Zeremi 2:31 - A SƐB-SÕW

³¹ —A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 2:31 Referans Kwoze

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

1 Korɛ̃tɩ 4:8

Mɛ̃ nyɩ taa tɩw baarɩ! Mɛ̃ nyɩ taa kpɛ naalʋ baarɩ! Nyɩ lɩɛb'ɩ na-mɩnɛ baarɩ ɛ́ bɛr tɩ! Mɛ̃ à ŋá a ʋ? Bʋ̃ʋ pãa ɩ nyɩ bɛ sɩrɩ ɩ a na-mɩnɛ a? Tɩ mɩ̀ nãa lãw nɩ nyɩ na dɩrɛ a naalʋ.

Mise 6:9

A Sore ƴɛ̀rɛ nɩ a Zerizalɛm tẽ-kpɛ̃ɛ nɩbɛ zie, ʋʋ na faa nɩ a bɛlɩ dem na ƴãwnɛ ʋ a. «Nyɩ bɛrɛ wone, Zuda dɔwlʋ nɩbɛ ɛ, nyɩɩm za na ɓã taa a tẽw pʋɔ a.

Amɔsɩ 1:1

A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

Ɩzayi 45:19

Ɩ̃ bɛ sɔwlɩ ƴɛ̀r a tẽw zie kãw na liw a ɩ. Ɩ̃ bɛ yel a Zakɔb bʋʋrɛ: Nyɩ bɔbr mɛ̃ zi-vuo pʋɔ ɩ. A mãa Sore a, ɩ̃ yere nɩ bom na tu mɩnʋ a, ɩ̃ yere nɩ bom na ɩ sɩza a.»

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Sɛb-sõw yielu 12:4

A Sore, ʋ ɩ a nɔ-kãánɩ dem za bɔr, nɩ a bɛlɩ dem na mɩ́ ƴɛ̀rɛ garɛ nɩ baw a,

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

2 Bibie za yel-manɩ 31:10

A bàwr-maal-kara Azarɩahu na ɩ a Sadɔkɩ dɔwlʋ nɩr a tɩ sɔw ʋ na: «A nɩbɛ na tĩ waar'ɩ a bɛ bʋ̃-dieri a Sore yir-kpɛ̃ɛ pʋɔ a, tɩ mɩ́ dɩ na tɩ tɩw ɛ́ a cãà guu, bʋ̃ʋ n'ʋ vɛ̃, a Sore maal'ɩ a ʋ nɩ-bʋʋrɛ. A al na guu a, alɛ n'ɩ à á ŋá na gbõ taa a.»

Wulu-ayi-sob 31:20

Bʋ̃ʋ n'ʋ vɛ̃, ɩ̃ na tɛr'ɩ a nɩbɛ bɛ ŋa cen nɩ tẽw bʋ̀rʋ nɩ sɩwr na gbɔlɛ a, a tẽw ɩ̃ na pɔ yel a bɛ sãàkʋm-kore k'ɩ̃ɩ na kʋ̀ bɛ na a. Bɛ na mɩ́ nyɛ̃ a na dɩ tɩ sɛw, bɛ na 'wɔr'ɩ bɛ za. Al pùorí, bɛ na lɩɛb'a tu ŋmɩn-yoru, maalɛ a, bɛ kʋ̃ bʋɔlɛ mɛ̃ nɩr ɛ, bɛ na sãw nɩ a ɩ̃ wõ-taa bɛr.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:25

“Maal ɩrɛ, Ɩsɩrayɛl i! Fʋ na ƴãw nɩ a fʋ gbɛ́ɛ bàalʋ ɛ́ a fʋ kɔkɔr ko.” Ɛcɛ fʋ sɔw na: “Nyɩ ta dɩ tuo bàlɛ nyɩ tʋɔra ɩ! Ɩ̃ nɔnɛ nɩ a ŋmɩn-sãanbɛ ɛ́ bɔbr k'ɩ̃ɩ tu a!”

Wulu-ayi-sob 32:18

Yel-mɩŋa za, Ɩsɩrayɛl i, fʋ bɛr'ɩ a fʋ pì-kpɛ̃w, a ʋl na dɔw fʋ a, fʋ yiir'ɩ a Naaŋmɩn na kʋ̀ fʋ a nyɔ-vʋʋrʋ a bɛr!

1 Na-mɩnɛ 11:22

A Faarawɔ̃ tɩ sowr'ʋ na: «Fʋ bɔbr'ɩ bom guur a ɩ̃ zie ka bɩɩ? Bʋ̃ʋ n'ʋ so fʋ bɔbr kɛ́ fʋ lɛb kul a fʋ tẽw?» A Hadadɩ sɔw: «Ɩ̃ bɛ bɔbr bom guur ɛ, ɛcɛ, cãà bɛr mɛ̃ ɩ̃ kul.»

A Zɔb sɛbɛ 21:14

Ɛcɛ bɛ tɩ yel'ɩ a Naaŋmɩn: «Taw zaa a tɩ zie, tɩ tobr bɛ ka a fʋ pʋ-tɩɛrʋ maalʋ ƴãw ɛ.

Zeremi 5:5

A na ɩ lɛ a, ɩ̃ na cen nɩ a nɩ-bɛrɛ zie tɩ ƴɛ̀r'ɩ bɛ. Bɛl a, bɛ bãw nɩ a Sore pʋ-tɩɛrʋ, nɩ a ʋlɩ bom nɛ a bɛ Naaŋmɩn na bɔbr a.» Ɛcɛ bɛ za ɩ n been: bɛ gaarɩ na, ɛ́ ŋma a lãw-taa mie na tɩ 'lẽ bɛlɛ nɩ a bɛ Naaŋmɩn a bɛr.

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.