Zeremi 26:15 - A SƐB-SÕW

¹⁵ Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zeremi 26:15 Referans Kwoze

Sɔr-nɛ́ɛ 35:33

Nyɩ bɛ dɛwr a tẽw nyɩ na na kpɩɛr a bɛrɛ ɩ. Ɛcɛ nɩr kʋb dɛwr'ɩ a tẽw. Ɛ́ a nɩ-kʋrɛ kũu yõ n'a pɛ́wr a zɩ̃ɩ na dɛw a tẽw a.

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Nɩ-toni 7:60

Al pùorí, ʋ tɩ gbĩ n dume ɛ́ yel kpɛ̃w za: «Sore e, taa dier a yel-bier ŋa dɔwlɛ a bɛ zu ɛ.» Ʋ na tɩ yel à ŋá baar'a, ʋ gur'ɩ a kũu gʋ̃ɔ.

Matie 26:25

A Zuda na tɩ mɩlɛ ʋ a, tɩ de nɩ a ƴɛ̀rʋ sowr'ʋ: «Mãa ya n'ʋ bɩɩ, Wul-wul-kara a?» Ʋ tɩ sɔw ʋ na: «Fʋ̃ʋ n'ʋ yel.»

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Matie 26:4

Bɛ tɩ wõ n taa kɛ́ bɛ maalɩ yã nyɔw a Yeezu kʋ.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Zeremi 2:34

A nan dem nɩ a nɩbɛ na bɛ tɛr sãwna a zɩ̃ɩ be n a fʋ kparɩ nɛ́ɛ ƴãw. Ɛcɛ fʋ bɛ ùr nyɔw bɛ bɛ bɔbr a fʋ pan kárʋ ɛ! Ɛ́ à á ŋá za pʋɔ a,

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

2 Na-mɩnɛ 24:4

Ʋ tɩ ɩ na nɩ-yaga na bɛ sãw a kpi, a Zerizalɛm tẽ-kpɛ̃ɛ ɩ zɩ̃ɩ tɛwr, a Sore bɛ sàw dɩ suur ɛ.

Wulu-ayi-sob 19:10

À ŋá n'a bɛ kʋ̃ mɩ́ kʋ nɩr na bɛ tɛr sãwna a, a tẽw ʋl a Sore nyɩ Naaŋmɩn na na kʋ̀ nyɩ, nyɩ so a pʋɔ ɛ. Alɛ bɛ ɩ lɛ, nyɩmɛ na mɩ́ so a ʋ kũu sãwna.

Yele-za-pɛr-tib 42:22

Urubɛn tɩ yel'a ƴãw pʋɔ: «Ɩ̃ bɛ tɩ yel kʋ̀ nyɩ kɛ́ nyɩ taa ɩrɛ a bie ŋa faa kãw za ɩ? Ɛcɛ nyɩ bɛ bɛr wõ a ɩ̃ ƴɛ̀rʋ ɛ. A ʋ kũu san n'ɩ ŋan bɛ sowre tɩ a dɩ̃a.»

Yele-za-pɛr-tib 4:10

A Sore tɩ sɔw na: «Bʋ̃ʋ n'ɩ à à ŋá fʋ na ɩ a? A fʋ yɛb zɩ̃ɩ ɩ na mɛ̃ nɩr na cɩɩrɛ a yire a tẽsɔw tarɛ mɛ̃ a.

Zʋkpaɩ 6:16

Yele ayʋɔb be n be a Sore hɩ̃ɛn, bɛ mɩ́ bɔbr k'ʋʋ nyɛ̃ a ɩ: a pɔ̀l-jɩ́rʋ, a nʋɔr na ŋmarɛ ziri a, a nuru na kʋrɛ a nɩbɛ na bɛ tɛr sãwna a, a socir na cɔbrɛ yel-faar maalʋ a, a gbɛ́ɛ na zɔrɛ tɩ maalɛ a yel-faar a, a dãsɩɛ sob na ŋmarɛ ziri a. Ɛcɛ a yele ayopõi sob mɩ́ be n be a Sore na hɩ̃ɛn a: ʋlɛ n'ɩ a nɩr na ƴãwnɛ yɛbr tãá a.

Zeremi 26:12

Ɛcɛ a Zeremi tɩ yel'ɩ a tẽw tõ-tõ-bi-bɛrɛ nɩ a nɩbɛ za zie: «A Sore n'ʋ tõ m k'ɩ̃ɩ wa ƴɛ̀r a Ŋmɩn-yir-kpɛ̃ɛ ŋa ƴãw nɩ a tẽ-kpɛ̃ɛ ŋa ƴãw à á ŋá za nyɩ na wõ a.

2 Bibie za yel-manɩ 24:22

A nãà Zowasɩ tɩ yiir'ɩ a vla a Zekarɩa sãà, Yehoyada, na tɩ maal'ʋ a, ɛ́ tɩ ƴãw bɛ kʋ a Zekarɩa. A Zekarɩa na tɩ kpiir a, ʋ tɩ yel'a: «A Sore, ʋ nyɛ̃ bom nɛ fʋ na ɩrɛ a, ɛ́ sowri fʋ bom!»

Zeremi 30:1

A Sore tɩ ƴɛ̀r'ɩ a Zeremi zie à ŋá: