Zeremi 16:15 - A SƐB-SÕW

¹⁵ Ɛcɛ bɛ na nɩ̃ɛ na mɩ́ yel: “Ɩ̃ pɔ n nɩ a Sore na vʋʋrɛ a, na ɩ a Ɩsɩrayɛl nɩbɛ yi a tẽw saa-pɛrɩ́-gʋba-lowr nɩ a ten al za pʋɔ ʋ na diw bɛ yaarɩ a!” Sɩza n'a, ɩ̃ na lɛb'a tɛr bɛ wa n a tẽsɔw ʋl ɩ̃ na tɩ kʋ̀ a bɛ sãàkʋm-kore a pʋɔ.»

Zeremi 16:15 Referans Kwoze

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 24:6

Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Ezekɩɛl 39:28

Mãa wa ɓã a Ɩsɩrayɛl nɩbɛ za taa a bɛ tẽw a, ɩ̃ kʋ̃ bɛr nɩr za ʋ cãà a ten al pʋɔ ɩ̃ na tɩ diw bɛ cen nɩ a ɩ. A lɛn daar a, a Ɩsɩrayɛl nɩbɛ na bãw na kɛ́ mãa n'ɩ a Sore bɛ Naaŋmɩn.

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Sɛb-sõw yielu 106:47

Sore tɩ Naaŋmɩn i, faa tɩ, lɛb bʋɔlɩ tɩ a nɩ-bʋʋr-yoru sɔgɔ wa ɓã taa, tɩ tʋ̃ɔ́ íre a fʋ yo-sõw, ɛ́ danɛ fʋ nyʋʋr'ɩ.

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Zeremi 50:19

Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

Zeremi 23:8

Ɛcɛ bɛ na mɩ́ yel'a: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a saa-pɛrɩ́-gʋba-lowr ten nɩ a ziir al za ʋ na diw bɛ yaarɩ a, lɛb wa zɩ̃ a bɛ tẽw pʋɔ a!”»

Zeremi 23:7

A Sore yere na: Bibir na vɩɛ na, nɩr kʋ̃ mɩ́ lɛb yel: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a Eziptɩ tẽw a ɩ...!”

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.

Yele-za-pɛr-tib 28:15

Ɩ̃ be n a fʋ zie, ɩ̃ na gùre fʋ nɩ zie nɛ za fʋ na cere a, ɩ̃ɩ na lɛb'a tɛr fʋ wa n a tẽw ŋa pʋɔ. Ɩ̃ kʋ̃ zawrɩ fʋ bɛr ɛ, ɛ́ gù ɩ̃ tɩ maalɩ a lɛ za ɩ̃ na yel kʋ̀ b a.»

Zeremi 12:15

Al pùorí, ɩ̃ na lɛb'a zɔ a bɛ nɩbaalʋ, ɛ́ lɛb tɛr ŋa za cen nɩ a ʋ zi-sóra pʋɔ, a ʋ tẽw pʋɔ.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Amɔsɩ 9:15

Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ, ɛ́ nɩr kʋ̃ lɛb ír bɛ bɛr a bɛ tẽw zu ɛ, a tẽw ʋl ɩ̃ na na kʋ̀ bɛ a. A mãa Sore fʋ Naaŋmɩn n'ʋ yere.»