Zeremi 3:14 - A SƐB-SÕW

¹⁴ Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 3:14 Referans Kwoze

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Ɩzayi 10:22

Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Ɩzayi 17:6

A Ɩsɩrayɛl nɩbɛ na na cɛ a kʋ̃ saalɩ ɛ, a na ɩ na mɛ̃ olivʋ bɛ na dam'ɩ dàa a lo a: wɔmɛ ayi bɩɩ ata n'a cɛ a tɩɛ saa-zu za, wɔmɛ anaar bɩɩ anũu a wuli na wɔ̃ a zu. À à ŋá n'a a Sore, a Ɩsɩrayɛl Naaŋmɩn, yere.

Ɩzayi 1:9

A Sore, a kpɛnʋ-za-sob, bɛ tɩ bɛr tɩ nɩbɛ blã bɛ cɩ̃ɛ a, tɩ nãà ɩ na mɛ̃ a Sodɔm tẽ-kpɛ̃ɛ a, tɩ nãà ŋmɛ̃ na taa nɩ Gomɔɔr.

Ɩzayi 31:6

Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie.

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

2 Bibie za yel-manɩ 30:6

A nɩbɛ bɛ na tõ a tɩ zɔ na cɔlɩ a Ɩsɩrayɛl naalʋ-tẽw nɩ a Zuda naalʋ-tẽw nɩ a sɛb-tʋɔlɩ a nãà nɩ a ʋ tõ-tõ-bi-bɛrɛ na tɩ sɛb a. A nãà tɩ yel'a kɛ́ bɛ hieri yel à ŋá: «Ɩsɩrayɛl nɩbɛ ɛ, nyɩɩm na cɩ̃ɛ a Asiiri tẽw nãà bɛ páw nyɩ kʋ a, nyɩ lɛb wa a Sore, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn zie, ʋʋ na lɛb'a wa a nyɩ zie.

Ɩzayi 27:12

A ʋlɩ bibir nɛ a, a Sore na va n a ʋ bʋ̃-dieri a Efaratɩ manɩ́ tɩ tɔ a Eziptɩ tẽw fʋɔla. Ɛ́ nyɩɩm, Ɩsɩrayɛl nɩbɛ ɛ, ʋ na yiiri nyɩ nɩ been been mɛ̃ ka-zuru a.

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.