Zeremi 23:1 - A SƐB-SÕW

¹ A Sore yere na: «Nyɛ̃ baw-bio a! A ɩ̃ nɩbɛ kaarbɛ ɩ n dʋ̃-cɩ̃ɩn-faar na bɛr a ɩ̃ dʋn a kpiir ɛ́ bɔrɛ gʋɔr a.»

Zeremi 23:1 Referans Kwoze

Zeremi 10:21

A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

Zeremi 22:22

Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zã 10:12

A libi-bɔbrɛ na bɛ ɩ a pi-cɩ̃ɩnɛ tɔr za a, ɛ́ mɩ̀ bɛ so a píir a, ʋlɛ mɩ́ wa nyɛ̃ a wɛ-baa ʋ waar a, ʋ mɩ́ zɔ na ɛ́ bɛr a píir, a wɛ-baa nyɔw a, ɛ́ diw a yaarɩ bɛr.

Zã 10:10

Nyãnyuge bɛ waar, a bɛ ɩ zub nɩ kʋb nɩ sãw-bɛrʋ tɛwr ƴãw ɛ. Mãa wa na kɛ́ a nɩsaalbɛ wa tʋ̃ɔ́ páw a nyɔ-vʋʋrʋ, ɛ́ páw ʋ gʋr bɛr.

Zeremi 23:2

À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Ezekɩɛl 34:31

Sɩza, a nyɩɩm nɩsaalbɛ, nyɩ ɩ n a ɩ̃ dʋn, ɩ̃ɩ kaarɛ a nyɩ zie. Sɩza, mãa n'ɩ a nyɩ Naaŋmɩn. A mãa Sore Naaŋmɩn n'ʋ yere.»

Ezekɩɛl 34:21

Nyɩ dáa nɩ a dʋn na bàl a bɛr nɩ a bawŋman nɩ a lõbowr, nyɩ cɔ̀r a na nɩ a ɩ́lɛ́. À ŋá a, nyɩ diw a na yaarɩ a ziir za ír a bɛr a mʋ̃ɔ 'wɔbrʋ zie.

Zeremi 2:26

Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Zã 10:8

A bɛlɩ dem za na de niwn wa a ɩ̃ ƴãw a, bɛ ɩ n nyãnyuwr, nyãnyu-nɩ-kʋrbɛ, ɛcɛ a píir bɛ bɛr wõ a bɛ ƴɛ̀rʋ ɛ.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Ezekɩɛl 36:38

A koro za a, a cuw-bɛrɛ daar a, a Zerizalɛm mɩ́ tɩ ɩ n dʋn tɛwr bɛ na mɩ́ tɩ de maal'ɩ bàwr a. A mɩ́ tɩ waar'a ɩ dʋ̃-yaga yaga. A na ɩ à ŋá a, a nɩbɛ na na lɛb wa, wa kpɩɛr a nyɩ tẽ-bɛr-sãwnɩ á ŋá a mɩ̀ na yãwmɛ na. Lɛ n'a nɩr za na bãw kɛ́ mãa n'ɩ a Sore.»

Ezekɩɛl 34:1

A Sore tɩ yel mɛ̃ na:

Zakari 10:3

«Ɩ̃ nyɛ̃ nɩ nɩ a dʋ̃-cɩ̃ɩ-sãanbɛ suur, bɛl na yel kɛ́ bɛlɛ nɛbɛ kaarɛ a ɩ̃ nɩ-bʋʋrɛ zie a, ɩ̃ na ìr'ɩ a bɛ ƴãw. Sɩza n'a, a mãa, a Sore Kpɛnʋ-za-sob, ɩ̃ na kaa nɩ a ɩ̃ dʋn zie, a Zuda nɩbɛ. Ɩ̃ na tɛr bɛ na cen nɩ a zɛbr zie, mɛ̃ a ɩ̃ wur-yúor a.