Zeremi 25:25 - A SƐB-SÕW

²⁵ - a Zimiri nɩ Elam ten na-mɩnɛ za, nɩ a Mɛdɩ mɩnɛ na-mɩnɛ za,

Zeremi 25:25 Referans Kwoze

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Yele-za-pɛr-tib 10:22

Sɛ́m bidɛbr'ɩ bɛ ŋa: Elam, Asuur, Arpakisadɩ, Ludɩ nɩ Aram.

Zeremi 51:28

Nyɩ ɓã a nɩ-bʋʋrɛ taa a ʋ ƴãw, baa zuo a za a Mɛdɩ mɩnɛ na-mɩnɛ, a bɛ na-kpɛ̃ɛ-lɩɛrbɛ, a bɛ tẽli-kaarbɛ nɩ a tẽw ʋl za bɛ na kaarɛ a.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Ɩzayi 13:17

A Sore yere na: «Ɩ̃ na ƴãw na Mɛdɩ mɩnɛ wa a bɛ ƴãw, nɩbɛ a salm-pla na bɛ ɩrɛ bɛ bom a, ɛ́ bɛ tobr bɛ ka a salm-zɩɛ ƴãw a.

Ezekɩɛl 32:24

A Elam tẽw nãà be n ka nɩ a ʋ zɛbr-nɩbɛ. A ʋ sojarɩ yarʋ viir'a koli ʋ. Bɛ kʋ n bɛ za a zɛbr zie. A yɔ-ɓile dem bɛ ŋa na tɩ ɩrɛ a nɩ-vʋʋrɩ tẽw màwr dɛ̃bɩ̃-mawfʋ a, bɛ siw nɩ a tẽsɔw pʋ̃ɔmɩ. Ƴɛrɛŋa a, vĩ nyɔw bɛ na lãwnɩ a bɛl za na be a kũuni zie a.

Ɩzayi 22:6

A Elam tẽw zɛbr-nɩbɛ tɛr'ɩ tamɛ nɩ lɔwr. Nɩbɛ be n a zɛbr-torkori zu, wi-zɔmnbɛ be n be. A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ.

Yele-za-pɛr-tib 25:2

Ʋ tɩ dɔw nɩ bidɛbr bɛ ŋa kʋ̀ ʋ: Zimiran, Yɔkɩsan, Medan, Madian, Yisɩbakɩ nɩ Suwa.

Yele-za-pɛr-tib 14:1

A ʋlɩ daar nɛ, Mezopotami nãà Amirafɛl, Elasaar nãà Ariyɔkɩ, Elam nãà Kedoor-Lawomɛɛr nɩ Goyim nãà Tidal

Nɩ-toni 2:9

Partɩ mɩnɛ n'ɩ bɛ ŋa, Mɛdɩ nɩ Elamɩtɩ mɩnɛ, a Mezopotami tẽw dem, Zude nɩ Kapadɔsɩ nɩbɛ, Pɔ̃ nɩbɛ, Azi nɩbɛ,

Ɩzayi 21:2

— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»