Zeremi 18:22 - A SƐB-SÕW

²² Bɛ wone kpɩɛrʋ gɔmɛ a bɛ yie pʋɔ, a lɛn daar fʋ nãà wa bɛr nɩbɛ na yãwmɛ ɛ́ tɛr zɛbr bome bɛ ùr wa a bɛ ƴãw a! Bʋ̃ʋ n'ʋ vɛ̃, bɛ tuw nɩ bɔw kɛ́ bɛ nyɔw nɩ mɛ̃, bɛ sɔwl'ɩ bɛrɩ a ɩ̃ gbɛ́ɛ ƴãw.

Zeremi 18:22 Referans Kwoze

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Sɛb-sõw yielu 140:5

Sore e, taa sàwr k'ɩ̃ lore a nɩ-faar nuru pʋɔ ɩ. Gùre mɛ̃ a po-to-fãw dem, na tɩɛrɛ kɛ́ bɛ ɩ m ɩ̃ lo a ƴãw.

Sofoni 1:16

A ʋlɩ bibir a, bɛ na wone nɩ a sojarɩ bɛ pɛblɛ a wɩ́ɛ, ɛ́ ŋmɩɛr a zɛbr cɛlsɩ a tẽ-kpɛn kpɛn ƴãw nɩ a ten á ŋá yir-cõcowli ƴãw.

Matie 22:15

A Faarizɩ̃ɛ mɩnɛ tɩ cen na tɩ kpaa taa, kɛ́ bɛ nyɛ̃ a lɛ bɛ na na ɩ nyɔw a Yeezu a ʋ ƴɛ̀rʋ pʋɔ a.

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 18:20

Bɛ mɩ́ maal'ɩ faa yáa nɩ vla a? Bɛl a, bɛ tuw nɩ bɔw kɛ́ bɛ ɩ ɩ̃ lo. Ɛcɛ, lɛb tɩɛrɩ ɩ̃ na tɩ àr a fʋ niŋé k'ɩ̃ɩ ƴɛ̀r a bɛ vla ƴãw, ɩ a fʋ suur ʋ zãá nɩ bɛ a.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Ɩzayi 10:30

Nyɩ lɔbr cɛlsɩ, Galim tẽw dem i! Gùre fʋ tʋɔra, Laɩsa tẽw i! Anatɔtɩ tẽw i, sɔ̀w!

Sɛb-sõw yielu 38:12

A ɩ̃ bárɩ nɩ a ɩ̃ taabɛ bɛ pɩɛlɛ a ɩ̃ natɩɛ ɩ, a ɩ̃ nɩbɛ mɩ́ àr'a zãá.

Sɛb-sõw yielu 119:85

Pɔ̀lʋ dem tuw nɩ bɔw a ɩ̃ ƴãw, ɛ́ a lɛ dɛ bɛ tu a fʋ wulu ɛ.

Zeremi 5:26

Bʋ̃ʋ n'ʋ vɛ̃, nɩ-faar be n a ɩ nɩbɛ pʋɔ. Bɛ mɩ́ sɔwl'a gù mɛ̃ mʋ̃ɔ pʋɔ lili-nyɔwrbɛ a. Bɛ ƴãw nɩ bɛrɩ kɛ́ bɛ nyɔw nɩ a nɩsaalbɛ.

Zeremi 20:16

A nɩr ŋa, ʋ ŋmɛ̃ taa nɩ a tẽ-bɛrɛ a Sore na sãw bɛr a baarɩ a. A biɓaara a, ʋ mɩ́ wone kon cɛlsɩ, ɛ́ a mʋ̃tɔ̃-tuo ʋ wone zɛbr cɛlsɩ!

Sɛb-sõw yielu 140:6

Pɔ̀lʋ dem sɔwl'ɩ bɛra a ɩ̃ nisɔw. Bɛ 'lẽ 'lẽ nɩ mié nɩ mɩ̃ɛ a ɩ̃ nyɔwfʋ ƴãw, bɛ ƴãw nɩ bɛrɩ a sɔ́r nʋɔr. Tɛw-àrʋ

Sɛb-sõw yielu 142:4

Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.