Zeremi 30:11 - A SƐB-SÕW

¹¹ Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 30:11 Referans Kwoze

Zeremi 10:24

Sore e, kpãa mɛ̃, ɛcɛ kpãa mɛ̃ a man. Ta kpãa mɛ̃ nɩ suur ɛ, alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.

Nɩ-toni 18:10

Ɩ̃ sɩrɩ na be a fʋ zie. Lɛ so, nɩr za bɛ íre nũu tʋɔr'ɩ fʋ k'ʋʋ dɔwrɩ fʋ ɛ. Bʋ̃ʋ n'ʋ vɛ̃, ɩ̃ tɛr'ɩ nɩbɛ yaga a tẽ-kpɛ̃ɛ ŋa pʋɔ.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Zeremi 15:20

A nɩbɛ bɛ ŋa niŋé a, ɩ̃ na ɩ na fʋ ɩ mɛ̃ kur-zɩɛ dacin bɛ na kʋ̃ tʋ̃ɔ́ dáa lɔb a. Bɛ na zɛb'ɩ fʋ na, ɛcɛ bɛ kʋ̃ tʋ̃ɔ́ fʋ ɩ bom za ɩ, bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ faa fʋ ɛ́ ɩ fʋ so fʋ tʋɔra. A Sore n'ʋ yel.

Zeremi 5:18

A lɛn daar mɩ̀ a, a Sore n'ʋ yere, ɩ̃ kʋ̃ kʋ nyɩ pàw pɛr ɛ.

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.

Sɛb-sõw yielu 6:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ezekɩɛl 11:13

Ɩ̃ na tɩ manɛ a Sore ƴɛ̀rʋ ŋa tɩrɛ a, a Benaya bidɛb, Pelatɩahu, tɩ kpi na. Ɩ̃ tɩ lo na gbĩ dume gũu tɩ tɔ tẽw ɛ́ cɩɩr'ɩ kɔkɔr-kpɛ̃w yel à ŋá: «'Woi, Sore Naaŋmɩn i, fʋ na ɩ n a Ɩsɩrayɛl nɩbɛ za na cɛ a bɛ kpi i?»

Ɩzayi 43:25

Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

Levitɩ mɩnɛ 26:44

Ɛcɛ a lɛn daar bɛ na na saa cãà be a bɛ dɔ̃ dem tẽw pʋɔ a, ɩ̃ kʋ̃ jɛ bɛ bɛr ɛ, ɩ̃ kʋ̃ hɩ̃ɛn bɛ ɩ, ɩ̃ kʋ̃ kʋ bɛ pàw pɛr ɛ, ɩ̃ɩ kʋ̃ sãw a ɩ̃ wõ-taa bɛr ɛ, ɩ̃ na ɩ a Sore bɛ Naaŋmɩn a ƴãw.

Wulu-ayi-sob 4:31

Bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn na ɩ nɔ̃wfʋ tɛwr a. Ʋ bɛ zawrɛ nyɩ bɛrɛ ɩ, bɛ kʋrɛ nyɩ pàwr pɛr ɛ. Ʋ bɛ be za na yiiri a wõ-taa ʋ na maal'ɩ a nyɩ sãàkʋm-kore a bɛr ɛ.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Ezekɩɛl 6:8

Ɛcɛ ɩ̃ na bɛr'ɩ nyɩ mɩnɛ bɛ cãà vʋʋrɛ a zɛbr pùorí, ɛ́ a bɛ ŋa na cɩ̃ɛ a na yaar'ɩ a tẽ-sãanbɛ pʋɔ.

A naaŋmɩn-ƴèr-manɛ Oze sɛbɛ 11:9

Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

Eziptɩ tẽw yib 34:7

Ɩ̃ mɩ́ wul'ɩ a ɩ̃ nɔ̃wfʋ a nɩsaalbɛ tɩ ta bɛ na dɔw tu taa gb'aa túr a, ɩ̃ mɩ́ nyɛrɛ nɩ a yel-bebe, a nɛ́ɛ-zawrʋ nɩ a sãwna kɛ́ bɛrɛ. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bier a, ɩ̃ mɩ́ dɔwr'ʋ na, ʋlɛ nɩ a ʋ bibiir nɩ a ʋ bʋʋrɛ, tɩ ta bɛ na dɔw tu taa gb'a ata bɩɩ gb'a anaar a.»

2 Samɩɛl 24:12

«Cen tɩ yel a Daviir: À ŋá n'a a Sore ƴɛ̀rɛ: Bʋ̃-faar ata n'a ɩ̃ na ɩ a lo a fʋ zu, kaa ír a kãw ɩ̃ ƴãw fʋ.»