃ a pʋɔ:

Sɛb-sõw yielu 62:10

A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

2 Bibie za yel-manɩ 20:3

Dɛ̃bɩ̃ɛ tɩ nyɔw nɩ a Zozafatɩ ʋ yel k'ʋʋ na sowr'ɩ a Sore kaa, ɛ́ ƴãw k'aa Zuda naalʋ-tẽw nɩbɛ za tɛr mʋta-tuo.

2 Bibie za yel-manɩ 11:16

A saa-pɛrɩ́-gʋba-lowr dɔwlʋ za pʋɔ nɩbɛ na tɩ bɔbr kɛ́ bɛ puore a Sore, a Ɩsɩrayɛl Naaŋmɩn, nɩ bɛ pʋɔ za a, bɛ tɩ páw nɩ a levitɩ mɩnɛ cen a Zerizalɛm kɛ́ bɛ tɩ maalɩ bagɛ kʋ̀ a Sore, a bɛ sãà mɩnɛ Naaŋmɩn.

1 Bibie za yel-manɩ 29:3

Lɛb waar, ɩ̃ na nɔnɛ a ɩ̃ Naaŋmɩn yir a zũú, a salm-zɩɛ nɩ a salm-pla ɩ̃ na tɛr a ɩ a ɩ̃ sób a, ɩ̃ dier a na tɩrɛ a ɩ̃ Naaŋmɩn yir ƴãw, ƴãw pʋɔ a al za ɩ̃ na cɔbrɩ a ƴãw.

Wulu-ayi-sob 32:46

ʋ yel bɛ na: «A ƴɛ̀rʋ ɩ̃ na ƴɛ̀r kʋ̀ nyɩ a dɩ̃a a, nyɩ de a a ɩ ƴɛ̀r-sɩza. A nãà wa dɩ n a dãsɩɛ nyɔw nyɩ. Nyɩ wul a a nyɩ bʋʋrɛ, ɛ́ yel kʋ̀ bɛ kɛ́ bɛ sàwr a wulu ŋa ƴɛ̀rʋ za.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zeremi 46:11

Eziptɩ tẽw na ɩrɛ nɩbaalʋ a, do Galaadɩ tẽw tɩ bɔ tɩ̃ɩ-kãá a fʋ natɩɛ sanʋ ƴãw. Ɛcɛ a tɩ̃ɩnɩ yaga deb bɛ tɛr pɛr ɛ, a fʋ natɩr kʋ̃ sanɩ ɛ.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.