Zeremi 2:13 - A SƐB-SÕW

¹³ A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:13 Referans Kwoze

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 7:37

A cuw bibi-pɛ-baara, na ɩ a bibi-kpɛ̃ɛ za a, a Yeezu tɩ àr'a yere kpɛ̃w za: «Kʋ̃ɔ-nyúur wa kpɩɛr nɩr a, ʋ wa a ɩ̃ zie wa nyũ,

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Sɛb-sõw yielu 36:9

Bɛ mɩ́ dɩ n a fʋ yir bʋ̃-dɩ-nʋʋr tɩ tɩw, ɛ́ páw a fʋ bʋ̃-vɩɛlɩ a gbɔlɛ mɛ̃ man kʋ̃ɔ a.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

2 Pɩɛr 2:17

A nɩbɛ bɛ ŋa ɩ na mɛ̃ buli na ko kpar a, ɛ́ ŋmɛ̃ mɛ̃ zũzuwe saa-sɛsɛb na darɛ cere nɩ a. Liw lige n'a gã cɛlɛ bɛ.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 1:16

Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

Ekilezɩasɩ 2:26

Sɩza, ʋ mɩ́ kʋ̀ n a yã-bãwfʋ, a yele-bãwfʋ nɩ a nʋ̃ɔ̀ a sob nɛ na pɛlɩ a ʋ pʋɔ a. Ɛcɛ ʋ mɩ́ ƴãw na a yel-bier-maalɛ bɔbr bʋ̃-vɩɛlɩ gbone taa a sob nɛ na pɛlɩ a ʋl Naaŋmɩn pʋɔ a ƴãw. A yel ŋa mɩ̀ ɩ n bàlʋ zawla nɩ sɛsɛb diwfʋ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Ɩzayi 5:13

Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ekilezɩasɩ 2:11

Lɛ n'a ɩ̃ tɩɛrɩ a ɩ̃ tome za kaa, ɛ́ nyɛ̃ a bàlʋ ɩ̃ na bàl ɩ̃ tʋɔra tõ a a. Ɛcɛ nyɛ̃, à á ŋá za ɩ n bàlʋ zawla nɩ sɛsɛb diwfʋ. A nɩsaalbɛ bɛ nyɛrɛ tɔnɛ kãw za a bɛ tẽw zu ka nyɔ-vʋʋrʋ pʋɔ ɩ.

Ekilezɩasɩ 1:2

Bàlʋ zawla, bàlʋ zawla, Kohelɛtɩ yel'ɩ lɛ, bàlʋ zawla, bàlʋ zawla, bom za ɩ n bàlʋ zawla.

1 Samɩɛl 12:10

Lɛ n'a bɛ lɛb tɩ maal kõ cɔw a Sore yel: “Sore e, tɩ sãw na, tɩ zawrɩ fʋ na bɛr, ɛ́ tu a Báàl mɩnɛ nɩ a Asɩtarte mɩnɛ. Ɛcɛ ƴɛrɛŋa a, faa tɩ a tɩ dɔ̃ dem nuru pʋɔ, ɛ́ tɩ na tone fʋ na!”

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ekilezɩasɩ 4:4

Yel ŋa n'ʋ ɩ̃ mɩ̀ nyɛ̃: a nɩbɛ mɩ́ bàlɛ nɩ bɛ tʋɔra, ɛ́ bɔbr kɛ́ bɛ tõ a bɛ tome vla, a bɛ taabɛ zuo bɛ́rʋ tɛwr ƴãw. À à ŋá mɩ̀ ɩ n bàlʋ zawla nɩ sɛsɛb diwfʋ.

Zeremi 2:26

Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Ekilezɩasɩ 2:21

Bʋ̃ʋ n'ʋ vɛ̃, nɩr'ɩ ŋa tõ a ʋ ton nɩ yã-bãwfʋ, nɩ tome-bãwfʋ ɛ́ tõ páw, ɛcɛ nyɛ̃, nɩ-yũo na bɛ tõ a n'ʋ a fɛr k'ʋʋ bɛr a ʋ dem á ŋá kʋ̀. À á ŋá mɩ̀ ɩ n bàlʋ zawla nɩ faalʋ kpɛ̃ɛ!

Ekilezɩasɩ 1:14

Ɩ̃ nyɛ̃ nɩ bom za na ɩrɛ a tẽw zu ka a. Ɛcɛ nyɛ̃, a za ɩ n bàlʋ zawla, alɛ nɩ sɛsɛb diwfʋ za been.

Ƴɛ̀r-dɩrbɛ 10:13

Ɛcɛ nyɩɩm a, nyɩ zawrɩ mɛ̃ na bɛr ɛ́ maalɛ ŋmɩn yoru. Alɛ so ɩ̃ kʋ̃ lɛb faa nyɩ ɛ.

Mise 6:3

Ʋ sowre bɛ na: «Ɩ̃ nɩbɛ ɛ, bʋ̃ʋ n'ʋ ɩ̃ ɩ nyɩ? Bʋ̃ʋ n'ʋ ɩ̃ ɩ bàl nyɩ? Nyɩ sɔw kʋ̀ m!

Mise 2:8

Ɛcɛ a Sore ƴɛ̀rɛ nɩ à ŋá a nyɩ zie: «Nyɩ ìr'a ɩ a ɩ̃ nɩ-bʋʋrɛ dɔ̃ dem. A nɩbɛ na mɩ́ yi a zɛbr zie lɛb waar bɛr yã ɛ́ cere a, nyɩ mɩ́ faa nɩ a bɛ kpar-bɛrɛ bɛ na su dɔwlɩ a kpali zu a.

Zeremi 18:14

A sa-pupure bɛ mɩ́ pàw a Libã tan pie nɩr na bɛ kpɩɛr a kʋralɛ ɩ? A fʋɔlɩ kʋ̃ɔ na mɩ́ zɔrɛ siwr ɓaarɓaar a na tʋ̃ɔ́ na ŋmãa bɩɩ? Ʋ̃ʋ'hʋ̃!

Zeremi 5:26

Bʋ̃ʋ n'ʋ vɛ̃, nɩ-faar be n a ɩ nɩbɛ pʋɔ. Bɛ mɩ́ sɔwl'a gù mɛ̃ mʋ̃ɔ pʋɔ lili-nyɔwrbɛ a. Bɛ ƴãw nɩ bɛrɩ kɛ́ bɛ nyɔw nɩ a nɩsaalbɛ.

Ekilezɩasɩ 12:8

Bàlʋ zawla, bàlʋ zawla, bom za ɩ n bàlʋ zawla, Kohelɛtɩ yel'ɩ lɛ.

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:11

A pɔw lɛb yel a Yeezu: «Sore e, fʋ bɛ tɛr bʋ̃-'wɔ̃wna ɩ, ɛ́ a bule zulme, nyɩnɛ n'a fʋ na páw a kʋ̃ɔ na bùle yire a?

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Ɩzayi 12:3

Nyɩ na 'wɔ̃w nɩ kʋ̃ɔ nɩ nʋ̃ɔ̀ a faafʋ bul-nɛ́ɛ ƴãw.

Zeremi 14:3

A nɩ-bɛrɛ tone nɩ a bɛ tõ-tõ-biir kɛ́ bɛ tɩ bɔ a kʋ̃ɔ. Bɛ mɩ́ ta n a sa-bie-kʋ̃ɔ-bɔwrɩ pɛr, bɛ nyɛ̃ kʋ̃ɔ-bir za ɩ, bɛ mɩ́ lɛb'a wa n bʋ̃-zawlɛ, a bɛ tɩɛrʋ sãw, pʋ-sãwna tɛr bɛ, bɛ su zuru.

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Ezekɩɛl 47:1

A nɩr nɛ tɩ lɛb'a tɛr mɛ̃ wa n a Ŋmɩn-yir-kpɛ̃ɛ dɩ̃dɔr nʋɔr. Lɛ n'a ɩ̃ tɩ nyɛ̃ kʋ̃ɔ a bule yire a dɩ̃dɔr pile a saa-pɛrɩ́. Bʋ̃ʋ n'ʋ vɛ̃, a Ŋmɩn-yir-kpɛ̃ɛ niwn tɩ tori nɩ a saa-pɛrɩ́. A kʋ̃ɔ tɩ gbɔlɛ nɩ a Ŋmɩn-yir-kpɛ̃ɛ saa-pɛrɩ́-dʋrʋ-lowr ɛ́ tɩ tɔlɛ a bàwr-maal-kuur saa-pɛrɩ́-dʋrʋ-lowr.

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

2 Na-mɩnɛ 22:17

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru, a bɛ tɩbɛ ɩ na a ɩ̃ suur ìr. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.