Zeremi 16:7 - A SƐB-SÕW

⁷ Nɩr za kʋ̃ ka be lãw dɩ nɩ a kuor yir dem, mɔwlɩ bɛ ɩ. Nɩr mɩ̀ kʋ̃ kʋ̀ bʋ̃-nyúuri a bɛlɩ dem sãà mɩnɛ bɩɩ mã mɩnɛ na kpi a, tʋ̃ɔ́ mɔwlɩ bɛ ɩ.»

Zeremi 16:7 Referans Kwoze

A naaŋmɩn-ƴèr-manɛ Oze sɛbɛ 9:4

A lɛ pʋɔ a, a Efarayim nɩbɛ kʋ̃ mɩ́ lɛb cir divɛ̃ bɛr a Sore maalʋ ƴãw ɛ, a bɛ bagɛ kʋ̃ mɩ́ pɛlɩ a ʋ pʋɔ ɩ. A bɛ bʋ̃-dɩrɩ na ɩ na mɛ̃ wahala daar dipɛ̃ a: bɛlɩ dem za na 'wɔbr a a na tɛr'ɩ dɛwr. Bʋ̃ʋ n'ʋ vɛ̃, a bɛ dipɛ̃ na mɩ́ guoli bɛ na, ɛcɛ ʋ bɛ kpɩɛr a Sore Ŋmɩn-yir-kpɛ̃ɛ pʋɔ ɩ.

Ezekɩɛl 24:17

Taa wule a fʋ kpɩɛrʋ ɛ, taa tuur a ko-tuolu tub ɛ. Ɛcɛ, 'lẽ a fʋ zu-pɛn-vila, ƴãw a fʋ nafawrɩ. Taa pàwr a fʋ niwn, ɛ́ taa dɩrɛ a kuor bʋ̃-dɩrɩ ɛ.»

Wulu-ayi-sob 26:14

Ɩ̃ bɛ dɩ a tɛra ziir pie sob kãw za, a lɛ ɩ̃ na tɩ tɛr kuor a ɩ. Ɩ̃ bɛ ír bom za tɩr a lɛn daar ɩ̃ na tɩ ɩ dɛwr sob a ɩ, ɛ́ bɛ ír bom za tɩr kũu ƴãw ɛ. Sore ɩ̃ Naaŋmɩn i, ɩ̃ bɛr'a wõ a lɛ fʋ na yel a, ɩ̃ sàw nɩ a fʋ nɛ-ƴãwnɩ.

A Zɔb sɛbɛ 42:11

A ʋ yɛbr nɩ a ʋ yeepuuli nɩ a bɛlɩ dem za na tɩ dãw bãw ʋ a, tɩ wa na wa nyɛ̃ ʋ. Bɛ tɩ lãwnɩ ʋ na dɩ ɛ́ kõ ƴãw ʋ, ɛ́ mɔwl'ʋ a dɔwrʋ al za a Sore na tɩ ɩ ʋ nyɛ̃ a ƴãw. Ŋa za mɩ́ tɩ kʋ̀ n a Zɔb salm-pla libir nɩ salm-zɩɛ nũ-tʋʋr.

Ekilezɩasɩ 4:1

Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Zeremi 22:10

Zuda tẽw dem i, nyɩ ta kone a sob nɛ na kpi a ɩ, a nãà Zozɩasɩ, nyɩ ta kone ʋ ɛ. Nyɩ nɩ̃ɛ kone a sob nɛ na cere a, a nãà Salum. Bʋ̃ʋ n'ʋ vɛ̃, ʋ kʋ̃ lɛb wa ɩ, ʋ kʋ̃ lɛb nyɛ̃ a ʋ tẽ-dɔwra ɩ.

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»