Zeremi 23:11 - A SƐB-SÕW

¹¹ A Sore yere na: «A naaŋmɩn-ƴɛ̀r-manbɛ nɩ a bàwr-maalbɛ ɩ n nɩ-faar: a ɩ̃ yir tɛɛ za pʋɔ a, ɩ̃ nyɛ̃ nɩ a faa bɛ na maalɩ a.

Zeremi 23:11 Referans Kwoze

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Ezekɩɛl 23:39

Bʋ̃ʋ n'ʋ vɛ̃, a ʋlɩ bibir nɛ bɛ na kʋ a bɛ bibiir maal'ɩ bàwr kʋ̀ a bɛ ŋmɩn-bɛlɛbɛlɛ a, bɛ kpɛ n a ɩ̃ zi-sõw pʋɔ, a ɩ̃ yir tɔr za, kɛ́ bɛ ɩ ʋ la.

Zeremi 32:34

Bɛ ƴãw nɩ a bɛ tɩb-faar faar a yir ɩ̃ na so a pʋɔ, ɩ ʋ tɛr dɛwr.

Ezekɩɛl 8:16

Ʋ tɩ tɛr mɛ̃ na cen nɩ a Ŋmɩn-yir-kpɛ̃ɛ sɔwlɩsɔw davʋra lowr. A zi-sõw kpɛb zie a, a davʋra nɩ a bàwr-maal-kuur cará a, dɛbr tɩ be n be ta mɛ̃ dɛbr lɩzɛr'ɩ anũu a. Bɛ tɩ ŋmɛlɩ nɩ kpaar cɔw a zi-sõw, lɩɛbɩ a niŋe cɔw a saa-pɛrɩ́, ɛ́ tɩ gbĩ dume gũu tɩ tɔ tẽw a mʋ̃tɔ̃w niŋé.

Zeremi 11:15

«A nɩ-bʋʋrɛ, a mãa, a Sore, na nɔnɛ a maalɛ nɩ a bɛ pʋ-tɩɛr-faar. Bʋ̃ʋ n'ʋ bɛ wa ɩrɛ a ɩ̃ yir pʋɔ? A nɛ́ɛ bɛ na kone kʋ̀rɛ mɛ̃ a nɩ a bàwr-maal-nɛnɛ a, a na tʋ̃ɔ́ na ɩ a kpɩɛrʋ zãá nɩ bɛ bɩɩ? À ŋá n'a bɛ na tʋ̃ɔ́ nɩɩrɩ ʋ bɛr bɩɩ?

Zeremi 8:10

A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 7:30

A Sore yere na: «Sɩza, a Zuda tẽw nɩbɛ ɩ n a ʋlɩ bom nɛ na bɛ vɩɛl a, a ɩ̃ zie. Bɛ bin nɩ a bɛ tɩb-faar faar a yir ŋa ɩ̃ na so a pʋɔ, dɛw ʋ bɛr.

2 Bibie za yel-manɩ 36:14

Lɛ mɩ̀ n'a a bàwr-maal-nɩ-bɛrɛ za nɩ a nɩbɛ nɩ-bɛrɛ za mɩ̀ tɩ zawrɩ a Naaŋmɩn bɛr, ɛ́ tu a nɩ-bʋʋr-yoru ɩ-faar na bɛ maal'ɩ wob a, dɛw nɩ a Sore yir-kpɛ̃ɛ ʋ na tɩ ɩ ʋ ɩ sõw a Zerizalɛm a.

Ezekɩɛl 8:11

A Ɩsɩrayɛl nɩbɛ nɩ-kore lɩz'a ata nɩ pie tɩ àr'ɩ saaƴẽwn a ŋmɩn-bɛlɛbɛlɛ niŋé. A bɛ pʋɔ a, Safan bidɛb, Yaazaniyahu, tɩ be n be. Ŋa za tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole a nũú, ɛ́ a tɩ-suur-zɔ̃-na-nyùur-vla-vla-a zʋ̀ʋ́r tɩ dúor a salom zu.

Ezekɩɛl 7:20

Bɛ ƴãw nɩ a bɛ pɔ̀lʋ a bɛ na-bome vɩɛlʋ ƴãw. Bɛ de a na maal'ɩ ŋmɩn-faar na bɛ tɛr ŋmɛ̃a ɛ́ ɩrɛ kɔkɔrʋ a. Alɛ n'a so a Sore yel k'aa ŋmɩmɛ á ŋá na lɩɛb'ɩ sagɛ a bɛ zie.

Zeremi 23:15

A lɛ pʋɔ a, à ŋá n'a a Sore, a kpɛnʋ-za-sob yere a naaŋmɩn-ƴɛ̀r-manbɛ ƴãw: «Ɩ̃ na ƴãw na bɛ 'wɔb tɩ-va-tuo, ɛ́ ƴãw bɛ nyũ kʋ̃ɔ na tɛr lɔw a, bʋ̃ʋ n'ʋ vɛ̃, a Zerizalɛm tẽw naaŋmɩn-ƴɛ̀r-manbɛ zie n'a a faalʋ yire pàwr a tẽw za.»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

2 Bibie za yel-manɩ 33:7

Ʋ mɩ̀ tɩ maal'ɩ tɩɩb kãw ƴãw a Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ yel à ŋá kʋ̀ a Daviir nɩ a ʋ bidɛb Salomɔ̃ a: «A Ŋmɩn-yir-kpɛ̃ɛ ŋa pʋɔ n'a, nɩ a Zerizalɛm ka n'a ɩ̃ na mɩ́ wul k'ɩ̃ɩ be n ka kʋralɛ, a Zerizalɛm ɩ̃ na kaa ír a Ɩsɩrayɛl dɔwlʋ tẽ-bɛrɛ za pʋɔ a.

2 Bibie za yel-manɩ 33:5

Ʋ mɩ̀ tɩ mɛ n bàwr-maal-kube a Ŋmɩn-yir-kpɛ̃ɛ davʋrɩ a za ayi pʋɔ, a salom zu bʋ̃-nyɩwrɩ za ƴãwfʋ ƴãw.

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

A Lãw-mʋɔlɛ 2:20

Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

Ɛsɩdɩrasɩ 10:18

A bàwr-maalbɛ pʋɔ a, a bɛl na tɩ kul a nɩ-bʋʋr-yoru pɔwbɛ a tɩ n'ɩ bɛ ŋa: Yosadakɩ bidɛb Zozue nɩ a ʋ yɛbr bʋ̃-dɔwrɩ pʋɔ: Maaseya, Eliezɛɛr, Yarivʋ nɩ Gedalɩa.

Ezekɩɛl 44:10

«A levitɩ mɩnɛ taw na zãá nɩ mɛ̃ a lɛn daar a Ɩsɩrayɛl nɩbɛ na tɩ lo sɔr-faa ɛ́ jɛ m bɛr a bɛ ŋmɩn-bɛlɛbɛlɛ tub ƴãw a. À à ŋá a, bɛlɛ so a bɛ sãwna.

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.