Zeremi 23:25 - A SƐB-SÕW

²⁵ «A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 23:25 Referans Kwoze

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Zeremi 8:6

Ɩ̃ bɛr'a wõ a lɛ bɛ na yere a vla vla: a lɛ za bɛ na yere a bɛ tɛr pɛr ɛ. A bɛ kãw za bɛ bɛr a ʋ ɩ-faar ɛ, ɛ́ bɛ sowre ʋ tʋɔra: “Bʋ̃ʋ n'ɩ à ŋá ɩ̃ na ɩ a?” Ŋa za mɩ́ lɛb'a nyɔw a zɔba, mɛ̃ wur na garɛ zɛbr zie a.

Sɔr-nɛ́ɛ 12:6

A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Luka 12:3

Lɛ so, bom nɛ za nyɩ nãà wa yel lige pʋɔ a, nɩbɛ na wõ ʋ nɩ cãàmɩ́, ɛ́ bom nɛ za nyɩ nãà waalɩ ƴãw nɩr tobrí di-lige pʋɔ a, bɛ na hier'ʋ na yel gàrʋ́.»

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 16:17

Ɩ̃ jɩ́rɛ nɩ a bɛ ɩ-ɩrɩ za, a kʋ̃ tʋ̃ɔ́ sɔwlɩ a ɩ̃ zie ɩ, a bɛ ɩ-faar kùre mɛ̃ nɩ mimir.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 13:27

Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»

Sɛb-sõw yielu 139:4

Ɩ̃ bɛ mɩ́ háa a nʋɔr sɛr ɛ, ɛ́ fʋ de niwn bãw a lɛ za ɩ̃ na na yel a.

Sɛb-sõw yielu 139:2

Fʋ mɩ́ bãw nɩ a ɩ̃ zɩma daar nɩ a ɩ̃ ìru daar, fʋ mɩ́ de nɩ niwn bãw a ɩ̃ pʋ-tɩɛrʋ a cɛlɩ.

Yele-za-pɛr-tib 37:9

A Zuzɛb tɩ lɛb'a zánɩ zánʋ kãw, mɩ̀ lɛb man ʋ kʋ̀ a ʋ yɛbr. Ʋ tɩ yel'a: «Ɩ̃ lɛb'a zánɩ zánʋ kãw: a mʋ̃tɔ̃w, a cuw nɩ ŋmar-bie pie nɩ been tɩ wa na wa vɔblɩ muru a ɩ̃ niŋé.»

Yele-za-pɛr-tib 37:5

A Zuzɛb tɩ gã na zanɩ bibir kãw ɛ́ manɩ kʋ̀ a ʋ yɛbr, ɛ̀ bɛ lɛb bãw hɩ̃ɛn ʋ dɔwlɩ.

Zeremi 27:10

Ɛcɛ, a al za bɛ na yere kʋ̀rɛ nyɩ a ɩ n ziri. Nyɩmɛ wa bɛrɛ wone bɛ a, bɛ na diw nyɩ na zãá nɩ a nyɩ tẽw. Sɩza, ɩ̃ na diw nyɩ na yaarɩ a ziir za, ɛ́ nyɩ na tɩ kpi na.

Zeremi 27:15

A Sore yere na: “Ɩ̃ bɛ tõ bɛ ɩ. Bɛ yel kɛ́ mãa yúor ƴãw n'a bɛ ƴɛ̀rɛ, ɛcɛ ziri n'a. Nyɩmɛ wa bɛrɛ wone bɛ a, ɩ̃ na diw nyɩ na yaarɩ, ɛ́ nyɩ na kpi na, a nyɩɩm nɩ a naaŋmɩn-ƴɛ̀r-manbɛ bɛl na ƴɛ̀r a naaŋmɩn-ƴɛ̀r-manbɛ ƴɛ̀rʋ kʋ̀ nyɩ a.”»

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 22:28

A bɛ naaŋmɩn-ƴɛ̀r-manbɛ bʋl'ɩ à á ŋá za pàw. Bɛ mɩ́ tɩɛr'ɩ bʋ̃-nyɛrɩ yel, ɛ́ manɩ yele na bɛ ɩ sɩza a. Bɛ mɩ́ yel'a: “À ŋá n'a a Sore Naaŋmɩn yere”. Ɛcɛ ɩ̃ bɛ ƴɛ̀r bɛ zie ɩ.

Zakari 13:3

Nɩr wa yel k'ʋʋ na cãà na ƴɛ̀rɛ naaŋmɩn-ƴɛ̀r-manɛ ƴɛ̀rʋ a, a ʋ sãà mɩŋa nɩ a ʋ mã mɩŋa na yel ʋ na: “A fɛr'a kɛ́ fʋ kpi, bʋ̃ʋ n'ʋ vɛ̃, ziri n'a fʋ ŋmarɛ, ɛ́ yel k'aa Sore yúor ƴãw n'a fʋ ƴɛ̀rɛ.” Ɛ́ ʋ na cãà na ƴɛ̀rɛ a naaŋmɩn-ƴɛ̀r-manɛ ƴɛ̀rʋ, ɛ́ a sãà nɩ a mã tɛɛ za cɔ̀r ʋ col kʋ.