Zeremi 26:9 - A SƐB-SÕW

⁹ Fʋ sʋ̃ɔm'a ƴɛ̀rɛ a Sore yúor ƴãw yel à ŋá: «Bɛ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a Silo tẽw dem a! Bɛ na ŋmɛr'ɩ a Zerizalɛm tẽw bɛr, ʋ kʋ̃ cãà tɛr nɩr ɛ!» A bɛlɩ dem za na tɩ be a Ŋmɩn-yir-kpɛ̃ɛ pʋɔ a tɩ gbõ n taa a Zeremi ƴãw.

Zeremi 26:9 Referans Kwoze

Nɩ-toni 22:22

A Zifʋ mɩnɛ na tɩ bɛr wõ a Pol ƴɛ̀rʋ wa tɩ ta a ƴɛ̀r-bie á ŋá a, bɛ tɩ ŋmɩɛr'ɩ cɛlsɩ yere nɩ: «Nyɩ ɩ a nɩr ŋa tɔ ta cãà a tẽw zu ɛ! A bɛ sɛw k'ʋʋ cãà vʋʋrɛ ɩ!»

Nɩ-toni 21:30

A damnʋ tɩ tɔ n a tẽw nɩbɛ za, ɛ́ a zu-sɛbla zɔ wa gbõ taa. Bɛ tɩ nyɔw nɩ a Pol vɩr yi n bɛr a Ŋmɩn-yir-kpɛ̃ɛ pʋɔ ɛ́ pàw a pamɛ daadaalɛ.

Nɩ-toni 13:50

Ɛcɛ a Zifʋ mɩnɛ tɩ dɔ na ƴãw a pɔw-tɩbr tɩbr bɛl na puore a Naaŋmɩn a, bɛlɛ nɩ a tẽw nɩ-bɛrɛ, bɛ dɔwrɛ a Pol nɩ a Banabasɩ, ɛ́ tɩ diw bɛ bɛr a bɛ tẽw pʋɔ.

Nɩ-toni 6:14

Tɩ wõ na ʋ yel kɛ́ a Yeezu ŋa, na yi Nazarɛtɩ a, na ŋmɛr'ɩ a Ŋmɩn-yir-kpɛ̃ɛ bɛr ɛ́ lɩɛbɩ a ɩb a Moyiir na wul tɩ tuur a.»

Nɩ-toni 5:28

«Tɩ tɩ diw nyɩ na bɛr lãwnɩ kpãàfʋ kɛ́ nyɩ ta kanɛ nɩ a nɩbɛ a nɩr ŋa yúor ƴãw ɛ! Ɛcɛ nyɩmɛ n'ɩ bɛ ŋan paalɩ a Zerizalɛm za nɩ a nyɩ kanʋ! Nyɩ bɛ yel kɛ́ nyɩ ɩ lɛ a yele a nɩr ŋa kũu na na wa n a lɛb lo tɩ zu u!»

Zã 8:59

A ka n'a bɛ tɩ wob kʋsɛbɛ kɛ́ bɛ lɔb'ɩ ʋ. Ɛcɛ ʋ tɩ sɔwl'a yi a Ŋmɩn-yir-kpɛ̃ɛ pʋɔ.

Zã 8:20

A Yeezu na tɩ kanɛ nɩ a nɩbɛ a Ŋmɩn-yir-kpɛ̃ɛ pʋɔ a n'a, ʋ tɩ ƴɛ̀r a ƴɛ̀r-bie á ŋá, a be bɛ na bin a dawr a nɩbɛ ƴãwnɛ a libie a. Nɩr za bɛ tɩ sàw zɛw nũu tɔ n ʋ ɛ, a ʋ daar na bɛ tɩ ta sɛr a ƴãw.

Markɩ 15:11

A bàwr-maal-nɩ-bɛrɛ tɩ dɔ n a nɩbɛ ƴãw kɛ́ bɛ zɛlɩ kɛ́ a Pɩlatɩ nɩ̃ɛ bɛr a Barabasɩ.

Matie 27:20

A bàwr-maal-nɩ-bɛrɛ nɩ a Zifʋ nɩbɛ nɩ-kore tɩ dɔ n a zu-sɛbla ƴãw kɛ́ bɛ zɛlɩ bɛ yuo a Barabasɩ bɛr ɛ́ kʋ a Yeezu.

Matie 21:23

A Yeezu na tɩ kpɛ a Ŋmɩn-yir-kpɛ̃ɛ pʋɔ kanɛ nɩ a nɩbɛ a, a bàwr-maal-nɩ-bɛrɛ nɩ a Zifʋ mɩnɛ nɩ-kore tɩ taw na ta a ʋ zie sowr'ʋ: «Nyɩnɛ n'a fʋ páw a sɔ́r ɩrɛ à à ŋá? Ɛ́ ãa n'ʋ kʋ̀ fʋ a sɔ́r kɛ́ fʋ ɩrɛ à à ŋá?»

Mise 2:6

Bɛ mɩnɛ kãw ƴɛ̀rɛ nɩ à ŋá a ɩ̃ zie: «Ta cãà ƴɛ̀rɛ a ƴɛ̀rʋ á ŋá taabɛ ɩ, dãbolu n'a, fʋ na yere k'aa vĩ bɛ tɛr nɩɩr-bɛrʋ a.

Amɔsɩ 5:10

A sob nɛ na mɩ́ yere kʋ̀rɛ nyɩ a ƴɛ̀rʋ-dɩb zie kɛ́ nyɩ tu a lɛ-na-tu-sɔr-a, nyɩ mɩ́ hɩ̃ɛn nɩ a ʋ sob. Ɛ́ a sob ʋl na mɩ́ dɩ a yel-mɩŋa dãsɩɛ a, nyɩ bɛ mɩ́ nɔ̃w ʋ paalɩ nũsalɛ̃pʋɔ ɩ.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

2 Bibie za yel-manɩ 25:16

Ɛcɛ a Amazɩasɩ tɩ tur'a de a ƴɛ̀rʋ sowr'ʋ: «Ãa n'ʋ kaa ír fʋ fʋ ɩ a nãà yã-wule? Fʋ̃ʋ bɛ wa bɔbr ŋmɩɛrʋ a, fʋ̃ʋ taa lɛb háarɛ nʋɔr ɛ.» A naaŋmɩn-ƴɛ̀r-manɛ bɛ lɛb tɩ háa nʋɔr ɛ, al pùorí, ʋ yel: «Ɩ̃ bãwnɩ a na, a Naaŋmɩn yel'a kɛ́ bɛ kʋ b, à à ŋá fʋ na ɩ a ƴãw, nɩ fʋ na zawrɩ na bɛr wõ a yã ɩ̃ na wule fʋ a.»

Nɩ-toni 3:11

A nɩr nɛ tɩ sɛ̀br'a tuur a Pɩɛr nɩ a Zã. A tɩ ɩ n nɔ-ɓãa-yel a zu-sɛbla za zie. Bɛ tɩ zɔ na wa ŋmãa viiri koli bɛ a bɛ-caar nɛ bɛ na bʋɔlɛ kɛ́ «Salomɔ̃ bɛ-caar» a pʋɔ.

Nɩ-toni 5:12

A Yeezu nɩ-toni tɩ maalɛ nɩ nɔ-ɓãa-yele nɩ yel-bãw-guuri yaga a nɩbɛ sɔgɔ. A bɛlɩ dem za na tɩ sàw de a Yeezu yele a, mɩ́ tɩ lãw nɩ taa be a Salomɔ̃ bɛ-caar na ƴãw kpule cɔrɩ cen a pʋɔ.

Zozue 18:1

A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Zeremi 32:3

A Sedesɩasɩ tɩ ƴãw na bɛ pàw ʋ a be, bʋ̃ʋ n'ʋ vɛ̃, ʋ tɩ yere na k'aa Zeremi sãw na, ʋ na yel a Sore ƴɛ̀rʋ ŋa a: «Ɩ̃ na de nɩ a Zerizalɛm ƴãw a Babɩlɔn tẽw nãà nuru pʋɔ, ʋ na zɛb'a de ʋ.

Zeremi 33:10

À ŋá n'a a Sore yere: «A nyɩɩm, a Zuda tẽw dem a, nyɩ yere na: “A tẽw ɩ n wɛja-kpalɛ, nɩbɛ nɩ dʋn bɛ cãà kpɩɛr ʋ ɛ.” Sɩza n'a, a Zuda tẽ-bɛrɛ nɩ a Zerizalɛm tẽw sɛ́ɛ gã nɩ zawlɛ. Nɩr za bɛ cãà kpɩɛr a pʋɔ ɩ, a nɩsaalbɛ nɩ a dʋn. Ɛcɛ a tẽw ŋa pʋɔ a, bɛ na lɛb'a wone

Zeremi 36:29

Ɛ́ a Zuda tẽw nãà Yoyakim ƴãw a, fʋ na yel'ɩ à ŋá: À ŋá n'a a Sore yere: “A Zeremi tɩ sɛb'ɩ à ŋá: A Babɩlɔn tẽw nãà na sɩrɩ na wa, wa sãw a tẽw ŋa bɛr.” Ʋ na kʋ n a nɩbɛ nɩ a dʋn. Fʋ yere nɩ a Zeremi ɛ́ nyɩw a sɛbɛ bɛr.”

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.