Zeremi 3:18 - A SƐB-SÕW

¹⁸ A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 3:18 Referans Kwoze

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Amɔsɩ 9:15

Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ, ɛ́ nɩr kʋ̃ lɛb ír bɛ bɛr a bɛ tẽw zu ɛ, a tẽw ʋl ɩ̃ na na kʋ̀ bɛ a. A mãa Sore fʋ Naaŋmɩn n'ʋ yere.»

Zeremi 50:4

A Sore yere na: a lɛn daar a, a Ɩsɩrayɛl nɩbɛ nɩ a Zuda nɩbɛ na lãw na waar, bɛ na kone na cere nɩ, bɔbr'ɩ mɛ̃, a mãa, bɛ Naaŋmɩn.

Zeremi 23:8

Ɛcɛ bɛ na mɩ́ yel'a: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a saa-pɛrɩ́-gʋba-lowr ten nɩ a ziir al za ʋ na diw bɛ yaarɩ a, lɛb wa zɩ̃ a bɛ tẽw pʋɔ a!”»

Zeremi 16:15

Ɛcɛ bɛ na nɩ̃ɛ na mɩ́ yel: “Ɩ̃ pɔ n nɩ a Sore na vʋʋrɛ a, na ɩ a Ɩsɩrayɛl nɩbɛ yi a tẽw saa-pɛrɩ́-gʋba-lowr nɩ a ten al za pʋɔ ʋ na diw bɛ yaarɩ a!” Sɩza n'a, ɩ̃ na lɛb'a tɛr bɛ wa n a tẽsɔw ʋl ɩ̃ na tɩ kʋ̀ a bɛ sãàkʋm-kore a pʋɔ.»

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 7:7

Lɛ n'a ɩ̃ na bɛr nyɩ nyɩ kpɩɛr a zie ŋa pʋɔ, a tẽw ŋa ɩ̃ na tɩ kʋ̀ a nyɩ sãàkʋm-kore a koro kãw za nɩ kʋralɛ a.

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Ezekɩɛl 11:17

A na ɩ lɛ a, lɛb yel à ŋá a mãa Sore Naaŋmɩn na yere a kʋ̀ bɛ: “Ɩ̃ na de nyɩ nɩ a nɩ-bʋʋrɛ bɛl pʋɔ nɩ a ten al pʋɔ ɩ̃ na diw nyɩ cen nɩ a, lɛb ɓã taa, ɛ́ lɛb kʋ̀ nyɩ a Ɩsɩrayɛl tẽw.

Zakari 2:6

Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.