Zeremi 30:3 - A SƐB-SÕW

³ Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 30:3 Referans Kwoze

Zeremi 16:15

Ɛcɛ bɛ na nɩ̃ɛ na mɩ́ yel: “Ɩ̃ pɔ n nɩ a Sore na vʋʋrɛ a, na ɩ a Ɩsɩrayɛl nɩbɛ yi a tẽw saa-pɛrɩ́-gʋba-lowr nɩ a ten al za pʋɔ ʋ na diw bɛ yaarɩ a!” Sɩza n'a, ɩ̃ na lɛb'a tɛr bɛ wa n a tẽsɔw ʋl ɩ̃ na tɩ kʋ̀ a bɛ sãàkʋm-kore a pʋɔ.»

Ezekɩɛl 20:42

Ɩ̃ na lɛb'a tɛr nyɩ cen nɩ a Ɩsɩrayɛl tẽw pʋɔ, a tẽw ʋl ɩ̃ na pɔ k'ɩ̃ɩ na kʋ̀ n a nyɩ sãàkʋm-kore a. A lɛn daar a, nyɩ na bãw na kɛ́ mãa n'ɩ a Sore.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Sofoni 3:20

A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Ebre 8:8

Ɛcɛ a ʋ nɩbɛ sãwna n'a a Naaŋmɩn tɩ yere à à ŋá: «Bibie waar'a, a Sore n'ʋ yere, ɩ̃ na maal'ɩ a Ɩsɩrayɛl nɩbɛ nɩ a Zuda nɩbɛ Wõ-ta-paala.

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Sɛb-sõw yielu 53:6

Bɛlɛ n'ɩ bɛ ŋan dɛ̃bɩ̃ɛ nyɔw, bɛ màwr, ɛ́ dɛ̃bɩ̃ɛ yel bɛ ka be ɩ. Bʋ̃ʋ n'ʋ vɛ̃, a bɛlɩ dem na wa ŋmãa jil fʋ a zɛbr ƴãw a, Naaŋmɩn yaar'ɩ a bɛ kɔbɛ pàw a ziir. Fʋ ƴãw bɛ nɩ vĩ, Naaŋmɩn na zawrɩ bɛ bɛr a ƴãw.

Luka 21:6

«À á ŋá nyɩ na jɩ́rɛ a, bibir na vɩɛ na kʋsɛ-ŋmale kʋ̃ cãà dɔwlɩ kʋsɩɛr zu ɛ, bɛ na ŋmɛr'ɩ a za bɛr.»

Luka 19:43

Sɩza, bibie na vɩɛ nɩ a fʋ zu, a fʋ dɔ̃ dem na mɛ dacin viiri koli fʋ, bɛ na ŋmãa na jil fʋ ɛ́ gbʋnɛ fʋ a lõbowe za.

Luka 17:22

Lɛ n'a ʋ tɩ yel a ʋ po-tuurbɛ: «Bibie waar'a na vɩɛ, ɛ̀ nyɩ na bɔbr kɛ́ nyɩ nyɛ̃ a Nɩsaal Bie daar mʋ̃tɔ̃-been yõ, ɛ́ kʋ̃ nyɛ̃ ʋ ɛ.

Ezekɩɛl 47:14

Nyɩ na põ nɩ a tẽw a zɛ̃ taa. Bʋ̃ʋ n'ʋ vɛ̃, ɩ̃ pɔ na yel k'ɩ̃ɩ na kʋ̀ n a Ɩsɩrayɛl tẽw a nyɩ sãàkʋm-kore, ɛ́ nyɩɩm so ʋ na dɩ a gbãw.

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 31:38

A Sore yere na: «Bɛ kʋ̃ yaa kɛ́ lɛb mɛ a Zerizalɛm tẽ-kpɛ̃ɛ a ɩ̃ ƴãw ɛ. Bɛ na yi n ʋ nɩ a Hananeyɛl yir-cõcowla ƴãw tɩ sãá nɩ a Gõgon dɩ̃dɔr ƴãw.

Zeremi 31:31

A Sore yere na: Ɩ̃ kʋ̃ yaa kɛ́ maal'ɩ a Ɩsɩrayɛl nɩbɛ nɩ a Zuda nɩbɛ wõ-ta-paala ɩ.

Zeremi 31:27

A Sore yere na: Ɩ̃ kʋ̃ yaa kɛ́ ɩ nɩsaalbɛ nɩ dʋn yɛ̀r pàw a Ɩsɩrayɛl nɩ a Zuda naalʋ-ten, mɛ̃ a lɛ bɛ na mɩ́ yaarɩ bʋ̃-bʋʋrɛ púo pʋɔ a ɩ.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 27:22

“Bɛ na wob'ɩ a bome á ŋá za cen nɩ a Babɩlɔn. A na be n a be ɛ́ gù a ʋlɩ bibir ɩ̃ nãà wa kaa a zie, ƴãw bɛ lɛb wa n a a ka a.”» A Sore n'ʋ yel.

Zeremi 27:11

Ɛcɛ, nɩ-bʋʋrɛ kãw wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa, ɛ́ tone a ʋ tome a, ʋ na bɛr ʋ na ʋ vʋʋrɛ zoom a ʋ tẽsɔw zu. Ʋ na kʋɔr ʋ na ɛ́ kpɩɛr a ʋ pʋɔ. À ŋá n'a a Sore yere.»

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Ɛsɩdɩrasɩ 3:12

Bàwr-maalbɛ, levitɩ mɩnɛ nɩ yie nɩ-bɛrɛ yaga na tɩ kor kor ɛ́ nyɛ̃ a Ŋmɩn-yir-kpɛ̃ɛ dãw-niwn sob a, tɩ vaa nɩ kɔkɔr kone nɩ ɛ́ bɛ sʋ̃ɔ́nɛ a Ŋmɩn-yir-kpɛ̃ɛ-paala pɛr a bɛ mimié. Ɛcɛ nɩ-yaga mɩ̀ tɩ ŋmɩɛr'ɩ kuryii a nʋ̃ɔ̀ na tɩ ɩrɛ bɛ a ƴãw.

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Ɛsɩdɩrasɩ 3:1

A yũon pʋɔ cuwr ayopõi sob na wa ta a, a Ɩsɩrayɛl nɩbɛ za na tɩ zɩ̃ a bɛ tẽ-bɛrɛ pʋʋr baar'a tɩ wõ n taa wa ɓã taa a Zerizalɛm.

Wulu-ayi-sob 30:3

A Sore nyɩ Naaŋmɩn na lɩɛb'ɩ a nyɩ nyɔ-vʋʋrʋ, ʋ na wul nyɩ nɩ a ʋ nɔ̃wfʋ, ɛ́ ɩ nyɩ yi a nɩ-bʋʋrɛ bɛl za pʋɔ ʋ na diw nyɩ yaarɩ cen nɩ a lɛb wa ɓã taa.

Zeremi 31:23

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Mãa wa lɛb maalɩ a Zuda tẽw nɩ a ʋ tẽ-bɛrɛ ƴãw a lɛn daar a, a nɩbɛ na lɛb'a yere a ƴɛ̀r-bie á ŋá: “A Sore, ʋ maalɩ fʋ, Sɩyɔ̃ tãli-sõw i, fʋ na ɩ zie a faafʋ na kpɩɛr a!”

Wulu-ayi-sob 30:5

Ʋ na tɛr nyɩ na lɛb wa n a tẽw a nyɩ sãàkʋm-kore na tɩ dãw so a, ɛ́ nyɩ na lɛb'a so ʋ. A Sore nyɩ Naaŋmɩn na ɩ na nyɩ wone nʋ̃ɔ̀ ɛ́ yãwmɛ zuo a nyɩ sãàkʋm-kore.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Zeremi 30:4

A na ɩ lɛ a, nyɛ̃ a ƴɛ̀rʋ a Sore na ƴɛ̀r kʋ̀ a Zeremi a Ɩsɩrayɛl nɩbɛ ƴãw nɩ a Zuda nɩbɛ ƴãw mɩ̀ a: «À ŋá n'a a Sore yere: Tɩ wone nɩ pʋl-vʋ̃ɔ cɛlsɩ, zɔ-ŋmɛ-taa n'a, ƴã-ɓaarʋ bɛ n'a ɩ.

Zeremi 31:16

Ɛcɛ à ŋá n'a a Sore yere kʋ̀rɛ ʋ: «Ta cãà kone siwre nɩ ɛ, fɩɛlɩ a fʋ mʋta-kʋ̃ɔ bɛr! A mãa, a Sore, ɩ̃ yere nɩ à ŋá: Ɩ̃ na ya b'ɩ a hanʋ fʋ na hanɩ a. A fʋ bibiir na yi n a bɛ dɔ̃ dem tẽw lɛb wa.»

Sɛb-sõw yielu 126:4

Sore e, ɩ a tɩ nɩbɛ na ɩ a gbãgbaar a, bɛ lɛb wa, mɛ̃ a Negɛɛvʋ tẽ-kõw fʋɔlɩ kʋ̃ɔ a.

Ezekɩɛl 34:13

Ɩ̃ na ɩ na a yi a tẽ-yoru pʋɔ, ɩ̃ na ɓã a nɩ taa ɛ́ lɛb tɛr a wa n a al mɩŋa tẽw pʋɔ. Ɩ̃ na tɛr a na cen nɩ a Ɩsɩrayɛl tẽw tan zu, a fʋɔlɩ pʋɔ, a tẽw zi-vɩɛlɩ vɩɛlɩ pʋɔ.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.