Zeremi 2:20 - A SƐB-SÕW

²⁰ «Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:20 Referans Kwoze

Wulu-ayi-sob 12:2

Nyɩ na sãw nɩ a maalʋ-ziir al za na be a tã-kɛrɩ, a tãli nɩ a tɩ-zimpiri zimpiri za pile a bɛr. Be n'a a nɩ-bʋʋr-yoru nyɩ na na diw ɛ́ de a ten a tɩ maalɛ a bɛ ŋmɩmɛ.

Levitɩ mɩnɛ 26:13

Mãa n'ɩ a Sore nyɩ Naaŋmɩn na ɩ kɛ̀ nyɩ yi zaa a Eziptɩ nɩbɛ tẽw pʋɔ, kɛ́ nyɩ ta cãà ɩ a bɛ gbãgbaar a. Ɩ̃ ɩ na a Eziptɩ tẽw dem gãdaalʋ baarɩ a nyɩ zu, ɛ́ ɩ nyɩ bɛr vĩ ɛ́ cere.»

Zeremi 17:2

Bɛ mɩ́ tɩɛrɛ nɩ a bɛ bàwr-maal-kube, a bɛ dà-barɩ nɩ a tɩ-zimpiri zimpiri a tãli-kɛrɩ zu, mɛ̃ a lɛ bɛ na mɩ́ tɩɛrɛ a bɛ bibiir a.

A naaŋmɩn-ƴèr-manɛ Oze sɛbɛ 3:3

Ɛ́ ɩ̃ tɩ yel ʋ: «Bɛr a pɔw-yɛm tome, bɛr a dɛb-yũo tub, ɛ́ be a ɩ̃ zie kɔwrɩ. Ɩ̃ mɩ̀ na ɩ n a lɛ a fʋ zie.»

Zeremi 30:8

«A daar wa ta a, a Sore, a kpɛnʋ-za-sob'ʋ yere, ɩ̃ na ír'ɩ a fãw ʋl na tɩ dĩ bɛ mɛ̃ a na-kʋ́ɔra-dàa a bɛr, ɩ̃ na ŋma n a bɛ mie bɛr. A lɛ pʋɔ a, bɛ kʋ̃ cãà ɩ sãanbɛ gbãgbaar ɛ.

Ɩzayi 1:21

Ŋmɩŋmɩn n'a a tẽ-kpɛ̃ɛ na bɛ lɛbr pùor a wa tɩ lɩɛbɩ pɔw-yɛm? Maal-ɩb tɩ be n a yel-na-tu-sɔr-a ƴãw a Zerizalɛm pʋɔ, a mɩnʋ tɩ so a zie a ʋ pʋɔ. Ɛcɛ ƴɛrɛŋa a, nɩ-kʋrbɛ nɛbɛ paalɩ ʋ.

Nahum 1:13

Ƴɛrɛŋa a, ɩ̃ na faa nyɩ nɩ a nyɩ dɔ̃ sob nuru pʋɔ ɛ́ ŋma a bʋ̃-'leni na 'lẽ nyɩ a bɛr.»

A naaŋmɩn-ƴèr-manɛ Oze sɛbɛ 2:5

Alɛ bɛ ɩ lɛ, ɩ̃ na yàa nɩ a ʋ bʋ̃-suuri ɛ́ bɛr ʋ ƴã-gã-kpãkpol, ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a! Ɩ̃ na ɩ na ʋ ŋmɛ̃ taa nɩ a wɛja-kpalɛ, ɩ̃ na ɩ na ʋ lɩɛbɩ tẽsɔw-kõw, ɩ̃ na ɩ na ʋ kpi n kʋ̃ɔ-nyúur.»

Ezekɩɛl 23:5

Ɛcɛ, a Ohola tɩ tõ n pɔw-yɛm tome ɩ̃ na saa tɩ so ʋ a. Ʋ tɩ nɔ̃w nɩ a ʋ kpɛ-pɩɛl dem yaga za, a Asiiri tẽw dem, ɛ́ tɩ ír a ʋ sɛnbɛ a bɛ pʋɔ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 16:41

bɛ na nyɩw nɩ a fʋ yie. Bɛ na ɩ n a ƴɛ̀rʋ bɛ na dɩ n fʋ ƴãw fʋ a dɔwrʋ a ʋ tu pɔw-yaga yaga mimirí. Ɩ̃ na ɩ n a fʋ pɔw-yɛm tome nʋɔr kʋ, ɛ́ fʋ kʋ̃ lɛb tʋ̃ɔ́ mɩ́ ya a fʋ sɛnbɛ ɩ.

Ezekɩɛl 16:31

A sɔ́r za tib zie a, fʋ mɛ n gboro. Fʋ mɛ n zi-kɛrɩ a ziir za. Ɛcɛ fʋ bɛ zɛlɩ libie mɛ̃ a pɔw-yɛmɛ bɛ mɩnɛ a ɩ.

Ezekɩɛl 16:28

Fʋ tõ n pɔw-yɛm tome nɩ a Asiiri tẽw dem, fʋ na bɛ tɩ sɛw a ƴãw. Fʋ tõ n bɛ nɩ pɔw-yɛm tome, ɛcɛ a vʋla cãà bɛ tɩ baarɩ fʋ mɩ̀ ɛ.

Ɩzayi 14:25

Ɩ̃ na sãw nɩ a Asiiri tẽw dem kpɛnʋ bɛr a ɩ̃ tẽw pʋɔ, ɩ̃ na nɛb'ɩ bɛ nɩ gbɛ́ɛ a ɩ̃ tan zu. A bɛ kpɛnʋ dĩ nɩ a ɩ̃ nɩbɛ mɛ̃ ni-kʋ́ɔrɩ dàa a, ɩ̃ na ír ʋ na bɛr. Bɛ dɔwl'ɩ to-tɩbrʋ a bɛ bawŋmamɛ zu, ɩ̃ na tow ʋ na bɛr.»

Ɩzayi 10:27

A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

1 Na-mɩnɛ 12:32

Ʋ tɩ ƴãw nɩ cuw ʋ be a cuwr ani sob bibie pie nɩ anũu daar, cuw na ŋmɛ̃ taa nɩ a ʋl na mɩ́ tɩ maalɩ a Zuda tẽw a, ɛ́ a ʋl mɩŋa tɩ maalɩ bagɛ a bàwr-maal-kuur zu. À ŋá n'a ʋ tɩ ɩ a Betɛl, maalɩ bagɛ kʋ̀ a nadɛli ʋ na tɩ maalɩ a. Ʋ mɩ̀ tɩ ƴãw nɩ a bàwr-maalbɛ ʋ na kaa ír a maalʋ-ziir ƴãw a, a be.

1 Samɩɛl 12:10

Lɛ n'a bɛ lɛb tɩ maal kõ cɔw a Sore yel: “Sore e, tɩ sãw na, tɩ zawrɩ fʋ na bɛr, ɛ́ tu a Báàl mɩnɛ nɩ a Asɩtarte mɩnɛ. Ɛcɛ ƴɛrɛŋa a, faa tɩ a tɩ dɔ̃ dem nuru pʋɔ, ɛ́ tɩ na tone fʋ na!”

Zozue 24:26

ɛ́ sɛb a za ƴãw a Naaŋmɩn wulu sɛbɛ pʋɔ. Al pùorí, ʋ tɩ ɓáw nɩ kʋsɛ-kpɛ̃ɛ teli a sɛn tɩɛ pile be, a Sore zi-sõw pʋɔ.

Zozue 24:24

A Ɩsɩrayɛl nɩbɛ tɩ sɔw nɩ a Zozue: «Tɩ na maalɛ nɩ a Sore tɩ Naaŋmɩn, ɛ́ bɛrɛ wone a ʋ ƴɛ̀rʋ.»

Zozue 1:16

Bɛ tɩ sɔw nɩ a Zozue: «Bom nɛ za fʋ na yere kʋ̀rɛ tɩ a, tɩ na ɩ na, ɛ́ zie nɛ za fʋ na na tõ tɩ a, tɩ na cen na.

Wulu-ayi-sob 26:17

Nyɩ ƴãw na a Sore yel a dɩ̃a, k'ʋʋ na ɩ n a nyɩ Naaŋmɩn, nyɩmɛ wa ɩrɛ a lɛ ʋ na bɔbr a, nyɩmɛ wa sàwr a ʋ wulu, a ʋ nɛ-ƴãwnɩ nɩ a ʋ tub a.

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

Wulu-ayi-sob 5:27

A na ɩ à ŋá a, a fʋ̃ʋ Moyiir'ʋ na mɩ́ taw pɩɛlɩ a Sore tɩ Naaŋmɩn wõ a ʋ ƴɛ̀rʋ za. Fʋ na mɩ́ lɛb'a yel a kʋ̀ tɩ a pùorí, ɛ́ tɩ na mɩ́ bɛr a wõ ɛ́ tuur a.»

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Eziptɩ tẽw yib 24:3

A Moyiir tɩ cen na tɩ manɩ a Sore ƴɛ̀rʋ za nɩ a ʋ nɛ-ƴãwnɩ za kʋ̀ a Ɩsɩrayɛl nɩbɛ. Bɛ tɩ lãw nɩ nɔ-been sɔw à ŋá: «Tɩ na tu n a lɛ za a Sore na yel a.»

Eziptɩ tẽw yib 19:8

A nɩbɛ za tɩ sɔw na mɛ̃ nɩ-been a, yel à ŋá: «Tɩ na ɩ n a lɛ za a Sore na yel a.» A Moyiir tɩ lɛb'a tɩ manɩ a lɛ a nɩbɛ na sɔw a kʋ̀ a Sore.

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Yel-wula 17:1

Lɛ n'a a malkɩ ayopõi na tɩ tɛr a koli-nyúuri ayopõi a, a bɛ ƴen sob tɩ wa wa yel mɛ̃: «Wa, ɩ̃ɩ na wul fʋ nɩ a lɛ bɛ na maal'ɩ a pɔw-yɛm-kpɛ̃ɛ a ƴɛ̀rʋ a, a pɛr lɛ k'aa tẽ-kpɛ̃ɛ ʋl na àr mamɛ yaga nʋɔr a.

1 Na-mɩnɛ 14:23

Bɛ mɩ̀ tɩ cɔbr'ɩ maalʋ-ziir, bin kʋsɛ-teli nɩ dà-barɩ a tãli za na tɛr tɩ-zimpiri zimpiri a zu.

Sɛb-sõw yielu 107:14

Ʋ tɩ ɩ na bɛ yi a bɛ gaso di-lige pʋɔ, ɛ́ ŋma a bɛ bʋ̃-'leni bɛr.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 5:5

A na ɩ lɛ a, ɩ̃ na cen nɩ a nɩ-bɛrɛ zie tɩ ƴɛ̀r'ɩ bɛ. Bɛl a, bɛ bãw nɩ a Sore pʋ-tɩɛrʋ, nɩ a ʋlɩ bom nɛ a bɛ Naaŋmɩn na bɔbr a.» Ɛcɛ bɛ za ɩ n been: bɛ gaarɩ na, ɛ́ ŋma a lãw-taa mie na tɩ 'lẽ bɛlɛ nɩ a bɛ Naaŋmɩn a bɛr.

Zeremi 13:27

Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»

A naaŋmɩn-ƴèr-manɛ Oze sɛbɛ 4:13

Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

Ƴɛ̀r-dɩrbɛ 2:11

Lɛ n'a a Ɩsɩrayɛl nɩbɛ tɩ ɩ bom nɛ na bɛ pɛlɩ a Sore pʋɔ a, ɛ́ puore a Báàl mɩnɛ.

Ƴɛ̀r-dɩrbɛ 2:13

Bɛ tɩ zawr'ɩ a Sore bɛr, ɛ́ puore a Báàl mɩnɛ nɩ a Asɩtarte mɩnɛ.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Sɛb-sõw yielu 2:3

Bɛ yere na: «Nyɩ ɩ tɩ ŋma a gbãgba-mie bɛ na 'lẽ nɩ tɩ a bɛr, tɩ ta sàw bɛ cãà dɩrɛ naalʋ tɩ zu ɛ!»

A naaŋmɩn-ƴèr-manɛ Oze sɛbɛ 1:2

A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze: «Cen tɩ de ŋmɩmɛ maalʋ-ziir pɔw-yɛm, dɔw nɩ ŋmɩmɛ maalʋ-ziir pɔw-yɛm bibiir. Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a, pɔw-yɛm ɩ-ɩrɩ tɛɛ za n'a bɛ ɩrɛ.»

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.