Zeremi 29:18 - A SƐB-SÕW

¹⁸ Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 29:18 Referans Kwoze

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 15:4

À ŋá n'a a tẽ-daa naalʋ-ten za na mɩ́ tɛr dɛ̃bɩ̃-kpɛ̃ɛ alɛ wa nyɛ̃ bɛ a. A faa a Ezekɩasɩ bidɛb, Manase, na ɩ Zuda tẽw nãà a na tɩ maalɩ a Zerizalɛm a, alɛ n'a wa n à á ŋá.»

2 Bibie za yel-manɩ 29:8

Lɛ n'a bɛ tɩ ɩ a Sore suur ìr a Zuda nɩ a Zerizalɛm ƴãw: ʋ bɛr'ɩ dɛ̃bɩ̃ɛ tɛr a ʋ nɩ-bʋʋrɛ, ʋ ɩ na bɛ ɩ pʋl-vʋ̃ɔ bom na ɩrɛ dɛ̃bɩ̃ɛ a, mɛ̃ a lɛ nyɩ mɩŋa na na tʋ̃ɔ́ cãà nyɛ̃ nɩ nyɩ mimie a.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Ezekɩɛl 12:15

Mãa wa diw bɛ yaarɩ nɩ-bʋʋrɛ nɩ tẽ-sãanbɛ pʋɔ a, bɛ na bãw na kɛ́ mãa n'ɩ a Sore.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Ɩzayi 65:15

A bɛlɩ dem ɩ̃ na kaa ír a, na mɩ́ de nɩ a nyɩ yúor, ɛ́ a ɩ ŋmɛ-ƴãw tɛwr ƴãw, bɛ mɩ́ yel: “A Sore Naaŋmɩn, ʋ ɩ fʋ kpi mɛ̃ bón bɩɩ bón a!” Ɛcɛ a ɩ̃ tõ-tõ-biir ƴãw a, yo-yũo n'ʋ bɛ na mɩ́ de.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Zakari 7:14

Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»

Amɔsɩ 9:9

Bʋ̃ʋ n'ʋ vɛ̃, ɩ̃ ƴãwnɛ nɩ nʋɔr k'aa nɩ-bʋʋr-yoru ten za pʋɔ, bɛ dam a Ɩsɩrayɛl yir, bɛ dam ʋ mɛ̃ zɛla bɛ na tɛtɛwr ɛ́ kʋsɛ-bir kʋ̃ lo tẽw a.

Ezekɩɛl 36:19

Ɩ̃ diw bɛ na yaarɩ nɩ-bʋʋr-yoru sɔgɔ, tẽ-yoru pʋɔ. À à ŋá n'a ɩ̃ dɩ n bɛ a ƴɛ̀rʋ tu n a bɛ cenu nɩ a bɛ ɩ-ɩrɩ.

Ezekɩɛl 22:15

Ɩ̃ na diw nyɩ na yaarɩ nɩ-bʋʋr-yoru nɩ tẽ-yoru pʋɔ. Ɩ̃ na ɩ na a nyɩ ɩ-dɛgɛ za nʋɔr kʋ.

Ezekɩɛl 6:8

Ɛcɛ ɩ̃ na bɛr'ɩ nyɩ mɩnɛ bɛ cãà vʋʋrɛ a zɛbr pùorí, ɛ́ a bɛ ŋa na cɩ̃ɛ a na yaar'ɩ a tẽ-sãanbɛ pʋɔ.

Zeremi 29:22

A Nɩbɛ bɛl za bɛ na diw a Zuda tẽw cen nɩ a Babɩlɔn a na mɩ́ tɛr'ɩ a nɩbɛ bɛ ŋa ayi yée pore a ŋmɛ-ƴãw pʋɔ mɛ̃ à ŋá a: “A Sore, ʋ ɩ fʋ mɛ̃ a lɛ a Babɩlɔn tẽw nãà na tɩ ɩ a Sedesɩasɩ nɩ a Akab, ƴãw bɛ sɛ̃ bɛ vũumí a!”

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 19:8

Ɩ̃ na ɩ na a Zerizalɛm tẽ-kpɛ̃ɛ lɩɛbɩ zie bɛ nãà mɩ́ wa nyɛ̃ ŋmɩɛr pʋl-vʋ̃ɔ cɛlsɩ a. Nɔ-ɓãan na mɩ́ nyɔw nɩ a bɛlɩ dem za na tɔlɛ a be a, ɛ́ bɛ na mɩ́ ŋmɩɛr'ɩ pʋl-vʋ̃ɔ cɛlsɩ a yel-sãwnɩ á ŋá za bɛ na nyɛ̃ a zũú.

Sɛb-sõw yielu 44:11

Fʋ mɩ́ ɩ na tɩ lɩɛb zɔ a dɔ̃ sob niŋé, ɛ́ a tɩ bɛ-nɔnbɛ za a tɩ bome.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Sɔr-nɛ́ɛ 5:27

Ʋlɛ wa nyũ a, yel ŋa n'ʋ na ɩ: ʋlɛ wa sɩrɩ sãw a ʋ yúor, zu a ʋ sɩr a, a kʋ̃ɔ na waar'ɩ a ŋmɛ-ƴãw a na kpɛ n a ʋ púorí ɩ ʋ kpel púor ɛ́ a ʋ pʋɔ ɩ pʋ-ãan. Lɛ n'a a ʋ tẽ-bi-taabɛ wa ŋmɩɛr ƴãwn a, a ʋ yúor'ʋ bɛ na mɩ́ por.

Wulu-ayi-sob 28:37

A nɩ-bʋʋrɛ bɛl za pʋɔ a Sore na na tɛr nyɩ cen nɩ a, a na tɩ ɩ n nɔ-ɓãan a bɛ zie, a yel na ta nyɩ a ƴãw. Bɛ na ɩrɛ nyɩ na laar ɛ́ tʋʋr nyɩ.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 29:17

À ŋá n'a a Sore, a kpɛnʋ-za-sob, yere: “Ɩ̃ na bɛr'ɩ zɛbr-sɔ-kpɛ̃ɛ, kɔ̃ nɩ jɛ̀lmɛ̃ bàalʋ a wa a bɛ zu. Ɩ̃ na ɩ na bɛ ŋmɛ̃ taa nɩ kãkamɛ na pʋ̃ɔ a, na pʋ̃ɔ bɛ tɛr dɩb a.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Ezekɩɛl 23:46

À ŋá n'a a mãa Sore Naaŋmɩn yere: Nyɩ bʋɔlɩ a nɩbɛ ɓã taa a bɛ ƴãw! Bɛ ɩ bɛ màwr dɛ̃bɩ̃-mawfʋ, bɛ faa bom za bɛ na tɛr a!

Mise 6:16

Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 24:10

Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Ezekɩɛl 5:15

Ɩ̃ na tu n a lɛ ɩ̃ na dɩ a ƴɛ̀rʋ bin a fʋ ƴãw nɩ su-tʋlʋ a, ɩ̃ɩ na yel fʋ nɩ yaga. Lɛ n'a a nɩ-bʋʋrɛ na be a kõkowe ƴãw a na de a tẽ-kpɛ̃ɛ ŋa ʋ ɩ bʋ̃-ɩ-laara nɩ zʋmɛ bom. Ɛcɛ a tẽ-kpɛ̃ɛ ŋa mɩ̀ na ɩ n kpaalʋ nɩ dɛ̃bɩ̃-kpɛ̃ɛ bom a bɛ zie. A mãa Sore n'ʋ ƴɛ̀rɛ a nyɩ zie.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»