Zeremi 30:16 - A SƐB-SÕW

¹⁶ Ɛcɛ a bɛlɩ dem za na báarɛ fʋ a, bɛ mɩ̀ na baarɩ bɛ na. Bɛ na diw nɩ a fʋ dɔ̃ dem za pap cen nɩ tẽ-yũo. A bɛlɩ dem za na fárɛ a fʋ bome a, bɛ mɩ̀ na fá n a bɛ bome. A bɛlɩ dem za na zarɛ a fʋ bome a, bɛ mɩ̀ na za n a bɛ bome.

Zeremi 30:16 Referans Kwoze

Zeremi 10:25

Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Eziptɩ tẽw yib 23:22

Nyɩmɛ wa sàwr a ʋ nʋɔr vla a, nyɩmɛ wa ɩrɛ a lɛ za ɩ̃ na yel kʋ̀ nyɩ a, ɩ̃ na ɩ n a nyɩ dɔ̃ dem dɔ̃ sob, ɛ́ zɛbr'ɩ a bɛlɩ dem na zɛbr'ɩ nyɩ a.»

Zakari 2:8

Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw.

Yel-wula 13:10

Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»

Zakari 12:2

«Ɩ̃ na ɩ na a Zerizalɛm ɩ koli-nyúura na paalɩ a ɩ̃ suur divɛ̃ a: ʋ na ƴãw nɩ niw-viir a nɩ-bʋʋrɛ za na kpɩɛr viiri koli ʋ a. A niw-viir na páw nɩ a Zuda tẽw dem za, a lɛn daar a dɔ̃ dem nãà wa piw a Zerizalɛm a.

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Sɛb-sõw yielu 129:5

A bɛlɩ dem za na bɛ nɔnɛ a Sɩyɔ̃ a, bɛ nyɛ̃ vĩ lɛb'ɩ.

Sofoni 2:8

«Ɩ̃ wõ n a Mowab nɩ a Amɔ̃ ten dem na ɩrɛ a ɩ̃ nɩ-bʋʋrɛ laar ɛ́ kpɔwrɛ bɛ a. Bɛ tʋ tʋ bɛ na, ɛ́ kpow a ɩ̃ nɩ-bʋʋrɛ, ŋmãa a bɛ tẽw cow nɩ a bɛl tẽw, ʋ yɛ̀lɩ.

Habakukɩ 2:16

Vĩ n'a nyɩ ƴãwnɛ nyɩ tʋɔra, yúor bɛ n'ʋ nyɩ páwr ɛ. Nyɩ mɩ̀ nyũ a, ɛ́ wul a nyɩ faalʋ! A Sore na fɛr nyɩ na ƴãw nyɩ mɩ̀ nyũ a ʋ suur koli-nyúura pʋɔ divɛ̃ za: a ƴãwfʋ nyɩ na nyɛrɛ a, na lɩɛb'ɩ vĩ.

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Mise 4:11

A ƴɛrɛŋa a, nɩ-bʋʋr-yaga tĩ na ɓanɛ taa a nyɩ ƴãw. Bɛ yere na: «A bɛ tẽ-kpɛ̃ɛ, ʋ́ nyɛ̃ vĩ, nyɩ wa tɩ jɩ́r a Zerizalɛm deboru wõ nʋ̃ɔ̀!»

Ezekɩɛl 35:5

Kʋralɛ n'a fʋ bɛ nɔ̃w a Ɩsɩrayɛl nɩbɛ ɩ. A bɛ kpɩɛrʋ daar a, a bɛ sãwna na wa baar'a, fʋ zɛb'ɩ bɛ na nɩ zɛbr-sɔ-kpɛ̃ɛ.

Ezekɩɛl 29:6

Lɛ n'a a Eziptɩ tẽw dem za na bãw kɛ́ mãa n'ɩ a Sore. A tɩɛfʋ fʋ na tɩɛ a Ɩsɩrayɛl nɩbɛ a bɛ tɛr fãw ɛ, mɛ̃ bàa-kɛkɛr tɩɛfʋ a.

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

Zeremi 2:3

Ɩsɩrayɛl i, mãa yõ tɩ so b mɛ̃ a bʋ̃-dieri bʋ̃-dan a. Bɛlɩ dem za na mɩ́ tɩ tʋɔr fʋ a, mãa nɩ bɛl mɩ́ tɩ nɛbɛ! Faa mɩ́ tɩ páw bɛ nɩ daadaalɛ. À à ŋá n'a a Sore yel.

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 54:15

Bɛlɛ wa wa ŋmãa nɩ fʋ zɛbr a, a kʋ̃ yi mãa zie ɩ. Nɩr wa ŋmãa nɩ fʋ zɛbr a, ʋ na lo n a fʋ niŋé.

Zakari 14:2

Bʋ̃ʋ n'ʋ vɛ̃, a Sore na ɓã n a nɩ-bʋʋr-yoru za taa, kɛ́ bɛ zɛb'ɩ a Zerizalɛm: bɛ na de nɩ a tẽw, bɛ na wob'ɩ a yie bome, ɛ́ fɛr a pɔwbɛ gã nɩ bɛ, bɛ na diw nɩ a nɩbɛ põ-zɛ̃-taa zie cen nɩ tẽ-yũo, ɛ́ a nɩbɛ ŋmãa na cɛ a, na cãà na kpɩɛr a tẽw pʋɔ.

Zakari 1:14

A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere: «Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.

Zeremi 50:28

Nyɩ wone! Nɩbɛ n'a yi a Babɩlɔn tẽw zɔrɛ, nɩbɛ na cɩ̃ɛ a be a nɛbɛ waar wa yere a Sɩyɔ̃ tẽw pʋɔ: «A Sore tɩ Naaŋmɩn yáa nɩ a san kʋ̀ fʋ, ʋ yáa ʋ nɩ a ʋ yir-sõw ƴãw.»

Zeremi 25:12

A Sore yere na: “A yome lɩz'a ata nɩ pie wa tɔ a, ɩ̃ na sowr'ɩ a Babɩlɔn tẽw nãà nɩ a ʋ nɩbɛ bom a bɛ ɩ-faar ƴãw. Ɩ̃ na ìr'ɩ a bɛ tẽw ƴãw, ɩ ʋ lɩɛbɩ tẽ-kpalɛ.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Zeremi 30:15

Bʋ̃ʋ n'ʋ so fʋ kone nɩ a fʋ bàalʋ, fʋ kone a fʋ natɩr na bɛ tɛr sanʋ a ƴãw? A fʋ ɩ-faar na bɛ tɛr nʋɔr a, nɩ a fʋ sãwna na yãwmɛ a zũú n'a ɩ̃ ɩ b à à ŋá.

Wulu-ayi-sob 30:7

A ŋmɛ-ƴãw al za ƴɛ̀rʋ ɩ̃ na ƴɛ̀r a, ʋ na ɩ na a páw a nyɩ dɔ̃ dem, a bɛlɩ dem na hɩ̃ɛn nyɩ ɛ́ ɩrɛ nyɩ a kpɩɛr a.

1 Samɩɛl 17:53

A Ɩsɩrayɛl nɩbɛ tɩ diw bɛ na ta sɔgɔ, ɛ́ lɛb wa, wa za a Filisɩtɛ̃ mɩnɛ zɛbr laɩ pʋɔ bome.

Zʋkpaɩ 22:23

Bʋ̃ʋ n'ʋ vɛ̃, a Sore na ƴɛ̀r'a kpɛ bɛ. Ʋ na de nɩ a bɛlɩ dem za nãà wa fa a bɛ bʋ̃-tɛrɩ za a nyɔ-vʋʋrʋ.

A Lãw-mʋɔlɛ 1:22

Jɩ́r a bɛ ɩ-faar za kaa ɛ́ ɩ bɛ mɛ̃ a lɛ fʋ na ɩ m a ɩ̃ nɛ́ɛ-zawrʋ za zũú a. Fʋ nyɛ̃ na: a 'woi 'woi n'a ɩ̃ dɛ mɩ́ tɛr, ɛ́ a ɩ̃ mɩŋa za ɩ bàal.

Zakari 1:15

Ɛcɛ su-yãyaar kãw tɛr mɛ̃ nɩ a nɩ-bʋʋr-yoru bɛl bom za na bɛ damnɛ a ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ, ɛ́ bɛl wa ɩ a ʋ kpɩɛrʋ a dɔwlɩ.

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.