Zeremi 30:21 - A SƐB-SÕW

²¹ A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

Zeremi 30:21 Referans Kwoze

Sɔr-nɛ́ɛ 16:5

Al pùorí ʋ yel a Koore nɩ a ʋ nɩbɛ: «Bio biɓaara a, a Sore na ɩ na bɛ bãw sob nɛ ʋ na so a, sob nɛ na ɩ sõw ɛ́ na tʋ̃ɔ́ taw pɩɛl ʋ a. A sob nɛ ʋ na kaa ír a n'ʋ, ʋ na bɛr ʋ taw pɩɛl ʋ.

Ezekɩɛl 37:24

A ɩ̃ tõ-tõ-bie Daviir'ʋ na ɩ a nyɩ nãà. Ʋ na ɩ n a pi-cɩ̃ɩn-been a nyɩ za ƴãw. Nyɩ na sàwr'ɩ a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

Zeremi 30:9

Ɛcɛ bɛ na tone nɩ a ɩ̃ tome, a mãa bɛ Naaŋmɩn. Bɛ na tone nɩ a Daviir yir nɩr ʋl, a bɛ nãà, ɩ̃ na na ɩ ʋ lɛb be be a, tome.»

2 Samɩɛl 7:13

Ʋlɛ n'ʋ na ŋmãa yir kʋ̀ m, ɩ̃ɩ na zɩɩl'ɩ a ʋ naalʋ ʋ be kʋralɛ.

Wulu-ayi-sob 33:5

A lɛ a nɩbɛ nɩ-bɛrɛ na tɩ ɓã taa lãwnɩ a Ɩsɩrayɛl dɔwlʋ a, Yesurun tɩ páw nɩ nãà.»

Wulu-ayi-sob 18:18

Ɩ̃ na tõ n naaŋmɩn-ƴɛ̀r-manɛ ʋ ɩ mɛ̃ a fʋ̃ʋ a, a bɛ zie. Ʋ na ɩ n a bɛ bʋʋrɛ nɩr. Ɩ̃ na ƴãw nɩ a ɩ̃ ƴɛ̀rʋ a ʋ nʋɔrɩ́, ʋʋ na mɩ́ yel'ɩ a alɩ bome nɛ za ɩ̃ na yel k'ʋʋ yel a, kʋ̀ bɛ.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Matie 27:37

Bɛ tɩ sɛb'ɩ a ʋ kũu pɛr mɛr a ʋ zu-sɔw yel: «A sob ŋa n'ɩ a Yeezu, a Zifʋ mɩnɛ nãà.»

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Matie 2:2

Bɛ tɩ sowr'a: «Nyɩnɛ n'a a Zifʋ mɩnɛ nãà na dɔw a daar yɩ̃ɛ ŋa a be? Tɩ nyɛ̃ nɩ a ʋ ŋmar-bir a Saa-pɛrɩ́ ɛ́ wa kɛ́ tɩ wa puor'ʋ nɩ tɩ tʋɔra-siwru.»

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Yele-za-pɛr-tib 18:27

A Abraham lɛb yel: «Fʋ gaafara Sore e, ɩ̃ na sʋ̃ɔmɩ sàw ƴɛ̀rɛ a fʋ zie, mãa na bɛ ɩ bom za a.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Luka 24:26

A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?»

Zeremi 33:15

A daar ʋl wa ta a, ɩ̃ na ɩ na a Daviir bi-mɩŋa dɔw. Ʋ na ɩ na bɛ ɩrɛ a lɛ-na-tu-sɔr ɛ́ tu mɩnʋ a, a tẽw pʋɔ.

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Sɛb-sõw yielu 89:29

Ɩ̃ na nɔnɛ ʋ nɩ kʋralɛ, ɩ̃ na tu n a ɩ̃ wõ-taa ɩ̃ na maal'ɩ ʋ a pùor vla.

Neemi 7:2

Ɩ̃ tɩ kaa na ír a ɩ̃ yɛb Hanani k'ʋʋ kaarɛ a Zerizalɛm zie, ʋlɛ nɩ Hananɩa na ɩ a zɛbr-yir-kpɛ̃w sojarɩ nɩ-kpɛ̃ɛ a, nɩr bɛ na kʋ̃ tʋ̃ɔ́ bʋ́nɛ nɩ, ʋʋ zɔrɛ a Naaŋmɩn zuo nɩbɛ yaga a.

Ɛsɩdɩrasɩ 2:2

Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

Yele-za-pɛr-tib 18:32

A Abraham tɩ lɛb'a yel: «Ɩ̃ zɛlɛ fʋ na Sore e, taa nyɛrɛ suur ɛ, ɩ̃ pãa na baa na ƴɛ̀r. Kapaw, pie tɛwr'a bɛ na nyɛ̃ a be.» A Sore sɔw: «A nɩ-mɩn pie bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»

Yele-za-pɛr-tib 18:30

A Abraham yel: «Ɩ̃ zɛlɛ fʋ na Sore e, taa nyɛrɛ suur ɛ, mãa wa cãà ƴɛ̀rɛ a. Kapaw, bɛ na ɩ n lɩzɛr'ɩ pie tɛwr a be.» A Sore sɔw: «Mãa wa nyɛ̃ nɩ-mɩn lɩzɛr'ɩ pie a tẽw pʋɔ a, ɩ̃ bɛ ɩrɛ bom ɛ.»

Eziptɩ tẽw yib 3:5

A Sore yel: «Taa tawr pɩɛlɛ a ka ɩ! Yaa a fʋ nafawr bɛr, bʋ̃ʋ n'ʋ vɛ̃, zi-sõw pʋɔ n'ɩ a ka fʋ na àr a.

Wulu-ayi-sob 17:15

A lɛn daar a, nyɩ na de nɩ a nɩr ʋl, a Sore nyɩ Naaŋmɩn mɩŋa na na kaa ír a, ʋ ɩ a nãà. Ʋ na ɩ n Ɩsɩrayɛl nɩr, nyɩ bɛ sàwr nɩ-sãan ɩrɛ a nãà ɩ, nɩr na bɛ ɩ a nyɩ bʋʋrɛ nɩr a ɩ.

Sɛb-sõw yielu 65:4

tuo a bɛ sãwna. A tɩ sãwna tɩbrɛ na zuo tɩ, ɛcɛ fʋ na tʋ̃ɔ́ na ɩ a baarɩ.