Zeremi 23:28 - A SƐB-SÕW

²⁸ Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Zeremi 23:28 Referans Kwoze

1 Timote 1:12

Barka yaga za n'a ɩ̃ puore a sob ŋa na kʋ̀ m a fãw a, a tɩ Sore Kɩrɩta Yeezu: ʋ bɛr'ɩ tɩɛrʋ a ɩ̃ ƴãw, ɛ́ de m ɩ̃ tone a ʋ tome,

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Matie 24:45

«A tõ-tõ-bi-vla nɩ yã-bãwnɛ pãa n'ɩ buor a? A kãw n'ɩ ŋan a ʋ zu-sob na de a ʋ yir nɩbɛ kʋ̀, k'ʋʋ mɩ́ kʋ̀ bɛ a bʋ̃-dɩrɩ a daar wa ta a.

Zʋkpaɩ 14:5

Dãsɩɛ sob na yere yel-mɩŋa a bɛ ŋmarɛ ziri ɛ, ɛcɛ ziri tɛwr'a a dãsɩ-ziri sob mɩ́ ŋmarɛ.

1 Korɛ̃tɩ 4:2

Ɛcɛ bom nɛ bɛ na mɩ́ bɔbr a bʋ̃-kaarbɛ zie a, ʋlɛ n'ɩ kɛ́ bɛ tone a bɛ tome vla taa lɛbr pùor ɛ.

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

Zeremi 23:25

«A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 42:4

A naaŋmɩn-ƴɛ̀r-manɛ Zeremi tɩ sɔw bɛ na: «Ɩ̃ wõ a na! Ɩ̃ na puor'ɩ a Sore tɩ Naaŋmɩn mɛ̃ a lɛ nyɩ na zɛlɩ a. Al pùorí, ɩ̃ na ɩ na nyɩ bãw a Sore sɔwfʋ, ɩ̃ kʋ̃ sɔwlɩ nyɩ bom za ɩ.»

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

1 Na-mɩnɛ 22:14

Ɛcɛ a Mise tɩ sɔw ʋ na: «A Sore na vʋʋrɛ a ƴãw, Ɩ̃ na yel'ɩ a ʋlɩ bom nɛ a Sore na na yel kʋ̀ m a!»

1 Na-mɩnɛ 22:16

Ɛcɛ a nãà tɩ yel ʋ na: «Gb'a a ŋmɩn n'a ɩ̃ na mɩ́ ƴãw fʋ pɔ k'aa yel-mɩŋa tɛwr'a fʋ na mɩ́ yel kʋ̀ m, a Sore yúor ƴãw.»

Ɩzayi 21:10

Ɩ̃ nɩbɛ ɛ, nyɩɩm bɛ na ŋmɛ mɛ̃ ble a gbãgbala pʋɔ a, a yel n'ɩ à ŋà, a Sore, a kpɛnʋ-za-sob, a Ɩsɩrayɛl Naaŋmɩn, na ɩ k'ɩ̃ bãw a. A yel n'ɩ à ŋà ɩ̃ na wa yere kʋ̀rɛ nyɩ a.