Zeremi 29:13 - A SƐB-SÕW

^13-14 Nyɩ na bɔ m'a, ɛ́ nyɩ na nyɛ̃ m'a. A mãa, a Sore, ɩ̃ yere na: nyɩmɛ wa bɔbr mɛ̃ nɩ a nyɩ pʋɔ za a, ɩ̃ na bɛr'a nyɩ nyɛ̃ m. Ɩ̃ na lɛb'a maalɩ a nyɩ yele ƴãw, ɩ̃ na lɛb'a tɛr nyɩ a ten al za nɩ a ziir al ɩ̃ na diw nyɩ yaarɩ a wa ɓã taa. Ɩ̃ na ɩ na nyɩ lɛb wa a ka, a zie ŋa nyɩ na tɩ be ɩ̃ɩ ɩ bɛ diw nyɩ cen nɩ a.” À à ŋá n'a a Sore yere.

Zeremi 29:13 Referans Kwoze

Sɛb-sõw yielu 119:2

Zu-nʋ̃ɔ̀ dem'ɩ a bɛl na mɩ́ tuur a lɛ ʋ na yel a, a bɛl na mɩ́ bɔbr ʋ nɩ bɛ pʋɔ za a.

Matie 7:7

«Nyɩ mɩ́ zɛlɩ, bɛ na kʋ̀ nyɩ na. Nyɩ mɩ́ bɔbr, nyɩ na páw na. Nyɩ mɩ́ kpàwrɩ a pan, bɛ na yuo nyɩ na.

Sɛb-sõw yielu 119:10

Ɩ̃ bɔbr fʋ na nɩ ɩ̃ pʋɔ za, ta sàw k'ɩ̃ wa bɔr zãá nɩ a fʋ nɛ-ƴãwnɩ ɛ.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Sɛb-sõw yielu 119:145

Sore e, ɩ̃ bʋɔlɛ fʋ na nɩ ɩ̃ pʋɔ za, sɔw mɛ̃, ɩ̃ na maal'ɩ a lɛ fʋ na bɔbr a.

2 Bibie za yel-manɩ 31:21

Ʋ na tɩ maalɛ a Naaŋmɩn yir ƴãwn, ɛ́ ƴãw bɛ tuur a Naaŋmɩn wulu nɩ a ʋ nɛ-ƴãwnɩ a, ʋ tɩ ƴãw nɩ fãw k'ʋʋ bãw a Naaŋmɩn pʋ-tɩɛrʋ. Ʋ tɩ ɩ n à à ŋá nɩ ʋ pʋɔ za, ɛ́ a Naaŋmɩn ɩ a yele za tu vla a ʋ ƴãw.

Sɛb-sõw yielu 119:58

A ɩ̃ pʋɔ za n'ʋ ɩ̃ bɔbr'ɩ k'ɩ̃ɩ ɩ nʋ̃ɔ̀ kpɛ b, zɔ ɩ̃ nɩbaalʋ mɛ̃ a lɛ fʋ na ƴãw a nʋɔr a.

2 Bibie za yel-manɩ 22:9

Al pùorí, ʋ tɩ ƴãw na bɛ bɔ a Akazɩasɩ. Bɛ tɩ nyɛ̃ ʋ na ʋ sɔwlɩ Samaari, bɛ nyɔw wa kʋ̀ a Yehu ʋ kʋ ʋ. Ɛcɛ bɛ tɩ ũù ʋ na, bʋ̃ʋ n'ʋ vɛ̃, bɛ tɩ yere na: «A Zozafatɩ na tɩ bɔ a Sore nɩ ʋ pʋɔ za a bidɛb'ʋ.» A Akazɩasɩ yir pʋɔ a, nɩr za bɛ tɩ be be na tʋ̃ɔ́ dɩ a naalʋ ɛ.

2 Na-mɩnɛ 23:3

A nãà tɩ àr'ɩ saaƴẽwn, a Ŋmɩn-yir-kpɛ̃ɛ kpul ƴãw, ɛ́ lɛb puuli a wõ-taa nɩ a Sore. Ŋa za n'ʋ a fɛrɛ k'ʋʋ tuur a Sore, sàwr a ʋ nɛ-ƴãwnɩ, a ʋ wulu, nɩ a lɛ ʋ na yel a, nɩ ʋ pʋɔ za, nɩ ʋ sɩ́ɛ za, ɛ́ sàwr a ƴɛ̀rʋ al za na sɛb a wõ-taa sɛbɛ pʋɔ a. A nɩbɛ za tɩ sàw nɩ a wõ-taa ŋa.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Sɛb-sõw yielu 119:69

Pɔ̀lʋ dem ŋma ŋma n ziri sãw nɩ a ɩ̃ yúor, ɛcɛ mãa a, a fʋ tub'a ɩ̃ tuur'ɩ ɩ̃ pʋɔ za.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

1 Na-mɩnɛ 2:4

A lɛ n daar a, a Sore na tu n a lɛ ʋ na tɩ ƴãw a nʋɔr kʋ̀ m yel à ŋá a: “A fʋ bidɛbr wa tɛr maal-ɩrɛ a, bɛlɛ wa ɩrɛ vla a ɩ̃ zie nɩ a bɛ socir za, nɩ a bɛ nɩɩlʋ za a, nɩr na mɩ́ yi n a bɛ pʋɔ kʋralɛ, ɩ a Ɩsɩrayɛl nɩbɛ nãà.”»

Sɛb-sõw yielu 32:6

À ŋá n'a a nɩr za na sàw de fʋ a, na mɩ́ puore fʋ a kpɩɛrʋ daar. A kʋ̃ɔnɩ saa mɩ́ wa paalɩ paalɩ a, a kʋ̃ páw ʋ towtow ɛ.

Nɩ-toni 8:36

Bɛ na tɩ cãà lo a sɔ́r cere a, bɛ tɩ ta n kʋ̃ɔ zie. A dɛ-vár tɩ yel'ɩ a Filib: «Nyɛ̃ kʋ̃ɔ, bʋ̃ʋ n'ʋ be be ɩ̃ kʋ̃ tʋ̃ɔ́ de a suob?» [

1 Bibie za yel-manɩ 22:19

A na ɩ à ŋá a, nyɩ ƴãw fãw bɔbr a Sore nyɩ Naaŋmɩn nɩ a nyɩ pʋɔ za nɩ a nyɩ nɩɩlʋ za. Nyɩ ìr ŋmãa a Sore Naaŋmɩn zi-sõw tʋ̃ɔ́ de a Sore wõ-taa daga nɩ a Naaŋmɩn bʋ̃-son wa n a yir nyɩ na na ŋmãa a ʋ ƴãwfʋ ƴãw a pʋɔ.»

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

Ɩzayi 45:19

Ɩ̃ bɛ sɔwlɩ ƴɛ̀r a tẽw zie kãw na liw a ɩ. Ɩ̃ bɛ yel a Zakɔb bʋʋrɛ: Nyɩ bɔbr mɛ̃ zi-vuo pʋɔ ɩ. A mãa Sore a, ɩ̃ yere nɩ bom na tu mɩnʋ a, ɩ̃ yere nɩ bom na ɩ sɩza a.»

Sɛb-sõw yielu 145:18

A Sore pɩɛl'ɩ a bɛlɩ dem za na bʋɔlɛ ʋ a, a bɛlɩ dem za na bʋɔlɛ ʋ yel-mɩŋa za a.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Zeremi 50:4

A Sore yere na: a lɛn daar a, a Ɩsɩrayɛl nɩbɛ nɩ a Zuda nɩbɛ na lãw na waar, bɛ na kone na cere nɩ, bɔbr'ɩ mɛ̃, a mãa, bɛ Naaŋmɩn.