Zeremi 29:10 - A SƐB-SÕW

¹⁰ À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Zeremi 29:10 Referans Kwoze

Zakari 7:5

k'ɩ̃ɩ ɩ a bàwr-maalbɛ nɩ a tẽw dem za bãw a ʋ sɔwfʋ ŋa: «Yome lɩz'a ata nɩ pie n'ɩ à ŋá, nyɩ na mɩ́ tɛr a mʋta-tuo kone nɩ, a cuwr anũu nɩ a cuwr ayopõi sob daar a, ɛcɛ, nyɩ bɛ mɩ́ tɛr a mʋta-tuo á ŋá k'aa pɛlɩ a ɩ̃ pʋɔ ɩ!

Zeremi 27:22

“Bɛ na wob'ɩ a bome á ŋá za cen nɩ a Babɩlɔn. A na be n a be ɛ́ gù a ʋlɩ bibir ɩ̃ nãà wa kaa a zie, ƴãw bɛ lɛb wa n a a ka a.”» A Sore n'ʋ yel.

Zeremi 25:12

A Sore yere na: “A yome lɩz'a ata nɩ pie wa tɔ a, ɩ̃ na sowr'ɩ a Babɩlɔn tẽw nãà nɩ a ʋ nɩbɛ bom a bɛ ɩ-faar ƴãw. Ɩ̃ na ìr'ɩ a bɛ tẽw ƴãw, ɩ ʋ lɩɛbɩ tẽ-kpalɛ.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Zeremi 27:7

A nɩ-bʋʋrɛ za na tone nɩ a ʋ tome, ɛ́ a ʋ pùorí bɛ tone a ʋ bidɛb nɩ a ʋ yãw tome tɩ ta a lɛn daar a na na fɛr a ʋl mɩŋa tẽw tone nɩ-bʋʋrɛ na yãwmɛ a, nɩ na-mɩnɛ na kpɛmɛ a tome a.

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Urutɩ 1:6

A Mowab tẽw kura pʋɔ be a, a Nowemi tɩ wõ na bɛ yel k'aa Sore kaa nɩ a ʋ nɩ-bʋʋrɛ zie, ɩ a bɛ bʋ̃-kʋ́ɔrɩ maalɩ vla.

2 Bibie za yel-manɩ 36:22

A Pɛrsɩ tẽw nãà Siirisɩ naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 29:28

Ʋl tɔr za sɛb tɩ nɩ a Babɩlɔn ka à ŋá: “A na cɛlɩ na! Nyɩ ŋma yie kpɩɛr, nyɩ sɛl tɩ-wɔnɩ ɛ́ dɩrɛ a wɔmɛ!”»

Zeremi 29:32

A lɛ pʋɔ a, à ŋá n'a a mãa, a Sore, yere: ɩ̃ na ìr'ɩ a Semaya nɩ a ʋ bʋʋrɛ ƴãw. A ʋ yir nɩr kãw za kʋ̃ be a nyɩ sɔgɔ nyɛ̃ a vla ɩ̃ na na maalɩ a ɩ̃ nɩ-bʋʋrɛ a ɩ. Bʋ̃ʋ n'ʋ vɛ̃, a Semaya ɩ na ƴãw a ɩ̃ nɩbɛ gaarɩ a ɩ̃ zu. À à ŋá n'a a Sore yere.”»

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 33:14

A Sore yere na: «Ɩ̃ kʋ̃ yaa kɛ́ ɩ a lɛ ɩ̃ na yel kʋ̀ a Ɩsɩrayɛl nɩbɛ nɩ a Zuda nɩbɛ a ɩ.

Zakari 1:12

Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?»

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Ezekɩɛl 11:17

A na ɩ lɛ a, lɛb yel à ŋá a mãa Sore Naaŋmɩn na yere a kʋ̀ bɛ: “Ɩ̃ na de nyɩ nɩ a nɩ-bʋʋrɛ bɛl pʋɔ nɩ a ten al pʋɔ ɩ̃ na diw nyɩ cen nɩ a, lɛb ɓã taa, ɛ́ lɛb kʋ̀ nyɩ a Ɩsɩrayɛl tẽw.