7 A nɩ-bʋʋrɛ za na tone nɩ a ʋ tome, ɛ́ a ʋ pùorí bɛ tone a ʋ bidɛb nɩ a ʋ yãw tome tɩ ta a lɛn daar a na na fɛr a ʋl mɩŋa tẽw tone nɩ-bʋʋrɛ na yãwmɛ a, nɩ na-mɩnɛ na kpɛmɛ a tome a.
A Zuda tẽw nãà, Yoyakin, bɛ na tɩ diw cen nɩ a maalɩ yome lɩzɛr'ɩ pie nɩ ayopõi a n'a, a Ewil-Merodakɩ tɩ lɩɛbɩ a Babɩlɔn tẽw nãà. A ʋlɩ yũon nɛ cuwr pie nɩ ayi sob, bibie lɩzɛr'ɩ ayopõi sob'a ʋ tɩ ɩ pʋ-pɩɛlʋ ɩb a Yoyakin zie, ɩ k'ʋ yi a gaso pʋɔ.
A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.
Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»
Nyɩ cɛlɛ be! Nɩr'ʋ waar. Ʋ be n zɛbr-torko wie ayi na tawr a zu. Ʋ de nɩ a ƴɛ̀rʋ yel: “A Babɩlɔn tẽw lo na, a Babɩlɔn tẽw lo na! A ʋ ŋmɩmɛ dasuli za gã nɩ tẽw, a kar kar a gã.”»
A Babɩlɔn tẽw nãà, Nabikodonozɔɔr, tɩ zɛbr'ɩ nɩ a Zerizalɛm nɩ a Zuda tẽw tẽ-bɛrɛ. A ʋ zɛbr-nɩbɛ za, nɩ a tẽw zu naalʋ-ten za sojarɩ, nɩ a nɩ-bʋʋrɛ bɛl za ʋ na so a sojarɩ, tɩ lãw nɩ ʋ na. Lɛ n'a a Sore tɩ ƴɛ̀r a Zeremi zie à ŋá:
Ɩ̃ na de nɩ a Eziptɩ tẽw nãà, a Faarawɔ̃ Hofɩra, ƴãw a ʋ dɔ̃ dem na bɔbr a ʋ kʋb a nuru pʋɔ, mɛ̃ a lɛ ɩ̃ na tɩ de a Zuda tẽw nãà, Sedesɩasɩ, ƴãw a ʋ dɔ̃ sob, a Babɩlɔn tẽw nãà, Nabikodonozɔɔr, na tɩ bɔbr a ʋ kʋb a, nuru pʋɔ a. A mãa, a Sore, mãa n'ʋ yel.»
Nyɩ fá n nɩ-bʋʋr-yaga, a nɩ-bʋʋrɛ bɛl na cɛ a mɩ̀ na fá nyɩ na. A nɩsaal zɩ̃ɩ nyɩ na ɩ a cir a ƴãw, a po-to-fãw-ɩb nyɩ na ɩ, a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.
Ɩ̃ na ɩ n a Babɩlɔn tẽw nãà fãw lɛb dɔwlɩ, ɩ̃ɩ na ƴãw nɩ a mãa mɩŋa zɛbr-sɔ-kpɛ̃ɛ a ʋ nuru pʋɔ. A Faarawɔ̃ ɩ̃ na na ka a kpãkpãw bɛr a na kone nɩ 'woi 'woi a ʋ dɔ̃ sob niŋé tɩ kpi.