Zeremi 29:23 - A SƐB-SÕW

²³ A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 29:23 Referans Kwoze

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 16:17

Ɩ̃ jɩ́rɛ nɩ a bɛ ɩ-ɩrɩ za, a kʋ̃ tʋ̃ɔ́ sɔwlɩ a ɩ̃ zie ɩ, a bɛ ɩ-faar kùre mɛ̃ nɩ mimir.

Zʋkpaɩ 5:21

A Sore nyɛrɛ nɩ nɩsaal za ɩb, ʋ jɩ́rɛ nɩ a ʋ ɩ-ɩrɩ been been.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Malasɩ 2:14

Nyɩ mɩ́ sowre na kɛ́ bʋ̃ʋ n'ʋ so. Nyɩ tɩ ƴãw nɩ nʋɔr a Sore niŋé kɛ́ ŋa za na tɛr'ɩ a pɔw ʋ na kul a ʋ pɔ̀lʋ daarɩ́ a. A nyɩ taabɛ tɩ nɛbɛ, nyɩmɛ nɛbɛ tɩ kaa ír bɛ, ɛcɛ nyɩ zawrɩ bɛ na bɛr.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Zeremi 23:21

«Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 13:27

Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»

Yele-za-pɛr-tib 31:50

Fʋ̃ʋ wa dɔwrɛ a ɩ̃ pɔwyaar a, fʋ̃ʋ wa de pɔwbɛ dɔwlɩ a bɛ zu a, bãwnɩ a, nɩsaal bɛ n'ʋ ɩ a dãsɩɛ sob a tɩ cara pʋɔ ɩ, a Naaŋmɩn mɩŋa n'ʋ.»

Yele-za-pɛr-tib 34:7

A Zakɔb bidɛbr na tɩ yi a wɩ̀ɛ pʋɔ wa ta a, bɛ wõ n a yel. Bɛ tɩ nyɛ̃ na a ɩ zʋm'ʋ bɛ tʋ bɛ, ɛ́ nyɛ̃ suur faa faa. Bʋ̃ʋ n'ʋ vɛ̃, a Sɩsɛm tɩ tõ n ton na bɛ sɛw a, ʋ na fɛr gã nɩ a Zakɔb pɔwyaa a. Sɔ́r bɛ ka be, a ɩb á ŋá taabɛ ɩrɛ a Ɩsɩrayɛl tẽw pʋɔ ɩ.

Ƴɛ̀r-dɩrbɛ 11:10

A Galaadɩ tẽw nɩ-kore tɩ yel'ɩ a Zɛfɩte: «A Sore na dɩ n a dãsɩɛ, tɩɩm nɩ a fʋ̃ʋ cara pʋɔ, tɩmɛ bɛ wa ɩ a lɛ fʋ na yel a.»

2 Samɩɛl 13:12

A Tamaar sɔw ʋ: «Ʋ̃ʋ'hʋ̃! Ɩ̃ yɛ-dɛb i! Ta fɛr gã nɩ mɛ̃ ɩ, bʋ̃ʋ n'ʋ vɛ̃, a lɛ bɛ ɩrɛ a Ɩsɩrayɛl tẽw pʋɔ ɩ. Ta maalɩ a yel-faa ŋa tɔ na bɛ maal'ɩ wob a ɩ!

Zeremi 5:8

Wur-daar na 'wɔr 'wɔr ɛ́ a wur-pɔw vʋla tɛr a a, à ŋá n'a bɛ ŋmɛ̃. Ŋa mɩ́ kone nɩ a ʋ tɔ pɔw ƴãw.

Zeremi 7:11

A yir ŋa ɩ̃ na so a, nyɩ de ʋ na k'ʋ ɩ nyãnyuwr sɔwlʋ zie ʋ? Mãa ƴãw a, ɩ̃ nyɛ̃ na kɛ́ lɛ n'a. A mãa Sore n'ʋ yel.

Zeremi 29:31

«Tõ bɛ tɩ yel à ŋá kʋ̀ a nɩ-diw-ceni za: “À ŋá n'a a Sore yere a Nehelam tẽw Semaya ƴãw: Semaya ƴɛ̀r'ɩ a ɩ̃ yúor ƴãw a nyɩ zie, ɛcɛ ɩ̃ bɛ tõ ʋ ɛ. Ʋ ŋma n ziri kʋ̀ nyɩ, ƴãw nyɩ bɛr tɩɛrʋ.

Ezekɩɛl 35:13

Fʋ pɔ n dɛblʋ a ɩ̃ zu, ɛcɛ a mãa a, ɩ̃ bɛ yiiri a fʋ ƴɛ̀rʋ fʋ na ƴɛ̀r a ɩ̃ ƴãw a ɩ.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.